الحب نادر والرجل غادر والله قادر (3)

3
0
(قصص زجليه منفصله على اجزاء )
( جزء رقم 3 )
ـــــــــــــــــــــ
ونصلى على بدر التمام . . النبى المختار . . عليه الصلاه و اتم السلام . . دى . . مش حكايه سماح . . ديه حكايه جواز ريم وصلاح . . بعد ماقلها . . راح لاهلها . . وخطبها . . بعديها كتب كتابها . . فى شهرين . . اتنين . . . . . وصلاح راجل عصامى . . وطبعه حامى . . ريم شابه جميله . . اصحابها . . ف لاسته طويله . . ومن كترهم . . مش عارفه تحفظ الاسامى . . صلاح لما حبها . . قال ياود . . بعد الجواز حتمسح نمر الولاد . . وتسيب البنات . . باهلها واخوها سامى . . هو عرفها م النادى . . وهى كانت على سواقها بتنادى . . اللى حايس ف الكاوتش . . والفرد كانت ف الكلتش . . نايمين ع الارض . . ومريحين كلهم بالطول والعرض . . صاحبنا راح على ريم . . وسلم عليها . . وهو صلاح سليم . . و جاى طالب ايديها . . و حيوصلها . . بعربيتو المرسيس . . وسواقها يحصلها . . لما يمشى بيها . . ضحكت ريم . . وركبت معاه . . راحت على بيتها وياه . . وقال ياعمى . . مش حكدب عليك . . حبها ف دمى . . وطالب القرب ليك . . وتجوزهالى . . ومهرها عندى غالى . . ميت الف باكو . . وفيلا ف العالى . . بص ابوها لريم . . لقاها مبسوطه . . وقال يام سليم . . سمعينا زغروطه . . وخطبها . . وف يوم راح معاها للنادى . .و قابلت وسيم اللى كان بينادى . . ويقول ياريم . . يااحلى الحريم . . نهارك عسل ونادى . . انتى بتوحشينى ليه . . واخبار مزاجك ايه . . وقرب لها . . يبوسها من خدها . .صلاح دمه فار . . وحس انه حمار . . وفرد ايديه . . وقرب ريم عليه . . وقالوا ريم خلاص اتخطبت . . وقرب معاد الجواز . . والاهل اتبسطت . . بالشبكه والجهاز . . ووسيم قال ده خطيبك . . وجالك خلاص نصيبك . . مبروك يااستاذ . . على الخطوبه . . والجواز . . وحضن ريم . . وبسها من خدها . . وقال دا شى عظيم . . انك تكونى مدام . . للاستاذ الهمام . . ف صلاح شدها . . من غله . . وقالها . . ازاى يحصل ده كله . . وريم مستغربه . . ان صلاح شدها . . وكأن ايديه مطرقه . . ضربت ايديها وكتفها . . وليه صلاح زعلان . . على طول غضبان . . وشدت ايديها من ايديه . واتعصبت عليه . . فقالها : عليكى باغير . . وده تصرف مش صغير . . لا كبير . . يحضنك قدامى . . يخرب بيته . . افهمى كلامى . . لااولع فيه بغيطه . . راحوا على بيتها . . وهما زعلانين . . ولاحظوا كمان اهلها . . انهم غضبانين . . وغلطوا بنتهم قدامو . . وقالت امها . . كل واحد ووتربيته وعلامو . . بكره تكونو لبعض . . وتتطبعو من بعض . . لما الجواز يجيى بغرامه . . واستعجل صلاح الجواز وخدها على امريكا . . بعد ماوعدها . . برحله تكون مزيكا . . شهر العسل فات بسلام . . آخر حب وانسجام . . ورجعوا على مصر . . فى وقت العصر . . وف يوم راحو ع النادى . . فقابلو وسيم . . وصلاح بيزغر لها . . عشان تدور وشها . . ومن بعيد تسلم عليه . . من غير ماتيجى ايديها ف ايديه . . لكن اللى حصل . انها حضنته . . من مابعد ماحضنها . . وفى خده باسته . . بعد ماباسها . . وصلاح لما فاق . . بسرعه رمى عليها يمين الطلاق . . فراحت تعيط لامها . . من الظلم والقهر . . ومش حيطول لعفش ولامهر . . وقالت امها : يارحيم . . سامحنى يابو كريم . . الحب نادر . . والرجل غادر . . والله قادر ............
نهايه جزء 3
(ابوشهاب)

 

إضافة منذ 6 عام
الكاتب الأصلي
تعديل منذ 6 عام

المصدر

https://www.facebook.com/Mhmdsdmhybabwshhab?ref=bookmarks

التعليقات

زغباوية منذ 6 عام
بكرة باذن الله هاحط روابط الجزئين الاول والثاني
محمد سعد مهيب منذ 6 عام
بجد ايوه كده عايزين نشوف الجرافيك الجميل
زغباوية منذ 6 عام
لا لا ماتفهمنيش غلط 😞 ده مش جرافيك ده انا بس بحط لينك الموضوعين الاولانيين علشان اللى ماشفهومش يدخل على اللينك بتاعهم يشوفهم
زغباوية منذ 6 عام
زى كدا
زغباوية منذ 6 عام
ثانية واحدة بقى اخوها اسمه سامي وابوها بيقول لامها ياام سليم ..كدا عادى ليها اخ تاني اسمه سليم ...المشكلة بقى مين ابو كريم 🙂
محمد سعد مهيب منذ 6 عام
اخوها الغير شرعى من ام تانيه
zedony.com - A mmonem.com production. Privacy Policy