اولا ده حال كل اللحوم بيقل حجمها عند الطهي نتيجة احتواءها علي نسبة مياة علية بتفقدها مع الطهي اما عن حالة البوفتيك فبيكون نقص حجمة راجع لتعرضة درجة حرارة مباشرة عالية نتيجة تسخين الزيت او السمن المستخدم في التحمير.
نصائح قد تفيد طبعا مفيش طريقة هتمنع ان اللحم يكش مع التحمير لكن ممكن تتبعي النصائح التالية وهي تقلل شوية من الكششان لحسن ابو العيال يتهمك انك بتاكلي اللحم من وراه :
- ما توصليش السمن اللي بتحمري فيه لمرحة القدح لانه ده بيعمل علي ان اللحم يخرج منه المية بسرعة وبيقلل الحجم وكمان يتحمر من برة بسرعة وهو جوه لسة نئ يعني بمجرد ما السمن او الزبد يسيح حطي قطع البوفتيك.
- عمل طبقة تحمي البوفتيك من الخارج وطعمها لذيذ عن طريق غمس قطع اللحم في الدقيق ثم بيض مخفوق ثم بقسماط الطبقة دي بتدي لون حلو وكثافة حول قطعة اللحم فتحافظ علي الحجم وتدي فرصة للسوي بشكل جيد من الداخل وطبعا ما بتكيشش حتي لو اللحم كش جوة الطبقة دي بتفضل بنفس حجمها
اي خدعة - لا تضعي قطع كثيرة في نفس طاسة التحمير لاختصار الوقت اجعلي مسافات بين القطع تسمح بالنضج الجيد
- اخفضي درجة الحرارة بعد وضع قطعة البوفتيك وممكن تعليتها مع قلب قطعة اللحم حتي تحمر وبعدين وطي الناتر تاني عشان تستوي من الجنبين كويس
- بعد عمل طاسة او اثنين ارمي السمن واغسلي الطاسة بالمياة وامسحيها بقطعة منديل وكل ده عشان نفقدها الحرارة اللي اكتسبتها اثناء التحمير وده مايخليش القطع الجديدة تتحمر بسرعة وتكش من غير ما تكون استوت كويس ولو ركزتي كل مرة بتعملي البوفتيك تلاقي دايما القطع الاولي احلي قطع لونا ونضجا وكل طاسة بعد كدة بتبقي اسوء من اللي قبلها
وبالف هنا وشفا ليكي وللعيال .....
واللي ياكل لوحدة يزور 