الحب نادر . والرجل غادر . والله قادر 2

(قصص زجليه منفصله على اجزاء )
( جزء رقم 2)
___________________________
برضه حنبدأ الكلام . . بالصلاه على سيد الانام . . عليه الصلاه والسلام . . عديله ست جميله . . متجوزه امام . . بس فيها رزيله . . وحشه مش تمام . . انها نكديه . . وسليطه اللسان . . ا"مام" دا راجل طيب . . للسلام طبعه قريب . . مايحبش النكد . . ولا يكون حزنان . . وامام بيحبها . . مافيش كلام . . عشان هى تتحب . . ست تمام . . ف بيتها نضيفه . . وطبعها عفيفه . . واكلها جنان . . وياخساره . . قالوا ف الامثال . . الحلو مهمن كان . . حيفضل الكمال . . للواحد الديان . . وللامانه . . هى كمان شقيانه . . ف البيت والعيال . . تشوفها تعبانه . . راضيه باى حال . . وحيلها ياعينى اتهد . . ودايما حاسه انها . . ف حاره سد . . كل مابتنضف حاجه . . بسرعه بتتوسخ . . ولا الطبيخ . . مفتوح لم ينسد . . واليوم بيجرى اوام . . واشتغلى يامدام . . ومساعده . . مافيش من حد . . قوم دمها يفور . . والرقه ياناس تغور . . والصوت يعلى . . وليلتهم نكد بجد . . وامام عشان طيب . . وحاسس بيها . . يقوم يقول طيب . . وقبل ماينزل يعتذر ليها . . وراح امام ع القهوه . . وهو قاعد . . على سهوه . . لقى غزال جميل . . طلته تشفى العليل . . كان هناك بعيد . . لحد ماجه . . وبقى قريب . . بيبصلوا ف عنييه . . ويبقولوا حزين من ايه . . انا شايفاك راجل طيب . . طب دنا طبعى هادى . . واحب بيتى نادى . . وقلبى لربنا قريب . . واتقطع الكلام . . ومشيت ف سلام . . وبصلها امام . . مالقاش حاجه تتعيب . . وسرح بعد ماتنهد . . بس فاق قوام . . لما افتكر صوت المدام . . بص حواليه الهمام . . وراح ماتشهد . . بس قلبوا المستخبى . . بيعيش امانى . . والزمن اللى فات . . عايزه يرجع تانى . . روح طوالى . . وفضل للسما باصص . . وبكل اللى حواليه . . مش حاسس . . وقاعد يعد النجوم . . وعمره ابتدى م اليوم . . وافتكر اللى شافه . . من كلام عنييها . . واحساسه اللى عاشه . . لما كان حواليها . . وصاحبنا طول شويه . . م الضهر لما . . للمغربيه . . هى شافت كده . . وكدبت روحها . . بقالها ساعه تهاتى مع روحها . . تزعق مابنيزلش . . وتشخط مابيصلحش . . وقالت نهارك بلاك . . اكيد ف واحده شغلاك . . واتصعبت على روحها . . دنا ف الهم شايلاك . . ومنضفاك . . تقوم تحب عليه . . ليه هو انا . . مش قدامك وليه . . ياعايب . . ياناقص التربيه . . وبسرعه تطلب امها . . اللى قالت لها . . مالك . . وايه مشقلب حالك . . وعديله بتعيط . . صوتها مخنوق . . وكانه مشنوق . . ومش متظبط . . ولما فكت شويه . . قالت لاامها عدليه . . بصوت هادى . . وكله حنيه . . امام حيتجوز عليه . . مكدبش اللى قال : الحب نادر . . الرجل غادر . . والله قادر . . . . . . . . . . . . .
نهايه جزء 2
(ابوشهاب)