بفتيك، استيك بانيه ، أو حتى اسكالوب بانيه
أختلف المسميات و الاصل واحد،،
وصفتى + خبرتى المتواضعه لبفتيك تخين و طرى و مستوى و طعم كمان
طريقه (مصنع الاطعمه المجهزه منزليا)
=-=-=-=-=-=-=-=-=-=-=-=-=-=-=-=
المقادير: 1-
اللحم نجيب من الجزار قطعه من الريش و الانتر كوت اللى جنبها قد 3 4 كيلو ،، نقطع الجزء الرفيع ، اللى هو جنب الريش قطع مربعه و نشيله للخضار ،
و ناخد بقى القطعه المستطيله و نقطعها شرائح للبانيه بالسمك اللى تحبيه، زى الصوره دى
2-
النقيع أى نوع بصل عندك، أحمر ، أخضر ، أصفر مقطع
3 4 فصوص ثوم
ملح، فلفل، قرفه بودره أو عيدان ، بشر جنزبيل طازج أو بودره ، بشر جوز الطيب مش كتير ، ينسون نجمه يدوب فصين، شويه نعناع ناشف أو طازج ،،،،
لبن رايب باقى عنك اصلاـ زبادى برده باقى ،
عصير ليمون ، أو عصير برتقال فايض أو لا رنج و كمان حطى القشر بتاع الليمون او غيره
عصير تفاح باقى من العيال،
و السر شويه
سكر 3-
الغطاء دقيق
بيض
بقسماط مفروم + شوفان سريع + باقى الكورن فلكس المكسر المغضوب عليه + ملح و فلفل
الطريقه ينقع اللحم مده ليله كامله فى التلاجه ،،
اليوم التالى ، نشيل اللحم و نفضه من كل النقيع
يعفر بالدقيق ، يغمس بخليط البيض ، و يغطى بالبقسماط و يرص فى اكياس يحفظ بالفريزر زى كده
الطريقه الاولى: =-=-=-=-=-=-=-=
يقلى البانيه فى طاسه تيفال مع شويد زبده علشان تساعده يتحمر + شويه زيت لان نقط احتراق الزيت مرتفعه مما يعمل على تعديل خصائص الزبده ،و يقدم مع البقدونس و الخضر المشويه أو كما ترغبين ، بالهنا
أختيارى لو عايزه ترققى الاستيك ، حطيه بين كيسين و خبطى عليه ، بس بالراحه ، لانه شبه مستوى من النقيع
الطريقه التانيه: =-=-=-=-=-=-=-=-=
و ممكن يشوى الاستيك بدل من يكون بانيه زى كده
الينسون المصرى ، و الينسون الصينى (بجد مش هزار) ستيك بصلصة المشروم والفلفل الاسود بقلم: رشارضا
www.zedony.com