عدنا مع ... مين اللي هيقعد على كرسي الاعتراف .. الآن مع الضحية العشرين ..المهندس/ Ahmed Hussien

17
0
كنت اقترحت قبل كده موضوع كرسي الاعتراف اننا هنلعبه بس لما يبقى عدد الأعضاء المتواجدين كبير واحنا دلوقتي بسـم الله ما شاء الله عددنا يشجع على اللعب .. مين هيلعب معانا .. يلا عايزين نتجمع عشان نختار مين اللي هيقعد على الكرسي :P:(

الضحية الأولى: وائل بيومي :D
الضحية التانية: لوليـــتا :D
الضحية التالتة: خالتو صفـــــــاء:D
الضحية الرابعة: شـــــــــادي :D
الضحية الخامسة: ريـــــــــــم :D
الضحية السادسة: نــــــــــورا :D
الضحية السابعة : زغباويـــــة - شعلة الموقع - :D
الضحية الثامنة: الباشمهندسة:D
الضحية التاسعة: مـــــورا:D
الضحية العاشرة: مـــــــــــــادا -عبقرينو الموقع- :D
الضحية الحادية عشرة: Monem -الريــــــس- :D
الضحية الثانية عشرة: يـــــــــــارا :D
الضحية الثالثة عشرة: الأستـــــاذة:D
الضحية الرابعة عشرة: TOTOOMEX :D
الضحية الخامسة عشرة: عمو عبد المنعم :D
الضحية السادسة عشرة: شيماء مصطفى :D
الضحية السابعة عشرة: هاجر :D
الضحية الثامنة عشرة: Lady Rasha Reda :D
الضحية التاسعة عشرة: :D لولو الزغبي
الضحية العشرين: المهندس/ Ahmed Hussien {{uf:2542}}

 

إضافة منذ 10 عام
MaDa
11058
غير محدد
تعديل منذ 6 عام

التعليقات

wael pauomi osman منذ 10 عام
انا معنديش مشكلة أول متطوع هههههههههههههههه
بس بشويش
MaDa منذ 10 عام
كده بقينا اتنين .. يلا يا جماعة فين الباقي .. متخفوش الأسئلة من المقرر 😃
زغباوية منذ 10 عام
طيب ربنا يستر بقينا 3
MaDa منذ 10 عام
هنبدأ أول ما نبقى 5
زغباوية منذ 10 عام
ماتمشيها 3 وخلاص يامادا
MaDa منذ 10 عام
يعني اتنين على واحد .. هيبقى حرام .. هو محدش عايز يلعب ولا ايه ؟
الباشمهندسة منذ 10 عام
انا هتفرج بس 😃
MaDa منذ 10 عام
لالالالاالالا هتلعبي معانا .. كده بقينا اربعة 😃
فاضل واحد ونبدأ
الباشمهندسة منذ 10 عام
لا لا لا ...انا الحكم مابلعبش ... وبعدين اقدامي شوية صغيرة وهاقوم احضر الاكل 😞

انتوا ابتدوا والبقية تأتي ان شاء الله
زغباوية منذ 10 عام
ابدأياعم قبل ماتبقوا 2 ولو حلوة الكل هايجي جرى علشان انا كمان عايزة اقوم
MaDa منذ 10 عام
طيب مين اللي هيقعد على الكرسي فينا يا حضرة الحكم 😃
نعمل كولو بامية :D:D:D
زغباوية منذ 10 عام
وائل اعتقد كان اول متبرع معانا يالا نضحى بيه
MaDa منذ 10 عام
وائل هرب :D:D
MaDa منذ 10 عام
شكلنا كده هنأجل اللعب ل بالليل يكون الكل فاضي ولا مطبخ ولا شغل 😛
Noura منذ 10 عام
انا جيييييييييييييت
wael pauomi osman منذ 10 عام
back
MaDa منذ 10 عام
اوبا احنا كده ممكن نلعب دلوقتي .. يلا مين اللي هيقعد على الكرسي ؟؟
wael pauomi osman منذ 10 عام
خش عليا قبل ما يجي زبون
انا فى الشغل
MaDa منذ 10 عام
ههههههههههههههههههههههه طيب يلا يا جماعة دلوقتي وائل على كرسي الاعتراف .. كل واحد هيسأل سوؤال بالدور ومحدش يسأل سؤال جديد الا لما وائل يجاوب 😃
wael pauomi osman منذ 10 عام
د انا قلت انت اللى هتبدأ اوك
