الحب نادر والرجل غادروالله قادر. . زجليه (1)

5
0
الحب نادر . والرجل غادر . والله قادر
ــــــــــــــــــــــــــــــــــــــــــــــــــــــ
(قصص زجليه منفصله على اجزاء )
( جزء رقم 1)
___________________________
قبل مانقول الكلام . . نصلى ع النبى العدنان . . عليه الصلاه والسلام . .ونقول البيان . . اللى باين م العنوان . . الحب نادر . . يبقى قليل ف الوجود . . الرجل غادر . . يعنى منتهى البرود . . الله قادر . . قدره مالهاش حدود . . مين اللى قال المثل . . وقال على رايه . . دا اكيد ولازم حصل . . وجه على مهله . . يمكن يكون راجل . . ولا ست من الستات . . ولا شاب صغير . . حب بنت م البنات . . بس هو فقير . . بقلب وعقل كبير . . بحبها حيطير . . وقال لاهله . . اسمها سماح . . ست الصبايا الملاح . . قاله ابوه ياسعيد . . انت صحيح ف الجامعه معيد . . بس الحال على قده . . والجواز انت . . مش اده . . رد سعيد على طول . . انت ليه كده يابا بتقول . . صحيح سماح . . نور الصباح . . ابوها فلوسه كتير . . بس حبها ليه كبير . . وقالت حتعيش معايا . . ع الميه و ع الحصير . . يابنى ياسعيد . . لو انت حديد . . لازم تفكر شويه . . ومتبقاش عنيد . . لو شافت الحصير . . حبها حيطير . . وتفكر ف العصير . . والتفاح . . وكل ليالى اهلها الملاح . . خد واحده من توبك . . هى اللى حتنسبك . . حتبقى عارفه عيبك . . من قبل ماتناسبك . . يابويا سماح عارفاه . . راضيه وقبلاه . . حخدلها اوضتين . . وافرش على مهلى . . وتعيش على قدى . . مانت عارف . . هى تلميذه عندى . . وابوها مش حيرد لى طلبى . . واتفقت مع اختها . . انى النهارده . . اروح لها . . اخبط على الباب . . واقابل اهلها . . ادعليى ياوالدى . . . . يابنى معاك ربى . . وراح سعيد لسماح . . بعد الفجر مالاح . .سمع الادان وراح صلى . . وف ساعته بيتملى . . وبكل فكره بيقول . . الراجل بعلمه . . مش بجهله . . ودور على العنوان . . من مكان لمكان . . لحد مالاحلو . . قصر ملك سلطان . . حراس ف كل مكان . . لقى الحارس بيندهلوا . . فخرج من جيبه . . ايديه . . وسلم عليه . . وقله من فضلك . . انا المعيد سعيد . . وده كارتى . . عليه اسمى . . وبكل احترام . . بهدوء وسلام . . وصل سعيد لباب . . ببابين . . عشان هما قصرين . . اتنين . . بص حواليه . . باحساس وصل اليه . . ان ابوه بيشاور عليه . . وهو بيقول . . يجرالوا اللى يستاهلوا . . ونزل ابوها البيه . . بص عليه . . نسى جاى ليه . . وكان عيونو اتذهلو . . وقال سعيد قوام . . تحياتى للمدام . . وليك ياكريم الكرام . . ومن حظكم . . ان سماح بنتكم . . فى الجامعه شطورا . . وحتلطع كمان الاولى . . ياريت تحيوها . . من فضلكم . . اقول لحضرتك سلام . . وادينى بلغت حضرتك والمدام . . وخرج من الباب . . اوام . . وبكت سماح بنواح . . بعد ماعرفت انه ماجاش يطلبها . . وهى فضلته على كل خطابها . . فقالت عليه . . الحب نادر . . الرجل غادر . . والله قادر ..................
نهايه جزء 1
(ابوشهاب)

 

إضافة منذ 6 عام
الكاتب الأصلي

المصدر

https://www.facebook.com/Mhmdsdmhybabwshhab?ref=bookmarks

zedony.com - A mmonem.com production. Privacy Policy