بمناسبة شهر رمضان وان ناس كتير بتقرأ القرأن فيه بكثرة فلابد نخرج من هذة القرأة بعلم جديد ومتبقاش مجرد قرايه وخلاص وتحصيل عدد من الاجزاء عشان نلحق نختم قبل نهاية الشهر او ليلة 27 رمضان ... اكيد مش دا اللي ربنا عايزه مننا ولو رجعنا لقوله تعالي ...
﴿أَفَلَا يَتَدَبَّرُونَ الْقُرْآَنَ أَمْ عَلَى قُلُوبٍ أَقْفَالُهَا﴾. [سورة محمد الآية: 24] يعني الحكمة ان الواحد يقرأ ويفهم ومايعديش علي اي حاجة مرور الكرام وياريت لو يبحث ويشوف الايات اللي بيقرأها نزلت ليه وايه القصة اللي وراها .... والله الواحد بكتشف كتير جدا وبطلع جاهل في الاخر. .... بس سعيد انه عرف حاجة جديدة ممكن ما يكونش سمع عنها قبل كدا والاخلي بقي انه يكتشف حاجة كان فهمها غلط خالص وطلع ليها قصة او معني مختلف.
وبمناسبة شهر ومضان .... نتعاون مع بعض ونعمل سلسلة حلوة من المقالات اسمها
أَفَلَا يَتَدَبَّرُونَ الْقُرْآَنَ ويكون فيه شرح لمعني او قصة جديدة نستفيد منها كلنا وعشان ما نتعبش كل واحد وهو بيقرأ يركز علي حته كدا ويبحث وراها ويجيب اصلها ......
اختر لكم في مقال ي الاول
ذا الكفل ذُكر ذا الكفل مرتين فقط بالقرأن واقترن اسمه بالانبياء والصالحين والاخيار
قال تعالى:
{وإسماعيل وإدريس و
ذا الكفل كل من الصابرين} (الأنبياء:85)
{واذكر إسماعيل واليسع و
ذا الكفل وكل من الأخيار} (ص:48).
قررت ابحث وراءه لكي اعرف كان موجود في اي حٌقبة ايه حكايته بالضبط ولكن اتفاجأت انه فيه صراع عليه حيث ان اليهود ينسبوه لنفسهم ويقولوا انه نبي الله
حزقيال ولكن قال أهل التاريخ ذا الكفل هو ابن أيوب ونسبه هو نسب أيوب واسمه في الأصل بشر وقد بعثه الله بعد أيوب إلى أهل دمشق وما حولها وقيل إنه تكفل لبني قومه أن يقضي بينهم بالعدل ويكفيهم أمرهم لذلك سُمىَّ ذا الكفل وكان يصلي كل يوم مائة صلاة فوفى بها اجتبی الله تعالی ذا الكفل من آلاف الأنبیاء علیهم السلام أجمعین في زمرة الذین ذکر الله أسماءهم في القرآن الكریم .
واختصرا لما قرأت من تفاسير كثيرة في الايتين السابقتين اجمع الكثيرون علي ان ذا الكفل نبي من الأنبياء عليهم الصلاة والسلام أجمعين فالظاهر من السياق أنه ما قُرن مع الأنبياء إلا وهو نبي ..... وانه مذكور في سورة الانبياء اذن هو نبي ...... ولكن بعض المفسرين اشاروا الي انه ليس بنبي ولكنه من الرجال الصالحين والقرآن الكريم لم يزد على ذكر اسمه في عداد الأنبياء أما دعوته ورسالته والقوم الذين أرسل إليهم فلم يتعرض لشيء من ذلك .... وعليه الله اعلم اذا كان نبي ولا من الصالحين ولكن يكفي انه يكون مذكور في القرأن من الصابرين والاخيار عشان نتأكد انه عمل طاعات وعبادات كثيرة.
انا متشوقة للمقال التاني ... ياتري هيكون موضوع ايه؟
اسلام ويب ... ويكيبيديا .... وتفسير القرأن