أفكار لإختراعات محتاجة حد ينفذها وجايز نلاقى حلها عند أحد مننا

8
0
كل اختراع موجود كان اصله فكرة او احتياج لشئ يحل له مشكلته



يعنى مثلا غسالة الهدوم او الاطباق كان فيه اكيد ناس فكرت اوحلمت بيها وبعد كدا اخترعوها



او ممكن المجفف تكون واحدة طلعت عين جوزها فى إنه يساعدها فى نشر الهدوم فاخترعه علشان مايوجعش دماغه ماهى الافكار بتيجى من كدا



والأمثلة كتيرة زى الطيارات والتليفون والتليفزيون و...........تخيلو حياتكم من غير الحاجات دى



ماتيجوا كل واحد فينا يفكر محتاج اختراع ايه ويقولنا عليه جايز حد من المخترعين تعجبو فكرة ينفذهالنا



او ممكن عضو عبقرى يكون عنده حل



وممكن نقعد مع بعض ونخترع الموضوع مش صعب بس عايز تفكير وياريت يكون جماعى





يالاتعالو نحلم ونكتب اللى نفسنا فيه جايز فى يوم من الايام نلاقى اللى كتبناه اتعمل وبقى حقيقة



واليكـــــــــــــم افكارى:

--------------------------

- ياسلام لو يبقى فيه اختراع مش لإنسان آلى لا ده لشغالة آلى



- واختراع كمان ساعات بقعد مع نفسى اصمم لبس معين بلوزة او لبس للولاد ليه مايخترعوش جهاز يتحط على الدماغ ويتوصل بماكنة مثلا يطلعلك اللى انتى صممتيه مش فكرة حلوة



* - وكمان كيسة الكمبيوتر ياريت تبقى رفيعة زي الشاشات ال إل سي دى



لو الفكرة حلوة وعجبتكو عايزة تفاعل



انا عندى افكار احلى وكتيير وفعلا محتاجينها بس لما الاقى مشاركتكم هاقولكم عليها

 

