كيك التمر والحليب

6
1

المقادير
2 بيض
1 كوب من السكر
نصف كوب من الزيت
ثلاث ارباع كوب من الحليب
كوب وثلاث ارباع كوب من الدقيق
1 كوب من التمر قطع
نصف ملعقه صغيرة من البيكنج بودر

1 ملعقه كبيرة من بشر الليمون
نصف كوب من الزبيب
شوكولاته سائله للتزيين

الطريقة
يسخن الفرن على حرارة 180 درجه
يدهن قالب كيك مجوف من الداخل ( مثل قالب الكريم كراميل ) بقليل من الزبدة
يخفق البيض جيدا فى وعاء عميق باستخدام المضرب الكهربائى
يضاف السكر الزيت والحليب مع الاستمرار فى الخق حتى تتجانس المكونات
يخلط الدقيق مع البيكنج بودر فى وعاء اخر ويضاف الى خليط البيض مع التقليب حتى تتجانس المكونات
يضاف بشر الليمون والتمر والزبيب مع التقليب بخفه حتى تتداخل المكونات
يصب الخليط فى القالب المعد يوضع فى الفرن لمدة 35 دقيقه او حتى تمام الخبز
يترك الكيك ليبرد قليلا يوضع فى طبق التقديم ويزين بالشوكولاته السائل {{uf:738}}

 

إضافة منذ 8 عام
غير محدد
تعديل منذ 1 شهر

التعليقات

زغباوية منذ 8 عام
هاجربها بس هو لازم قالب كيك مجوف
Lady Rasha Reda منذ 8 عام
اه لازم
زغباوية منذ 8 عام
ليه؟؟؟؟
Lady Rasha Reda منذ 8 عام
علشان بعض أ،واع الكيك يعتبر تقيل لازم عرضه يكون صغير و ده بيحققه القالب المجوف؟فهمتى قصدى

و من امثله الكيك التقيل كيك التمر و الشوفان و كيك الجزر و كيك الموز ،،،و غيرهم
Lady Rasha Reda منذ 8 عام
لما شوفت الصوره جعت ، هاتى حته يا دودو ،
أم العيال منذ 8 عام
خدي ياتوتة بس ابقي إدي حتة لياسين حبيبي وقوليله خالتو دودو بتصالحك ومش هاتدي الواد العضاض ولا فتفوتة
أم العيال منذ 8 عام
طيب يارشا إبقي قوليلي أي نوع غريب من أنواع الكيك جربتيه قبل كده وطلع حلو
Lady Rasha Reda منذ 8 عام
التمر و الموز أديكوا و صفه كيك الموز خطيييييير؟؟ مين قال قولى؟؟
TOOTOOMEX منذ 8 عام
قوووووووووووولى
أم العيال منذ 8 عام
قوووووووووليييييييييييييييييييييييييييييييييي
Lady Rasha Reda منذ 8 عام
حاضر حاضر ، هاصب كوبايه شاى و أجيبلكوا الوصفه من على التلاجه ، من عنيا
أم العيال منذ 8 عام
وهاتشربي الشاي كده ..من غير حتة كيكة ولا بسكوتة ..أصلك كده شكلك أروبة وعاملة حاجة حلوة
Lady Rasha Reda منذ 8 عام
عندى بليله ، بس نما تنفعش مع الشاى يا دودو، أبيعتلك شويه للعيال!! ولا هاتناموا خفيف
TOOTOOMEX منذ 8 عام
اكيد هيناموا خفاف
أم العيال منذ 8 عام
هما نامو خفيف خلاص ...لكن أنا ممكن أتقل ما عنديش مشاكل
TOOTOOMEX منذ 8 عام
ههههههههههههههههههههه مفيش فايده اديها حته
الباشمهندسة منذ 8 عام
ايه الشطارة دي يام العيال .... علي فكرة كيكة التفاح و القرفة رائعة رائعة ررررررائعههههههه بس للاسف انا ناسية مقاديرها ديلوقتي هادور عليها واكتبهالكو ان شاء الله
أم العيال منذ 8 عام
أوك مستنياها هي وكيكة الموز بتاعة اللهلوبةرشا رضا
زغباوية منذ 8 عام
يابنات ادعولي هى فى الفرن دلوقتى
يارب استر
الباشمهندسة منذ 8 عام
وبعد مرور 3 ساعات:

الباشمهنسة: طلعت وله لسه؟
زغباوية : ياخبر دي لسه في الفرن اما اقوم اشوفها ....

الباشمهندسة : استر يارب:o
زغباوية : يادوب اتحرقت 😞 😞 😞

الباشمهندسة : عشان تحرمي تسمعي نصايح ام العيال:p

ودي نهاية كيكة التمر مع زغباوية ...وتوتة توتة خلصت الحدودتة
زغباوية منذ 8 عام
هههههههههههههههههههههه
زغباوية :طلعت حلوة جدا جدا جدا جدا

الباشمهندسة:يارتنا كنا عندك وندوق حتة صغيرة

زغباوية: المرة الجاية ان شاء الله لما تيجوا ادوقهالكوا او اعملهالكوا في المؤتمر ده لو اتعمل اساسا 😞

الباشمهندسة: طيب سيبيلي حتة وهاجيلك بكرة

زغباوية: ياريت تنوروا ههههههههههههههههههههههههههههههههههههههههههههه
زغباوية منذ 8 عام
تسلمي يام العيال طريقة حلوة وسريعة ومغذية
بس طبعا لازم احط لمساتي حطيت قشطة مع اللبن علشان الولاد يتغذوا وحطيت كمان جوز هند وزوقت القالب المستطيل بالبلح قبل ماحط العجينة بس للأسف اتاكلت قبل ما اصورهالكوا
الباشمهندسة منذ 8 عام
كدا بوظتي السيناريو 😞
زغباوية منذ 8 عام
ليه بس كدا ماالسيناريو واقعي جدا
الباشمهندسة منذ 8 عام
اتفضلي يام العيال ... وعد الحر دين عليه
أهداء ...كما وعدت أم العيال .... كيكة التفاح والقرفة
زغباوية منذ 8 عام
عملتها تاني النهاردة والحمد لله طلعت حلوة جدا وريحتها جميلة جدا جدا

تسلمي يا ام العيال
زغباوية منذ 8 عام
ولأول مرة فى حياتي احفظ مقادير كيكة واعمل المقادير والطريقة بالظبط
zedony.com - A mmonem.com production. Privacy Policy