ولا بيهمنى
MaDa منذ 10 عام
اول سؤال سهل عشان نسخن : عرفنا بنفسك من واقع البطاقتين الشخصية والعائلية :(:D
wael pauomi osman منذ 10 عام
الاسم: وائل محمد بيومى
السن:27
خريج تجارة انجليش وشغال مصمم جرافك وخاطب ادعولى ربنا يتتملى على خير بقى
MaDa منذ 10 عام
ربنا يوفقك ويتتملك بخير يارب 😞
MaDa منذ 10 عام
هستنى دقايق لو محدش سأل هسأل انا 😃
wael pauomi osman منذ 10 عام
د انت شكلك ناويلى
MaDa منذ 10 عام
ههههههههههههههههههه لا خالص 😛
الباشمهندسة منذ 10 عام
ربنا معاك ويتملك علي خير
طيب عرفت زيدوني من مين ؟
wael pauomi osman منذ 10 عام
سؤال جامد اشك ان وراه مغزى
عن طريق محرك البحث
الباشمهندسة منذ 10 عام
مش فاهة الرد ؟؟ تقصد انك كنت بتدور علي حاجة ولقيت اجابة في زيدوني مثلا ولا شدك الاسم فحبيت تدخل ؟.... ده مش سؤال ده استفسار عن الاجابة 😞
MaDa منذ 10 عام
😃
wael pauomi osman منذ 10 عام
كنت بدور على اجابة سؤال وطلعلى الاجابه كانت من موقع زيدونى
بصيت كده لاقيت انو موقع متخصص فى الاجابه على اى اسئلة مطروحة قلت بس هو ده قمت عامل اشتراك وقتى
ولما دخلت واتعرفت عليكم لاقيت انو كمان موقع مشاركه اجتماعية قلت عصفورين بحجر واللى زاد كمان انكو ناس زى العسل كلكو والله
MaDa منذ 10 عام
ربنا يكرمك انت اللي عسل والله 😞
MaDa منذ 10 عام
بما إنك خاطب بقى .. تنصح الشباب العازب بإيه وتنصح نفسك بإيه 😃
wael pauomi osman منذ 10 عام
انصح الشباب العازب واقوله ان الجواز نص الدين توكل على الله
بس حط فى اعتبارك حاجتين مهمين جدا
1-لازم تعرف انك هتتحرم من حجات كتير كنت بتعملها قبل الارتباط فا لو مكنتش بتحب الانسانه دى بكل وجدانك وعلى استعداد انك موافق تضحى بناقص منها
2- المسؤليه لازم تكون ادها ادام نفسك قبل اى حد
MaDa منذ 10 عام
ربنا يكرمك ويبارك فيك 😞
wael pauomi osman منذ 10 عام
وانصح نفسي بانى احاول اخفف من عصبيتى شوية على كل حاجه
MaDa منذ 10 عام
وانا كمان 😃
MaDa منذ 10 عام
طيب اسأل انت نفسك سؤال وجاوب عليه 😃
wael pauomi osman منذ 10 عام
لا صعبة دى هههههههههههه
هو امتى العجله هتدور ؟ 😞
wael pauomi osman منذ 10 عام
تصدق يا مادا الناس شكلها مقلقه
MaDa منذ 10 عام
هههههههههههههههههههههههههههه احنا نكمل بقى مدام ابتدينا وهم هييجوا دلوقتي 😃
MaDa منذ 10 عام
اوصف نفسك في خمس كلمات 😃 وممكن تزود لو عايز 😛
wael pauomi osman منذ 10 عام
طيب عايز افهم حاجه هو امتى المفروض دورى ينتهى ونختار اللى بعده ؟
MaDa منذ 10 عام
لما نشبع منك ههههههههههههههههههههههه :D:P
wael pauomi osman منذ 10 عام
1-طيب
2-حنون
3-شجاع
4-دماغى جزمة
كفاية 5 اصلى ملتزم بالاسئلة هههههههههههه
MaDa منذ 10 عام
هههههههههههههههههههههههههه
MaDa منذ 10 عام
حلم حلمته وفشلت في تحقيقه وحلم لسه محققتوش ونفسك تحققه ؟
wael pauomi osman منذ 10 عام
لو عالاحلام اللى فشلت فى تحقيقها ددى كتير جدا الحقيقة
الحلم اللى نفسي احققة انى اعيش حياة مستقبلية كريمة فى حدود تحقيق الالتزامات الاساسية
MaDa منذ 10 عام