إضافة منذ 10 عام
الكاتب الأصلي
تعديل منذ 8 عام

التعليقات

الباشمهندسة منذ 10 عام
ممكن اعرف ايه اللي اتعدل بالظبط علشان انا مش عارفه ولو فيه حاجة بتعيدي كتابتها في اي موضوع اديها لون مختلف للدلالة علي تعديلها.
زغباوية منذ 10 عام
انا عدلت الوان الكتابة فقط وعلشان كمان اعمل ريفريش للموضوع
زغباوية منذ 10 عام
وبعدين فاكراكى كتبالنا اختراع جديد نفسك فيه
islam منذ 10 عام
حلو نظام الشغاله الاليه ده بس ده محتاجه لبرامج بقي ونظام كبير علشان لو عطلات هكسرها علشان هكون اخذت عليها.
زغباوية منذ 10 عام
في انتظارها يا اسلام
islam منذ 10 عام
انا بقول نعمل حاجه اوفر ومتاحه احسن ممكن مطعم شكولاته عباره عن الابع ادوار الدور الاول لطبخ الشكولاته والتانى للاكل والثالث للعائلات والرابع للحفلات واعياد الميلاد بس طبعا هيكون عندنا كل انواع بس شيكولاته بس .
زغباوية منذ 10 عام
يعني مصنع عارف هايسوق فين وبدون مصاريف شحن ونقل هو تطليع فقط فكرة برضوا
mora منذ 10 عام
احلمى يا ستى هيا الاحلام بفلوس ههههههههههههه
الباشمهندسة منذ 10 عام
انتي كده هتعقديها يا مورا وهي عندها طموحات كبيرة:p
yara منذ 10 عام
انا بقااااااااااااااا بحلم يبقى فى مروحة سقف فى العربية ههههههههههههههههههههههه
زغباوية منذ 10 عام
تصدقى معاكى حق هههههههههه
زغباوية منذ 10 عام
جايز حد من اللى بيصنعوا العربيات ياخد الفكرة وينفذها
الباشمهندسة منذ 10 عام
@yara: الهدف من المروحة التهوية ومكافحة الحر ولا ايه ؟
لان فيه اختراع التكيف عملي وكويس بردو
yara منذ 10 عام
دا احرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااج وانا بقا زعلللللللللللت عارفة انو فى تكييف انا مش جاهلة اوى كدة بس انا عاوزة مروحة سقف 😛 😛 😛 ههههههههههههههه
الباشمهندسة منذ 10 عام
لا لا لا متزعليش ... اصل المفروض الهدف اقتراحات بناءه وجديده عشان كده كنت عايزة اعرف انتي تقصدي ايه جايز تكون فكرة جديدة ماحدش قالها قبل كدا
yara منذ 10 عام
ايون ايون اوك 😛
زغباوية منذ 10 عام
انا شخصيا مش بحب التكييف وبشجع مروحة السقف 😛
yara منذ 10 عام
اة يا حبيبتى وانا كمان على االاقل بتورفر كهربا ولا اية يا زغباوية؟ 😛
زغباوية منذ 10 عام
100 100
yara منذ 10 عام
اوكككككك
مها شاهين منذ 9 عام
نفسي البلد مايبقاش فيها حد فقير زي ايام عمر بن الخطاب وعمر بن عبد العزيز يارب تتحقق ياريت حد يقولي ازاي
زغباوية منذ 9 عام
مش بحب اقولها اهو ده هايكون اصعب اكتشاف ده اصلا لو اكتشفنا الرجل المناسب
الباشمهندسة منذ 9 عام
معلش ... اعتراض صغير هو ايام عمر بن الخطاب مش ماكنش فيه حد فقير لا لا لا هو اول واحد ماكنش عنده فلوس وكان يلبس هدوم باليه ولكن هو ايامه كان في عداله وفيه فرق كبير بين انه يطبق العداله علي الكل زي بعض وانه ياخذ من بيت المال ويعطي لمن يستحق وهناك قصص كتير قوي بتدل علي ان كان فيه فقراء وقتها ومش لاقين قوتهم وهو كان يساعدهم من بيت المالي وبنفسه كمان بس دا مش معناه انهم كلهم اغنياء لكن هو حاسس بحال المسلمين وقتها.

طبعا والله اعلم
مها شاهين منذ 9 عام
معاكي حق طبعا كان فية فقراء بس مش زي دلوقتي ماحدش بيأل فيهم

الإجابات

5

فكرة سهلة جدا معرفش ليه مابيعملوهاش لحل ازمة المرور
موتور ومروحة تتركب فى اعلى العربية اول ما الطريق يقفل نشغلها ونعدى بيها المنطقة الزحمة وبكدا ولا هايبقى فيه زحمة ولا حاجة
حد يقولى رأيه ايه

وشوفو الفكرة دى طبعا كلنا كل يوم بنشوف حوادث عربيات رهيبة ايه المشكلة لو اخترعنا دهان للعربيات يكون من خواصه انه ماص للصدمات او مطاطى مش فكرة
إضافة منذ 10 عام

التعليقات

الباشمهندسة منذ 10 عام
كده ممكن الزحمة تتحول من الارض الي الجو ودي هتبقي مصيبه اكبر العربيات هتخبط في الطيارات ... 🙂
زغباوية منذ 10 عام
ماهو لوحصل زحمة فى الجو ننزل احنا بقى على الارض بدون زحمة ولا مشاكل
زغباوية منذ 10 عام
بتهيألى هتكون مفيدة فى عربيات الاسعاف والشرطة
islam منذ 10 عام
الناس برده هتلقيها بتخبط فى بعضها فى الجو وكده يبقي مش عارفين هنلحق على الجو ولا على الارض
6
مالافضل من كدة وكدة نلغى العربيات من اصله وبكدة ميبقاش فى مشاكل لا فى الارض ولا فى الجو ....واللى نفسه يسوق عربية يطلع المريخ ...
إضافة منذ 10 عام
hamada
9325

