لو رن جرس الباب......ترن ترن.............

هفتحه لو متأكد إنه لي وإن مفيش فيه مفرقعات طبعا

وهبقى مبسوط لو لقيت فيه بطيخة

لا لا

بطيختين أو ثلاثة بس يكونو حمر ومسكرين مع إننا مش في موسم البطيخ

اساسا انا عمري ماهفتح الباب لاني وانا لوحدي مش بفتح الباب لاي جرس بيرن ولو اقعد للصبح اما بقي اذا كان زوجي موجود فهو اللي هيفتح واتمني انه يطلع صندوق بطيخ زي اللي هو نفسه فيه


ولو يعني اجابة افتراضية يبقي هاستخدم اداة طويلة زي مقشة أو اي حاجة افتحه بيها واتمني الاقيه مليان فلوس وياريت لو دولارات عشان عمالة تعلي الايومين دول ولو الامنية دي صعبة يبقي الاقي فيه كسوة الشتا للعيال

مفيش في بالى اى حاجة جايز علشان انا قنوعة مثلاً:P

بس لو فعلا حصل بجد اكيد عمري ماهافتحه هاركنه بعيد عن البيت هو يعني مين اللى بيسيب كراتين محملة اى حاجة

بس لو هزار يبقى هزار بهزار واتمنى انه يطلعلي منه الجنى اطلب منه اللى انا عوزاه ويكون مثلا الطلبات 20 طلب مثلا على الاقل....مش بقولكم قنوعة:D

ولو غلاسة بقى نفسي فى توتوك شكله حلو ومفيش مانع لو كمان له جناحات بيطير بيها وقت الزحمة ورينى شطارتك هاتجيبيلي توكتوك بيطير منينههههههههههه


بس اكيد اتمنى ان حد يخترعلى شغالة بالكهربا بس ماتكونش صيني لحسن مش هاتستحمل معايا ساعتين:( وابرمجها على شغل البيت ومذاكرة الولاد والغسيل والنشير والطبخ والتنظيم

http://www.dooosha.com/up/download.php?img=2886

ما لاقيتش غير الصينى ،،

جيتلكوا كام واحده كده ،،

الاولى لزغباويه ،،

فاضل أتنين مين هايقول عايز ،، الاوالويه بالاسبقيه

أنا بقى لوأنا كنت فى بيت غريب ومفتوح لأى حد يبقى عمرى ما هافتح باب شقتى الا لما أتأكد مين اللى بره أو مين اللى فى الصندوق .
أما لو أنا فى بيت مقفول بابه يبقى أكيد الصندوق ده فيه مفاجأه ليا وطبعا هافتحه علطول ويسلااااااام بقى لو يكون حمايا حاططلى فيه قد 2 كيلو دهب (أحلام يقظة ) يبقى تمام أوى لأن الدولار مش مضمون.
واللى نفسى فيه ألاقيه بجد بقى هو :كام نسخة منى وتكون بطاريتهم مشحونة على الآخر علشان ميهننجوش علطول زيى وينتشرو فى البيت ونقسم على بعض المجهود بقى.

لو كان ليا وانا متأكدة من ذلك

احب يكون فى الكرتونة كيبورد ليا وكام شاشة lcd

علشان اولادى

أى خدمه يا مرمر

اولا الجرس بتاعنا بايظ فمش هيرن

ثانيا من غير تفكير هاخده وهفتحه

اتمنى إني ألاقي جواه تذكرة سفر لاستراليا أو ألمانيا ومبلغ صغنون كده عشان المصاريف هناك

والله انا لو أتأكدت أنّه ليا اتمنى يكون فيه قطه نونوأوعدة رسم كامله
القطه عشان بحب القطط قويييييييييييييي
وعدّة الرسم لأنه أجمل هبه من ربنا في حياتي وهوحياتي فعلا

اصلا انا ممكن مفتحش الباب لو لقيت حد واقف بس لو صلقيت الصندوق هفتحه بسرعة واي حاجة الاقيها في الصندوق هفرح بيها مش هزعل عشان انا كنت قاعدة اصلا ومكنش في اي حاجة يبقى اللي يجي كويس ونحمدربنا كمان عليها بس المهم محدش يقولي ايه اللي طلعلوا في صندوقه

انا نفسى فى اله زمن زى ما انتى جبتيلى بالظبط علشان فعلا عايزه اروح زمن غير الزمن


ونفسى كمان فى حاجه صعبه قوى .......... نفسى اعرف اقرا افكار الى حوليا رغم انى عارفه ان دا هيزعلنى من كل الناس

خبر سار الكونتينر اللى جه جاب لينا تلاته كمان مين قال عايز

a map for a happy life!

انا هفتحها ومش هخاف وان شاء الله هرضى باللى مقسوملى

عايزه حاجه ، بس هاخليها فى سرى ،، و ربنا يبعت