ربنا يحققلك كل احلامك وميجبش فشل تاني ابدا 😞
MaDa منذ 10 عام
شكلي انا اللي هفضل أسأل .. طيب نكمل بالليل عشان يكون العدد كبير ولا ايه رأيك ؟
wael pauomi osman منذ 10 عام
شكرا
wael pauomi osman منذ 10 عام
لسه كنت هقولك ومش شرط يكون عالسايت عشان يجاوب المهم بس نجيب رجلين حد مكانى لحسن كده السكاكين ممكن تكتر
MaDa منذ 10 عام
ههههههههههههههههههههههههه متخفش داحنا هنريحوك ونوضبوك :D:D
safaa منذ 10 عام
بجد لعبة حلوة ممكن تدخلونى معاكوا
بس عاوزة اسأل وائل
هل انت تعرف العضو حاتم لانه كمان نفس المجال بتاعك
safaa منذ 10 عام
يارب ياوائل تحقق كل احلامك
wael pauomi osman منذ 10 عام
لا متشرفتش بمعرفتة
Noura منذ 10 عام
انا اسأل سؤال فولي ( عملت ايه في المشكلة الي كنت بتسأل عليها وأخدت بإجابة مين ) 😞
wael pauomi osman منذ 10 عام
ريم بصراحة اكتر واحدهكانت عجبانى ردودها
Noura منذ 10 عام
كده تمام
MaDa منذ 10 عام
نورا وخالتو شغلوا اللعبة تاني 😃
MaDa منذ 10 عام
لو بقيت رئيس الجمهورية ومتاح ليك تنفذ قرار واحد بس وتسيب الحكم .. هتقرر ايه ؟
wael pauomi osman منذ 10 عام
عدالة اجتماعية
Noura منذ 10 عام
هشتكنا وبشتكنا ياريس
MaDa منذ 10 عام
هههههههههههههههههههه
MaDa منذ 10 عام
دورك يا نورا 😛
Noura منذ 10 عام
في إيه:p
MaDa منذ 10 عام
تسألي 😃
Noura منذ 10 عام
اها هههههههههههه حار امخمخ بس ثواني
safaa منذ 10 عام
انا كدة فاضلى 7 دقائق واقوم اشوف الاكل اللى على النار ..مليش دعوة
wael pauomi osman منذ 10 عام
وانا مضطر استأنف علشان وراية شوية شغل اكمل معاكم بعد الغدا
زغباوية منذ 10 عام
ايه ده كله ايه ده كله؟
زغباوية منذ 10 عام
دورى مادخلتش خطيبتك الموقع ليه؟:D حتى تبقى طريقة تتعرفوا على بعض اكتر:(
السؤال بجد بقى اتعرفت على خطيبتك ازاى؟؟؟؟
الباشمهندسة منذ 10 عام
تصدقي يا زغباوية اني كنت هسأل نفس السؤال بالظبط 😞 😞 توارد خواطر
loleta1 منذ 10 عام
ربنا يوفقك مع خطيبتك واللعبه لذيذه طب مافيش فترة صباحية عشان ربات المنازل اللي زيي خصوصا أني كنت ناويه أبتدي بس وائل سبق؟
MaDa منذ 10 عام
يلا يا وائل جاوب عشان تقوم انهرده من على الكرسي ونقعد عضو تاني 😛
wael pauomi osman منذ 10 عام
عن طريق الصدفة كانت معايا فى الجامعة نعرف بعض شكلا
وبعدين ضيفتها عن طريق واحد صاحبتها بعتالى مايل وانا لما يجيلى مايل فيه ايميلات كتير بعمل اد لكل الاميلات اللى بشك انها بتاعت بنات هههههههههه
المهم لما دخلت ماسينجر كلمتها سالتنى جبت المايل بتاعها منين قلتلها الحقيقة بردوا عملتى بلوك 🙂
وبعد فترة عشان ساكنين قريب من بعض اتقابلنا صدفة فى الشارع كل واحد داخل بعربيته فى وش التانى انا مخدتش بالى عشان مبابصش عل ىحد وانا ماشى هيا خدت بالها وفكت البلوك
وابتدا المشوار هههههههههه تقريبا لما شافتنى فى العربية اعجبت بيا
safaa منذ 10 عام
حلو قوى الاعتراف دا ياوائل...هو انا هيقالى كدة ..لا مش لاعبة معاكوا
wael pauomi osman منذ 10 عام
ههههههههههههههه
زغباوية منذ 10 عام
يالا مين الضحية التانية
الباشمهندسة منذ 10 عام
MaDa ان شاء الله ...طباخ السم بيدوقوا اول واحد ...مش كده ولا ايه 😞
زغباوية منذ 10 عام
يالا حد يبدأ يسأل مادا
الباشمهندسة منذ 10 عام
ايه رأيك في بنات الجيل بتاعك ؟
wael pauomi osman منذ 10 عام
تعلالى
الباشمهندسة منذ 10 عام
عجبك السؤال يا وائل .... ابقي فكرني اسألهولك لما تعقد علي الكرسي 😞
safaa منذ 10 عام
بعد اية ما هو قعد وائل على الكرسى وخلاص
MaDa منذ 10 عام
ايه ده انا مش هقعد دلوقتي خالص .. اختاروا حد غيري وخلوني في الآخر 😃
زغباوية منذ 10 عام
دخلت او بمعنى ادق وقعت خلاص يالا جاوب بقى واهى مرة تفوت ولا حد يموت وماتقلقش هاندخلك تانى فى الاخر:D
loleta1 منذ 10 عام
طب خلوني بداله عشان انا مش بدخل باللليل
MaDa منذ 10 عام
لوليتا الضحية التانية 😃
انا هروح منكم فين 😛
MaDa منذ 10 عام
خليكي فاكرة السؤال يا بشمهندسة لما اقعد هجاوبك 😞
زغباوية منذ 10 عام
انا هابدأ عملتى غدا ايه النهاردة ؟؟؟؟؟؟؟؟هههههههههه
loleta1 منذ 10 عام
طيب أبدؤا الأسئله
MaDa منذ 10 عام
يلا جاوبي على سؤال زغباوية عشان اسأل انا كمان 😃
loleta1 منذ 10 عام
ممبار وفته
MaDa منذ 10 عام
اهئ اهئ اهئ انا جوعت .. لوليتا ممكن اعزم نفسي على الغدا انهرده :):)
زغباوية منذ 10 عام
اوووووووووو ماليش فيهم يالا مين هايسأل
loleta1 منذ 10 عام
لأ
طبعا أعزم زيدوني كلها
MaDa منذ 10 عام
ههههههههههههههههههههه طيب يلا جاوبيني بقى 😃
MaDa منذ 10 عام
لو اتحكم عليكي تدخلي الجيش هتعملي ايه 😃
زغباوية منذ 10 عام
سؤال سهل يامادا لانها دخلته قبل كدا فى ليبيا
MaDa منذ 10 عام
انتي بتغشيشيها يا زغباوية 😃
زغباوية منذ 10 عام
اصلها حكت لنا قبل كدا
loleta1 منذ 10 عام
هأدخله زي مادخلته قبل كده كلنا فداء الوطن
زغباوية منذ 10 عام
طيب هاسال تانى لو مسكتى وزراة الثقافة هاتعملي ايه؟؟؟
loleta1 منذ 10 عام
أكتر حاجة هأعملها هي دورات تدريبيه لجميع الأعمار على أنواع الفنون البسيطه ونشاطات للأطفال وكمان معارض
loleta1 منذ 10 عام
معارض لبيع المنتجات دي ودخلها يبقى للبلد
loleta1 منذ 10 عام
يعني ثقافه وشغل فراغ للأولاد وكمان دخل للبلد
MaDa منذ 10 عام
شطورة يا لولي .. 😞
loleta1 منذ 10 عام
أيه رحتوا فين يلا اللي بعده
MaDa منذ 10 عام
ايه اكتر موقف في حياتك حسيتي فيه انك مظلومة ؟
loleta1 منذ 10 عام
لما بابا كان بيحاول بشتى الطرق يدخلني طب واناكنت عايزة فنون ولما وافقني خلاص فهمني إن فنون تطبيقيه زي الجميله بيدرسوا نفس الحاجات فدخلني فنون تطبيقيه لأنها قريبه من البيت وانا بحب رسم الأشخاص يمكن لو دخلت فنون جميلة كانت أضافت أكتر لموهبتي في رسم الأشخاص بس هو كان ليه نظرة إن فنون جميله فن من أجل الفن لكن فنون تطبيقيه فن يطبق في العمل
loleta1 منذ 10 عام
وكمان إتظلمت من خطيبي السابق لأنه كان شديد الغيره عليا وشك فيا بسبب كلام أصحابه البنات عني بعد خمس سنين أرتباط
loleta1 منذ 10 عام
اللي بعده
MaDa منذ 10 عام
ايه اللي انتي مش حققتيه ونفسك بنتك تحققه ؟
safaa منذ 10 عام
أكيد ماكنش يستهلك يالولو...
الباشمهندسة منذ 10 عام
معلش علي مقاطعة اعترافات لوليتا انا جت لي فكرة ان اختيار اللي يقعد الكرسي يكون عمل غير تطوعي يعني اللي يقعد له عدد اسئلة وليكن 10 او 15 وهو في الاخر يختار مين اللي يقعد بعدة ولو اللي بعده ماقعدش نعملوا نداءات في الموقع ولو ماقعدش يبقي ننقصة 10 درجات كلنا من مشاركات ليه وده طبعا عشان اجراء غير قانوني ان احنا ننقصة من السيستم.

انا هسأل بس لما تجاوبي يا لولو علي مادا .
زغباوية منذ 10 عام
حلو ياباشمهندسة
زغباوية منذ 10 عام
وجميل اوى يالوليتا شوفتى ليا نظرتى فى الوزرا برضوا:(
MaDa منذ 10 عام
فكرة حلوة يا بشمهندسة 😞
loleta1 منذ 10 عام
انا مؤيده لأقتراح الباشمهندسه عشان اللعبه تسخن:-(
انا فشلت في أني يكون ردي جاهز وحاسم على الناس اللي بتغيظني وبتستغل طيبتي لأني طيبه زياده على اللزوم وذوق برضه زياده عن اللزوم وكمان أتعودت إني أعدي وأضغط على أعصابي ونفسيتي نفسي بنتي تكون وسط وتكون أذكى مني وردها جاهز وتعرف تاخد حقها وتحط كل حد في وضعه بدون خروج عن الأدب وماتخليش حد يستغل طيبتها ويؤذي مشاعرها ونفسيتها
loleta1 منذ 10 عام
بصوا كل اللي عنده سؤال ليا عن أي حاجة يكتب سؤاله ومش لازم يستنى إجابتي فوراأنا هأرد على كل الأسئلة بلا أستثناء:-(
safaa منذ 10 عام
كلامك صح يالولو انتى والباشمهندسة ...وبكدة هكون بعدك على طول فى الكرسى...ربنا يستر!!
loleta1 منذ 10 عام
تمام عندك أي سؤال ليا؟
safaa منذ 10 عام
بتنظمى وقتك ازاى وما هى الاولوية عندك
loleta1 منذ 10 عام
عشان أنظم وقتي بأتعرف على نفسي وقدراتي وواجباتي وأرتبها وأنفذها
يعني انا ربة منزل ومتزوجة وعندي بنوته زي القمر وبحب الفنون والفن وبحب الناس وبحب النظام
يبقى رقم واحد بيتي لازم يكون نظيف وزي الفل وطلبات زوجي وطلبات بنتي وانا شخصيا زي الفل
رقم 2مطالبي الشخصية زي الرسم الدخول على النت
فبنام بدري وأصحى بدري أعمل مرور كامل على البيت وبعدين أفطر بنتي وأجهز للغداء أتبل اللحم مثلا وقطع الخضار وبعد كده بأدخل على النت وزوجي بيرجع على 5 من 3ونص بأقفل النت وأبدأتحضير الغداء وتوضيب نفسي وبنتي لإستقبالة وتنفيذ مطالبةه وبالليل بعد ماينام بأقوم وأمارس بقى حاجة تشحني بالإيجابيه زي الرسم أوالكتابه أو القراءةأو سماع الأغاني وهكذا
بس أهم حاجة إني مابأجلش عمل اليوم للغد وإيدي في بيتي أول بأول عشان مايصعبش عليا وبأنفض الكسل ولازم أنفذ كل ده عشان انا أرفض تماما إني أكون مقصرة أو مهمله في بيتي أونفسي
والحمدلله بقالي 5 سنين على كده
safaa منذ 10 عام
هايلة يالولو بس مش عارفة اديلك +1 ...ماهو سى مادا مخليها كلها تعليقات
loleta1 منذ 10 عام
خلاص إديني سؤالك اللي بعده
safaa منذ 10 عام
انا اعرف انكى صريحة جدا ..هل الصراحة دى بتسبب لكى مشاكل مع من حولك ؟ملاحظة
ممكن الاحتفاظ باى شىء متخصص بشؤنك العائلية
loleta1 منذ 10 عام
لأانا بقول الصراحة واللي فقلبي على لساني صراحة خاصة بيا أناوالأهم أني مابكونش صريحة مع الآخرين إلا إذا طلب رأيي برضه عشان مأجرحش حدومأتدخلش في شئون حد
أما بالنسبالي ساعات الصراحة والحق مابتعجبش اللي قدامك يعني لو قلت مثلا إني بحب الأغاني برغم كونها نوع من الملهيات وماأقدرش أستغنى عن سماعها في ناس بتعتبرني تافهه أو ضايعة برغم إني مش بأقصر في واجباتي ولافروضي
وفي ناس بتبقى عايزاكي تكدبي عليها بس مابقدرش يابخت من بكاني وبكى عليا ولا ضحكني وضحك الناس عليا مابغيرش مبدأي
يعني خطيبي السابق ذكره زعلني لأنه أتكلم مع بابايا بشكل مش ظريف فرفضت أرد عليه ولأنه مريض بالغيره كلم زميلاته في الشغل بتاعي وطلب تقرير عني لأعتقاده إني شايفه شوفه تانيه وكان ليا زميل في شغلي وانا بأوزع شكولاتة خطوبتي قاللي انا زعلت لأنه سبقني وخطبك ورديت بدبلوماسية كل شيئ قسمه ونصيب وبكرة تلاقي اللي يستاهلك
زميلات خطيبي غيرانين مني قالوله فلان بيكلمها ويلاحقهاواجهني قلتله ده زميلي ومافيش بنا أي شيئ خاص بس عايز الحق حصل وقالي كذا وكذا وكذا وهو كان معودني على عدم الكذب ماعجبوش الكلام وفسخنا الخطوبه في ناس قالتلي ليه قلتي كده أنتي بتغيظيه ده راجل زي أي راجل شرقي ورديت انا
مابكدبش وكان سهل قوي أكدب وأكسبه بس هأخسر نفسي
MaDa منذ 10 عام
برافو يا لوليتا 😞
MaDa منذ 10 عام
نفسك في ايه دلوقتي حالا ؟
loleta1 منذ 10 عام
نفسي أتعلم عزف على الجيتار ههههههههههههه
MaDa منذ 10 عام
هههههههههههههههههههههههههههههه
MaDa منذ 10 عام
لو باب البيت خبط دلوقتي .. نفسك يبقى مين اللي على الباب ؟
loleta1 منذ 10 عام
محصل الكهربا عشان الفاتورة بسب التكييف هتبقى مذهله وانا عايزة أدفعها وقلبي يرتاح
الباشمهندسة منذ 10 عام
مين اقرب حد الي قلبك ....الزوج الام الاخت الصديقة؟
loleta1 منذ 10 عام
الحبيب ههههههههههههه
MaDa منذ 10 عام
ههههههههههههههههههههههههههه :D:D
الباشمهندسة منذ 10 عام
لا سؤالي ماتفهمش .... اقصد تحبي تفضفضي وتشكي لمين طبعا بعد ربنا ... عشان الشكوي لغير الله مذلة 😞
MaDa منذ 10 عام
بدون قطع الكلام .. لوليتا هتختاري اللي هيقعد بعدك تن شاء الله بس يارب تقومي عشان انتي شكلك حبيتي الكرسي ومش هتقومي الا لما ننزل التحرير ونخلعك ههههههههههههههههههه :D:D
safaa منذ 10 عام
لو اى حد من اللى بيلفوا بالبضائع فى الشقق وخبط عليكى وانتى لوحدك فى الشقة هتعملى اية؟
loleta1 منذ 10 عام
ماقلتلك الحبيب مش مصدقاني اللي بحبه بفضفضله
safaa منذ 10 عام
معلش خليها تجاوب على اخر سؤال
loleta1 منذ 10 عام
انا مش هأقوم غير لما تزهقوا مني انا شخصيا معاكوا للصبح،وعايزةطنط صفصف بعدي لأنها حبيبتي وأحبها تبقى ملزماني على طول
safaa منذ 10 عام
وانا كمان يالولو ..ويالا وافقى على الصداقة عندك على الفيس بوك
loleta1 منذ 10 عام
ولا هأعبروا انا حتى محصل الكهربا والغاز مش بأفتح لهم غير ومعاهم البواب الدنيا مش أمان وانا ست لوحدي مع بنتي ماينفعش أفتح لحد ماأعرفوش فبرد وأقولهم يمشوا
safaa منذ 10 عام
بجد انتى راااائعة
safaa منذ 10 عام
يالا بقى ابتدوا معايا خلينى اخلص
MaDa منذ 10 عام
يعني كده لوليتا قامت خلاص .. ولا ايه ؟
اي يا لولي كفاية كده وندي فرصة لخالتو ولا لسه شوية ؟:(
safaa منذ 10 عام
يالا جهزوا كل الاسئلة بس هجاوب على مهلى ومحدش يزعل منى
loleta1 منذ 10 عام
ياصفف ياحبيبتي نفسك في أيهماعملتيهوش زمان وممكن يتعمل دلوقتي
MaDa منذ 10 عام
خالتو صفاء دلوقتي على الكرسي 😞
loleta1 منذ 10 عام
ماتخافوش هأقعد تاني بس كمان شويه القعده فيه مريحة والله
MaDa منذ 10 عام
اوكشن يا لوليتا بس دلوقتي خالتو صفاء هي اللي على الكرسي وأكيد هتلاقي اسئلة كتير من كل اللي في الموقع 😞
safaa منذ 10 عام
انا كان نفسى اكمل تعليمى واشتغل..ولانى تزوجت وانا فى 2ثانوى فمكنش ينفع اذاكر وانا معى اطفال صغيرة
MaDa منذ 10 عام
ايه اصعب موقف قابلتيه في حياتك واتعاملتي معاه ازاي ؟
wael pauomi osman منذ 10 عام
شفتى مين من اللى معانا على موقع زيدونى فيس تو فيس ؟
الباشمهندسة منذ 10 عام
لازم ازنقك .... بتحب مين اكتر واحد في اولادك وبناتك ؟؟؟؟
ها ردي بأمانة واوعي تعملي زي بتوع التليفيزيون وتقولي كلهم زي بعض
MaDa منذ 10 عام
صعب سؤالك يا بشمهندسة 😃
MaDa منذ 10 عام
يا جماعة بعد خالتو صفاء تجاوب على الأسئلة ياريت محدش يسأل الا لما اللي قاعد يجاوب عشان مش يبقى في كذا سؤال ورا بعضه 😞
safaa منذ 10 عام
علشان كدة اول ما عرفت اقعد واكتب على الكمبيوتر وخداها جد قوى وكأنى بشتغل
safaa منذ 10 عام
ياجماعة الباب بيخبط شوية واجلكم
زغباوية منذ 10 عام
عندك 3 اسئلة ياصفصف يالا جاوبى علشان اسئل
والباشمهندسة ولادها كلهم عارفين مين اكتر واحد صفصف بتحبه فى ولادها ومش زعلانين ولا حاجة
زغباوية منذ 10 عام
بعد ماتجاوبى ياصفصف عندى كلمة هاقولها
safaa منذ 10 عام
اسفة على التأخير
safaa منذ 10 عام

اصعب موقف قابلتة..الايام العصيبة اللى شوفناها كلنا ايام الثورة والمظاهرات اللى كانت موجودة وخوفى على الناس والشباب اللى فى ميدان التحرير وكأنهم اولادى بس للاسف معملتش حاجة غير اننى كنت بدعى لهم وخلاص
safaa منذ 10 عام
واحدة واحدة عليا ياجماعة..هأخذ نفسى الاول
safaa منذ 10 عام
بالنسبة لسؤال وائل
بقول لة انا اعرف ناس كتير معانا منهم اولادى وطبعا ابنى الكبير وصاحب الموقع وكمان اصحاب الاولاد وكمان ولى اقارب كثيرة ومنهم كبير وصغير
زغباوية منذ 10 عام
طيب جاوبى على سؤال الباشمهندسة علشان اسئلك
safaa منذ 10 عام
بالنسبة لسؤال الباشمهندسة وهى زوجة ابنى monem
انتى عارفة ان بحب اولادى كلهم زى بعض ..بس قلقى عليهم هو اللى بيختلف
الباشمهندسة منذ 10 عام
تحسي انها بتتهرب من السؤال يا زغباوية مش كدا .... وراكي وراكي 😞
safaa منذ 10 عام
وانا تحت أمرك
safaa منذ 10 عام
يالا قولى يازغباوية
زغباوية منذ 10 عام
هى جاوبت بين السطور ياباشمهندسة اللى بتحبه هى اللى ذكرت اسمه ههههههههههه
زغباوية منذ 10 عام
لو معاكى مليون جنيه تعملى بيها ايه؟؟؟؟؟؟
الباشمهندسة منذ 10 عام
ياسلام ياسلام هي دي الاسئلة يا زعباوية:p:o
زغباوية منذ 10 عام
يالا جاوبى ياصفصف
safaa منذ 10 عام
اول حاجة هعملها 1- نروح نحج انا وبابا
2- اشترى شقة لحاتم حبيبى
3- وطبعا اطلع فلوس كتير للمحتاجين
ولو هفتكر حاجة تانية هقولها على طول
الباشمهندسة منذ 10 عام
طب عملتي حساب الدعاية لموقع زيدوني في المليون ده 😞
الباشمهندسة منذ 10 عام
سؤالي : لو حبيتي تسأفري برة تختاري اي بلد تعيشي فيها ؟
safaa منذ 10 عام
اكيد طبعا عاملة حسابى ...وكمان اية !! ..دا انا هرش عليكم رش شديد جدا بس يجوا الاول وهتشوفى هعمل اية
safaa منذ 10 عام
اروح ميلانو ..لانى عشت فيها كام شهر مع زوجى.. وكانت من اسعد ايام حياتى
الباشمهندسة منذ 10 عام
عيني يا عيني علي ايطاليا ومواني اطاليا 😞
safaa منذ 10 عام
انا شايفة انوس على الموقع ليه مش بتسألينى قبل ما انزل من على الكرسى
زغباوية منذ 10 عام
طيب انتوا اتفقتوا على عدد الاسئلة اللى هاتتسئل للضحية ولا لسة
MaDa منذ 10 عام
ازاي انتي وعمو عرفتوا بعض واتجوزتوا.. ؟ 😞
Noura منذ 10 عام
اولا :انا عايزة نصيبي في المليون جنيه
ثانيا بقا:ليه بقا حضرتك اتجوزتي بدري كده
safaa منذ 10 عام
لان اختى الكبيرة متزوجة اخو عمك عبد المنعم وعمك شافنى يوم الفرح بتاعهم دا عمك هو اللى قالى بعد كدة..
وفى الفترة الاعدادى والثانوى كان بيتقدموا لى كتير وواحد منهم راح لزوج اختى وطلب ايدى منة ..بعدها عمك اتقدم وخطبنى وكان يوم
14- 9 -96
safaa منذ 10 عام
وحاضر يانورا اوعدك لما يجيلى المليون.. لكى نصيب كبييييير قوى فية ومش هنسى ..زمان ماكنتش اقدر اتكلم واقول حاجة ..اللى ماما وبابا يقولوا علية هو اللى يمشى وعلى ايامنا كانت البنت بتتزوج فى سن صغير
safaa منذ 10 عام
هة خلصتوا اسألة ولا لسة فية حاجة تانية
Noura منذ 10 عام
سيدي يا سيدي عالحب وسنينه
يعني عينيكي مجتش عليه كده ولا كده قبل هو مايشوفك 😉
زغباوية منذ 10 عام
اعترفى اعترفى:(
الباشمهندسة منذ 10 عام
سنة 96 احنا هنخم ياصفصف 😞 😞 😞
زغباوية منذ 10 عام
هههههههههههههههههههههه حلو حلو يبقى انا كدا عندى 10 سنين هههههههههههههههههه يادقيقة الملاحظة ياباشمهندسة:P
MaDa منذ 10 عام
ربنا يخليكو لبعض 😞
safaa منذ 10 عام
انا ااسفة ياجماعة تاريخ الخطوبة هو14-9 1969 دا حتى محفور على الدبلة
ويا نورا كنت اول مرة اشوفة لما جة عندنا يخطبنى ..حتى هو يبقى يقول لكم
safaa منذ 10 عام
شكرا يامادا
shady منذ 10 عام
يا جماعة انا فاتنى الموضوع دة كان نفسى اسألكم بس يلا ماليش نصيب فى الرمة اللى جاية ان شاء الله ولما تبتدى تلعبوها ابقى ابعتلى رسالة على الفيس بوك يا سى مادا
shady منذ 10 عام
المرة*
loleta1 منذ 10 عام
ياسلام ياشودا أنت تؤمر كل مانتجمع هنديلك إخطار عشان تبقى معانا وعشان كمان تشرف الكرسي بقعدتك ونسألك برضه
zedony.com - A mmonem.com production. Privacy Policy