التعليقات

الباشمهندسة منذ 10 عام
ايوه كده ونقضيها مترو الانفاق....ولا كل واحد يقعد في بيته احسن ونجيب كل حاجه عن طريق الانترنت وبالاخص من موقع زيدوني ..... 🙂
زغباوية منذ 10 عام
وممكن على فكرة نعيد استخدام العجل اهو منها رياضة كمان
hamada منذ 10 عام
الله ينور عليكم .
شيماء مصطفي منذ 9 عام
حلوة فكرة العجل أوي
4
نفسى فى اختراع اعرف بيه اللى ادامى بيفكر فى ايه
إضافة منذ 10 عام

التعليقات

hamada منذ 10 عام
اللى يقدر يحقق لك الامنية دية هو محمد عبد الوهاب لما كان بيقول لها فى الفيلم ماتعرفيش انى اقدر اقرا أفكارك ومن عنيكى اقولك كل اللى فى بالك ... ايه رأيك فى الفكرة دية...
زغباوية منذ 10 عام
لا صعبة شوية لا صحيح وتكون الفكرة زى جهاز كشف الكذب مثلا
safaa منذ 10 عام
من نعمة ربنا على الانسان ان محدش يعرف اللى فى دماغ الثانى والا الناس كانوا موتوا بعض
amira hussien منذ 10 عام
هههههههههههههههه توارد خواطر يا زغباويه انا عايزه من دا يا حزنبل +1
زغباوية منذ 10 عام
😞
5
هل فيه اى اختراع يخلى الواحد ميزاكرش وينجح بردو ؟؟؟
إضافة منذ 10 عام
Eng Ahmed
7237

التعليقات

محمد عبد المنعم منذ 10 عام
المشكلة مش في الدرجات أو التقدير أو النجاح
الكلام ده بيجي لوحده لما الإنسان يبقى عنده معرفه
والمعرفه أهم وسيلة لها هي المذاكرة الجدية مش الحفظ.
أنا أعرف ناس كثير كانو في الثانوية العامة حفيظة وجابو فوق ال 100% لكن لما دخلو الجامعة مااتأقلموش على جوها. دول معندهومش معرفة!
hamada منذ 10 عام
ايوة يا Eng Ahmed وده اختراع قديم اوى من اول ماظهرت فكرة الامتحانات الا وهو " البــرشــام " واكيد انت سمعت عنه...لكن ما انصحكش به لان من طلب العلى سهر اليالى ..وقال الله تعالى.." وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ (105) سورة التوبة .
زغباوية منذ 10 عام
ايوة الاختراع ده اسمه عدم وضوح الهدف يعنى لو ادامك هدف وعايز توصله اكيد المذاكرة مش هاتكون مشكلةبالعكس دى هاتكون متعة وبعدين احسب عدد السنين اللى بتذاكرها واحسب عدد عمرك اللى انت اساسا مش عارف هو كام هتلاقيها صغيرة اوى ومش مستاهلة انك تكون مضايق وانت بتذاكر خدها انها بتكبرلك دماغك وتفتح مداركك ولعلمك المهندسين دول انضف دماغ فى كل الدمغة لان الهندسة والرياضيات فعلا بتكبر الدماغ وتخليها متفتحة مع احترامى لكل الادمغة ومع العلم انى مش مهندسة
Eng Ahmed منذ 10 عام
انا بعشق الرياضه بحس معاها بمتعه حل الغاز مجله ميكى عند الاطفال بس المشكله فى باقى المواد اللى مش بتتفهم ولازم تتحفظ زى مهى كده(بصم يعنى) ده بتحسس الواحد بالتخلف اما اى ماده تتفهم فده فعلا بتبقى متعه فى مزاكرتها بس نادرا مده بيحصل :))) يكمن فى كليتى بس
محمد عبد المنعم منذ 10 عام
OK اللي هنقولوا هنعيدوا .... مفيش مشاكل !!
نوع مصادر جمع المعلومة العلمية هتفهم 100 100 ... بدل ما تقعد جنب حاجة مش فاهمها 5 ساعات بتحاول تفهمها ...(لو حريف انترنت) ضيع ساعة على الإنترنت بتدور على مصدر ثاني لنفس المعلومة بأسلوب مختلف هتلاقي نفسك فهمت ... بعد كدة إرجع للكتاب الأول هتلاقي نفسك ماشي زي الحلاوة
زغباوية منذ 10 عام
اظن جه وقت الموضوع ده فى العهد الجديد
5
كبسولة النشاط نفسى فى كبسولة كدا الواحد ياخدها يصبح نشيط جدا ويخلص حاجته بسرعة من غير كسل
إضافة منذ 10 عام

التعليقات

tafatifi منذ 10 عام
+++++++++++++++++++++++11111111111
6
طيب ايه رايكم فى العربيات الكهربا ماهى صديقة للبيئة وكمان صغيرة الحجم وسعرها مش غالى اوى
إضافة منذ 10 عام

التعليقات

safaa منذ 10 عام
هى طبعا فكرة مدهشة بس عاوزة التنفيذ
5
انا عندي ليكي اقتراح جميل يحققلك الاحلام الجميلة دي
اطلعي على هوليوود اضربيلك فيهم فيلمين خيال علمي واعملي فيهم ما بدالك وهاتلاقي فيهم كل اللي بتحلمي بيه وكل اللي تتوقعيه او ماتتوقعهوش وكل الاختراعات الغريبة
والله الموفق
إضافة منذ 10 عام

التعليقات

safaa منذ 10 عام
طيب ياترى هتأخذ العيال معها ولا لأ 100-100
د/الزغبي منذ 10 عام
يعنى اية تعمل ما بدالها علشان انا جوز الست
الاستاذة منذ 10 عام
لأ القصد تعمل ما بدالها في الاختراعات اللي هي عايزاها
ماهي مش موجودة غير في افلام الخيال العلمي بتاعة هوليوود
الاستاذة منذ 10 عام
وعذرا للمعنى الغير مقصود
زغباوية منذ 10 عام
معلش معلش كل العباقرة برضوا كانوا بيقولوا عليهم كدا واكتشفوا قيمتهم لما ماتوا ففيه امل ان انتوا تعرفوا قيمة الموضوع ده ولو بعد حين
د/الزغبي منذ 10 عام
بعد 900 سنة هيقولوا فى واحدة كتبت الموضوع دة فى زيدونى و يعملولها تمثال جنب سعد زغلول
زغباوية منذ 10 عام
طيب خليهم 100 سنة بس ولاحتى 50 سنة العيال يحسوا ان امهم عملت حاجة
5
انا نفسى فى برنامج كمبيوتر فى التفصيل احط له الموديل اللى عايزة اصممه والمقاسات وهو يطلع الباترون واعتقد انه ده سهل على المبرمجين

وده هايسهل على الهواة والمحترفين التفصيل بدل الوقت والمجهود اللازم لعمل الباترون

لانه برنامج يشبه برنامج excel بتاع المنحنيات

ممكن حد له فى البرمجة يقولى مدى سهولته او صعوبته
إضافة منذ 10 عام

التعليقات

محمد عبد المنعم منذ 10 عام
فكرة جميلة طبعا ... المشكلة ان الباترون هيبقى صعب في الطباعة ومحتلج حاجة اسمها بلوتر مختلفة عن الطابعة ... غالية وحجمها كبير وبكدة لا تتناسب مع الوجود في المنزل
زغباوية منذ 10 عام
طيب انا فكرت فى الموضوع ده وحليته بان نطبع الباترون على كذا ورقة وبعد كدا نلزقه فى بعض هاتبقى اسهل برضوا من عمله
د/الزغبي منذ 10 عام
واضح جدا ان مجلات ميكى وسمير أثرت عليكم كتير........مافيش فايدة.......أنا للاسف فشلت معاكم
زغباوية منذ 10 عام
ليه يادكتور؟ مش هارجعك لزمان قوى قبل اختراع التلفزيون زالطائرة و.....
حاجة قريبة وانت فى الكلية كنت تتخيل ان فيه برامج تنزل تحسب الحسابات الهندسية للمبانى او برنامج زى إكسيل تدخله بيانات يخرجهالك منحنيات او حتى كنت تتخيل انك تتكلم فى تليفون صغير بحجم كفك وانت ماشى فى اى مكان
جاوب بصراحة
hamada منذ 10 عام
اتزنقت ياحلو ومن مين ... من اقرب الاقربين
د/الزغبي منذ 10 عام
(بعد 900 سنة هيقولوا فى واحدة كتبت الموضوع دة فى زيدونى و يعملولها تمثال جنب سعد زغلول)دة كلامى السابق لذلك انا من هذا المنبر الجميل ادعو كل عضو بالتبرع من الان للبدء فى بناء التمثال
محمد عبد المنعم منذ 10 عام
معلش يا زغباوية ... فيه ناس مبتقدرش تمسك نفسها من الغيرة
د/الزغبي منذ 10 عام
الغيرة القاتلة.........ههههههههههههههه
محمد عبد المنعم منذ 10 عام
ياللا ... حطوه في البوكس
زغباوية منذ 10 عام
بس برضو ماجاوبتش شوفت اتزنقت ازاى على راى العضو حمادة
6
فكرت فى حاجتين: يارب حد يطلع عليهم من الشركات الكبيرةالمختصة بالكمبيوتر
1- نفسي فى وحدة تابعة للكمبيوتر نقدر نوصل فيها الفلاشة او السى دى هدفها تشيل كل الفيروسات من عليهم قبل ماتتحط فى الكمبيوتر

2- نفسي اى شركة كبيرة فى البرمجيات وياريت تكون مصرية او عربية تعمل برنامج للسكانر يحول الصورة الى ملف وورد يمكن طباعته ولكن باللغة العربية لانه موجود باللغة الانجليزية وده هايسهل لنا حاجات كتيرة اوى منها استخدامها فى الطباعة بطريقة برايل للمكفوفين
إضافة منذ 10 عام

التعليقات

شيماء مصطفي منذ 9 عام
حلوة جداً فكرة السكانر دي ، هتسهل علينا كتييييييير .
زغباوية منذ 9 عام
واعتقد سهلة ليه مش بيطبقوها
6
نفسي صناعة الادوية من الاعشاب تتفعل اكتر بدل ماحنا عمالين ناخد في مواد كيماوية
إضافة منذ 10 عام

التعليقات

الاستاذة منذ 10 عام
+1
شيماء مصطفي منذ 9 عام
+1
3
هو مش اختراع جديد بس المطلوب تطوير او تعديل فيه.

الاطفال في الشهور الاولي وحتي سن سنة ونص مثلا بيكون نومهم خفيف جدا وممكن يصحوا بمجرد تزيقة باب او سرير او جرس تليفون ودا طبعا بعد ماتكون الام غلبت عشان تنيم البيبي ، ليه مفيش سماعات رأس Headphone بحجم صغير وتكون مصنوعة من مادة مطاطية غير مؤذية وبدون اسلاك توضع علي رأس الاطفال الصغار عشان تساعدهم علي النوم وتمنع اي اصوات مزعجة .

إضافة منذ 9 عام

التعليقات

زغباوية منذ 9 عام
ياسلام فكرة حلوة بس اعتقد انها موجودة من الصوف في البلاد الباردة
الباشمهندسة منذ 9 عام
لا الهدف مش التدفئة الهدف هو حجب الصوت واللي هو مصدر ازعاج حقيقي للطفل وهو نايم ... يعني لازم حاجة كاوتش او مطاط ومبطنةذ
زغباوية منذ 9 عام
هو انا ليا تجربة في الموضوع ده لو الطفل متعود على الاصوات هاينام ومش هايمه حاجة حتى لو ايه حصل جنبه اما بقى لو الام اتعودت انها تنيمه في هدوء ونور خافت فهايتعود على كدا واقل صوت هايصحيه

ده مايمنعش انى مع الاختراع المفيد ده للأسر الهادية:D
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy