أستقصاء عن الموقع

1)من أحمد و عمى كانوا بتكلموا و انا حشرت انفى و سالت موقع أيه!!

2)دخل مزاجى

3)أيون استفدت ، بجد!!

4)برده أيون قلت لناس كتيير ،، ويا مسهل!

5)لا مابزعلش من التعديل طالما لم يغير من المضمون,

6)أيوه حصلت مره و زعلت و حذفت الموضوع!!

7)للامانه ما بخدش بالى ، ضعيفه فى الحساب،÷×+-

8)الأخطارات الأول و بعدين اللى يشدنى من القيم،

9)أيون ، حصلت

10)مش عارفه بس هو كله كده على بعضه مرتاح له!!

1- كنت موجود فى لحظه صنع القرار

2-على شان فعلا الموقع ممتع جدا ومفيد جدا والاهم من ده كله انه حقق امنيه ليه كان نفسى فيها وهى لم شمل العيله اللى مبنشوفش بعض فيها غير فى الاحزان

3- اه جدا

4- اكيد كذا واحد من صحابى

5- لا طبعا بالعكس بفرح ان حد اهتم وشاف وجه نظر احلى وهوا العلم كده واحد بيحط مبدا مثلا ويجى واحد تانى يعدل جزء فيه لاحلى او للاصح

6- اه طبعا بحس انه استخفاف بالموضوع وبروح اعمله هوا كمان -1

7- لا عادى ده حاجه ترجع لكل واحد وانا مش بحط على كل موضوع بقراه +1 بحط على اللى بيعجبنى بس

8-بقرا المواضيع اللى بتشد انتباهى

9- لا طبعا مش من حقه يزعل (حتى صراحه)

10- التفاعل بين الاعضاء والاحترام السائد فى الموقع وطبعا قبل ده كله التكنيك اللى معمول بيه الموقع ( اى خدمه يا ريس )

1- من زوجى لانه زميل الريس فى العمل
2- بحبه
3- طبعا لو ما أستفدتش مكنتش دخلت
4-طبعا كل اللى اشوفه اقوله عشان نفسى يكبر ويزيد
5-لو ست الكل لا
6-لا ده رأيه وهو حرفيه
7-لا طبعا بس بفرح لو لقيت نقط كتير ده معناه ان الوضوع ثرى ودسم والكل التهمه
8-اقرأ الاخطارات اولا ثم مواضيع الغير طبعا هو احنا بنهزر
9-لا
10-الجو العائلى وان الكل( ما عداحسام) قلبه على الموقع

1) عرفت الموقع منيين؟
اتولد على ايدي

2) بتدخل على الموقع ليه؟
علشان ده ابني الرابع وشغلي الوحيد وهدفي انى افيد الناس بيه واشغل وقت فراغي وافصل بيه الحياة الروتينية

3) أستفدت من الموقع؟
طبعا استفدت كتير جـــــــــــــــــدا

4) قلت لحد عن الموقع؟
طبعا كل اللى بقابله

5) بتزعل لو حد عدل فى الموضوع اللى انت نشرته؟
لا طبعا لاني عارفة ان الهدف الصالح العام بالعكس بفرح

6) بتزعل لو حد عمل 1- ؟ و بتعمل أيه؟
لا طبعا مش بزعل خالص علشان اللى يعجبني مش شرط يعجب الناس وبشوف وجهة النظر الاخرى وممكن يكون عنده حق

7) بتزعل لو حد خرج من الموضوع من غير 1+؟
بزعل لو ماكنش فيه تفاعل وكنت تعبانة في الموضوع جدا وفاكراه مهم وهايكسر الدنيا بس لو فيه تعليقات كتيرة مش بتفرق معايا التقييم خالص المهم ان الناس تقراه وتتفاعل معايا كدا بحس انى عملت حاجة وتعبى مارحش هدر

8) بتقرأمقالات الغير ، ولا بس بتقرا اللى يجى فى الأخطارات؟
اه طبعا وبحاول تكون كلها بس كتير مش بلحق والاول بشوف جديد الموقع كعناوين وبعدين اشوف الاخطارات وبعد كدا اقرا كل الجديد

9) بتزود حد من غير ما تقرا الموضوع علشان ما يزعلش؟
بكل صراحة كنا بنعمل كدا في اول الموقع حاجة جديدة وعايزين نشجع الاعضاء بس دلوقتى مش بزود غير اللى بيعجبني بس احيانا بخرج وبنسى اقيم مش قصد بس بكون مستعجلة

10)أيه أكتر حاجه بتحبها هنا فى الموقع؟
كل حاجة في الموقع بتعجبنى من اول الاعضاء واحترامهم وتفاعلهم وتعاونهم لغاية ادق تفصيلة ده غير المواضيع اللى الكل بيحاول ينقيها

1) عرفت الموقع منيين؟
من حاتم او طنط صفاء بصراحه مش فاكر

2) بتدخل على الموقع ليه؟
اولا للتجمع الجميل الموجود يعني الموقع بيجمعنا كلنا في مكان واحد مش هنقدر نجمع بالصوره دي في الحقيقه
ثانيا للافاده والاستفاده من المواضيع الهامه الموجوده

3) أستفدت من الموقع؟
استفدت كتير
4) قلت لحد عن الموقع؟
يعني في محيط الاقارب والمعارف

5) بتزعل لو حد عدل فى الموضوع اللى انت نشرته؟
ساعات بيكون فيه تعليقات الهدف منها مجرد الظهور (خالف تعرف)ودي مبرضش عليها اما التعديلات فلو هضيف للموضوع فمفيش مشكله وانا اقترح ان اللي عايز يعدل في اي موضوع يقول التعديل لصاحب الموضوع وهو اللي يعدله من وجهه نظري كده افضل ومش هيعمل حسسيات

6) بتزعل لو حد عمل 1- ؟ و بتعمل أيه؟
بجد مجربتش بس اكيد هزعل

7) بتزعل لو حد خرج من الموضوع من غير 1+؟
اكيد

بتقرأمقالات الغير ، ولا بس بتقرا اللى يجى فى الأخطارات؟
بحاول اقرأ كل المواضيع

9) بتزود حد من غير ما تقرا الموضوع علشان ما يزعلش؟
لا بس ممكن اتعاطف مع موضوع محدش مقيمه
10)أيه أكتر حاجه بتحبها هنا فى الموقع؟
المجموعه الهايله اللي موجوده من الاعضاء

1) عرفت الموقع منين؟
من اولادى وهم اللى شجعونى للدخول فيه

2) بتدخل على الموقع ليه؟
لانى بحبة جدا..ومأدرش استغنى عنه ابدا

3) أستفدت من الموقع؟
اه طبعابكل تأكيد

4) قلت لحد عن الموقع؟
كتيييير

5) بتزعل لو حد عدل فى الموضوع اللى انت نشرته؟
اه بزعل لو الموضوع مش مستاهل تعديل, واحيانا حد عاجبوا الموضوع
فبيعمل له تعديل علشان يتتقل تانى فى الصفحة الاولى والكل يشوفوا

6) بتزعل لو حد عمل 1- ؟ و بتعمل أيه؟
لا مش بزعل ...يمكن علشان محدش عملها معايا

7) بتزعل لو حد خرج من الموضوع من غير 1+؟
يبقى أكيد الموضوع مش عاجب او ناسى يحط +1

8) بتقرأمقالات الغير ، ولا بس بتقرا اللى يجى فى الأخطارات؟
بابذل قصارى جهدى لكى اقرأ كل شيء فى الموقع

9) بتزود حد من غير ما تقرا الموضوع علشان ما يزعلش؟
بحاول اقرأ كل المواضيع

10)أيه أكتر حاجه بتحبها هنا فى الموقع؟
كل شيء حلو فى هذا الوقع وخصوصا اصدقائى حبايبى اللى تعبانين
معانا لكى يكون فى احسن صورة

1) عرفت الموقع منيين؟
كنت متابع محمد خطوة بخطوة تقريبا من الأول

2) بتدخل على الموقع ليه؟
علشان اسئال في حاجات بجد واجاوب علي ناس بجد ومجاملة لمعارفي

3) أستفدت من الموقع؟
كتييييييييييييييييييييييييييييييييييييير

4) قلت لحد عن الموقع؟
كتيييير

5) بتزعل لو حد عدل فى الموضوع اللى انت نشرته؟
خالص خاصة ان مواضيعي مليانة اخطاء

6) بتزعل لو حد عمل 1- ؟ و بتعمل أيه؟
يتهايئلي مش هازعل وبيتهايئلي عمر ما حد نقصني خالص

7) بتزعل لو حد خرج من الموضوع من غير 1+؟
لا لأني لبعمل كدة احيانا وارد جدا

بتقرأمقالات الغير ، ولا بس بتقرا اللى يجى فى الأخطارات؟
في حاجات حلة كيير للغير بقراها خاصة بتاعت بابا

9) بتزود حد من غير ما تقرا الموضوع علشان ما يزعلش؟
حصلت بس نادر لما مايكنش مستاهل وازوده

10)أيه أكتر حاجه بتحبها هنا فى الموقع؟
إيمان الي شاغال فيه بيه واصرار اللي حواليه علي اثراءة وصبرهم ومن وقت للتاني بحاول اكون علي اتصال بالموقع

1) عرفت الموقع منيين؟
من رشا

2) بتدخل على الموقع ليه؟
علشان فيه مجموعه زى العسل وكمان لمااى حد بيكتب او بيحمل اى حاجه بيبقى عندو حب استطلاع يشوف تعليقات الناس ومدى الاستجابه

3) أستفدت من الموقع؟
انا مبقاليش كتير فى الموقع بس هو فيه معلومات قيمه واكيد هيتوفر عندى الوقت للقراءه قريبا

4) قلت لحد عن الموقع؟
لسه

5) بتزعل لو حد عدل فى الموضوع اللى انت نشرته؟
لا طبعا

6) بتزعل لو حد عمل 1- ؟ و بتعمل أيه؟
مجربتش بس بيتهيالى عادى ...الكمال لله تعالى

7) بتزعل لو حد خرج من الموضوع من غير 1+؟
لا طبعا لانى برضو مش كل المواضيع بعمل +1

بتقرأمقالات الغير ، ولا بس بتقرا اللى يجى فى الأخطارات؟
العناوين الى بتشدنى نظرا لقله الوقت بالاضافه للاخطارات طبعا

9) بتزود حد من غير ما تقرا الموضوع علشان ما يزعلش؟
لازم اقرأ الاول

10)أيه أكتر حاجه بتحبها هنا فى الموقع؟
ان الكل خايف على شعور بعض

1) عرفت الموقع منيين؟
عن طريق خالتو صفاء وشفتو على الفيس بوك قرايبى كتير كانو عاملين مشاركة ليه واللهى خالتو صفاء دى تعبت فى الموقع جامد

2) بتدخل على الموقع ليه؟
لقراءة اشياء جديدة وانا بحب الثقافة بشكل عام, التواصل وتبادل الافكار مع اشخاص اعمارهم متفاوتة وافكارهم مختلفة والتعرف على وجهات نظر جدية , الموقع دة تبعى برضة وفى ناس كتير من اهلى ودى فرصة بنقرب من بعض

3) أستفدت من الموقع؟
استفدت منه اكيد علشان فعلا فى حاجات الاعضاء بيكتبوها او ينقلوها مفيدة فعلا

4) قلت لحد عن الموقع؟
الى الان بالشكل الذى يرضينى لاء , بس قمت حوالى مرتين تلاتة بتنزيل الرابط الخاص به فى بعض الصفحات القوية واعدادها تتعدى ال 200 الف على موقع الفيس بوك ودة كنت اول ما دخلت وكان بطلب من خالتو صفاء برضة

5) بتزعل لو حد عدل فى الموضوع اللى انت نشرته؟
لاء طبعا طالما عدل الصح ليه ازعل المفروض اشكره لتنبيهى , بس لو عدل علشان معترض على حاجة شخصية ممكن اضايق ومش بخبى بقوله على طول

6) بتزعل لو حد عمل 1- ؟ و بتعمل أيه؟
هو الزعل بيجى انك بتحس ان الموضوع غير هادف ومش كويس ودة بيضايق لانى مش بحب احس بالفشل لانى عمرى ما كنت فاشل ,خصوصا يعنى لو ال -1 جت من اعضاء واعية ومثقفة ساعتها ممكن اشيل الموضوع ومخدتش بالى انها حصلتلى قبل كدة او لاء بس اعتقد لاء

7) بتزعل لو حد خرج من الموضوع من غير 1+؟
لاء, انا بزعل من اللى بيكتب +1 وما بيعملش كدة فعلا تحس انه نصب علنى

8) بتقرأ مقالات الغير ، ولا بس بتقرا اللى يجى فى الأخطارات؟
لاء لو بقرأ فى الاخطارات فقط مكنتش استفادت حاجة

9) بتزود حد من غير ما تقرا الموضوع علشان ما يزعلش؟
قليل جدا جدا بس بكون قرأته بس مش للاخر لان فى مواضيع طويلة جدا

10)أيه أكتر حاجه بتحبها هنا فى الموقع؟
التواصل والمعلومات الموجودة وحب المسؤلين عن الموقع له, واحساسى برضة ان الموقع بتاعى وبتاع اخويا علشان هو ملك لاهلى

1) عرفت الموقع منيين؟
كنت موجودة في مرحلة صنع القرار
2) بتدخل على الموقع ليه؟
عشان طبعا أستفسر عن أي حاجة محتاجاها وفعلا بلاقي اللي أنا عايزاه وكمان عشان أجاوب لو عندي الإجابة وبرضو باحب أعرض المواضيع اللي بتعجبني
3) أستفدت من الموقع؟
طبعا والله العظيم استفدت جامد جدا وفي كل المواضيع سواء تربية أطفال أو أكل وطبخ أو معلومات عامة واستفدت كتيير من الفوازير
4) قلت لحد عن الموقع؟
قلت لكل اللي أعرفهم ولسه باقول
5) بتزعل لو حد عدل فى الموضوع اللى انت نشرته؟
إطلاقا .....ده انا بافرح جدا أنا ماباعدلش غير الموضوع اللي يعجبني علشان يتلون أو يرجع للصفحة الرئيسية
6) بتزعل لو حد عمل 1- ؟ و بتعمل أيه؟
بازعل جدا
7) بتزعل لو حد خرج من الموضوع من غير 1+؟
ساعات لما بيكون الموضوع عاجبني قوي
بتقرأمقالات الغير ، ولا بس بتقرا اللى يجى فى الأخطارات؟
باقرا كل الإخطارات وباقرا الصفحة الرئيسية طبعا
9) بتزود حد من غير ما تقرا الموضوع علشان ما يزعلش؟
أحيانا باعمل كده لما العنوان يعجبني ومايكونش عندي وقت أقراه وبانقله لمفضلاتي
10)أيه أكتر حاجه بتحبها هنا فى الموقع؟
اللمة والإحترام وخفة الدم والمعلومات المحترمة*

انا بقا دوري :-
جـ1 : عن طريق شادي

جـ2 : علشان حبيته بجد واستفدت منه

جـ3 : استفدت منه كتير واهم حاجة اني اصلا مش بحب القراية ونا بقيت اقرا سبحان الله الموقع ده ليه سحر رهيب

جـ4 : ايون قولت بس للاسف مش كتير

جـ5 : لاء التعديل مش بزعل منه لأني ممكن من الاستعجال اكتب حاجة غلط وعادي خالص بس عندي مشكلة اني بكون مش عارفة هو عدل ايه بالظبط لاني بنسى انا كنت كاتبة إيه اصلا

جـ6 : بزعل جدا جدا من -1 لأني ما بصدق اعلى النقط بتاعتي يجي بقا حد ويديني -1 وكمان ببقا عايزة اعرف هو مين اللي عمل العاملة دي

جـ7 : طبعا انه مش يديني +1 زي -1الاتنين بزعل منهم بس لو اعرف هما مين

جـ8 : للأمانة مش كلها الي بتلفت نظري بس من عنوانها

جـ9 : احيانا واحيانا بالذات لما يكون الموضوع طويييييييييييييييييييييييييييل اعرف هو بيتكلم عن ايه وخلاص مش بقدر اقراه كله

جـ10 : الجو والناس اللي في الموقع بجد

1) عرفت الموقع منيين؟

من عمتو صفاء.

2) بتدخل على الموقع ليه؟

عشان عجبنى زياده معرفه كل حاجه هنا موجوده ولاى استشاره قانونيه احنا ف الخدمه.

3) أستفدت من الموقع؟

اكيد طبعا الموقع مفيد جامد جدا بس انا مش بخش كتير سورى

4) قلت لحد عن الموقع؟

بصراحه 5 بس

5) بتزعل لو حد عدل فى الموضوع اللى انت نشرته؟

لا خالص

6) بتزعل لو حد عمل 1- ؟ و بتعمل أيه؟

لا مش بزعل بس ليهيكتب مش عجبنى وخلاص


7) بتزعل لو حد خرج من الموضوع من غير 1+؟

اه طبعا يعنى انا تعبان ف كتابه الموضوع ويخش ويكلف نفسه ف الموضوع ويقراه وف الاخر يخش وميعملش ولا1- ولا1+ يحط اى حاجه طيب

بتقرأمقالات الغير ، ولا بس بتقرا اللى يجى فى الأخطارات؟

لا انا بقرا الموضوع اللى يشدنى اوىىىىىىىىى


9) بتزود حد من غير ما تقرا الموضوع علشان ما يزعل

لا معملتش كده ولا مره ومش بعمل كده الا لما الموضوع يعجبنى


10)أيه أكتر حاجه بتحبها هنا فى الموقع؟


الناس واللمه والاحترام اللى ف الموقع والموضيع الحلوه

1) عرفت الموقع منيين؟

الريس يبقى أخويا الكبييييييييير أوى.

2) بتدخل على الموقع ليه؟

لأنه موقع جميل وباستفيد منه كتير.

3) أستفدت من الموقع؟

استفدت كتير وعرفت معلومات كتير فى كل المجالات تقريبا.

4) قلت لحد عن الموقع؟

قلت طبعا بس مش كتير بقول للى أنا عارفه انه هيهتم وهيدخل.

5) بتزعل لو حد عدل فى الموضوع اللى انت نشرته؟

لأ مش بزعل خالص واهو الكل بيستفيد.

6) بتزعل لو حد عمل 1- ؟ و بتعمل أيه؟

آه طبعا بزعل جدا.

7) بتزعل لو حد خرج من الموضوع من غير 1+؟

بصراحة مش باهتم بالموضوع ده.

بتقرأمقالات الغير ، ولا بس بتقرا اللى يجى فى الأخطارات؟

بقرا الأخطارات الأول وبعدين الموضوعات اللى عنوانها بيشدنى .

9) بتزود حد من غير ما تقرا الموضوع علشان ما يزعلش؟

لما الموضوع بيبقى طويل أوى باجيب آخره واقرا الخلاصة وعلى أساسها بزود أو لأ لأنى بزهق أوى من القراية.

10)أيه أكتر حاجه بتحبها هنا فى الموقع؟

عاجبنى أوى وحبيته وآخر حاجة عجبتنى هى أن
•المشاركات المقروءة من قبل خدت لون أفتح شوية عشان نميز المشاركات الغير مقروءة وبعدين السؤال ده عاجبنى أوى كمان.

1)عرفت الموقع منيين؟
بصراحه . .مش فاكرة أنا جيت هنا إزاي .

2)بتدخل على الموقع ليه؟
لأني بحب القراءة وبلاقي في مواضيع كتيييير نتفيدني .

3)أستفدت من الموقع؟
أه استفدت كتيير وده الي بيخليني أدخل تاني .

4) قلت لحد عن الموقع؟
أه قلت لأصحابي بس لسه ماحدش دخل لأن ده أول يوم لينا في الأجازة .

5)بتزعل لو حد عدل فى الموضوع اللى انت نشرته؟
لأ مش بزعل خالص بس بكون عاوزة أعرف ايه الي اتعدل عشان أتجنبه بعد كد .

6)بتزعل لو حد عمل 1- ؟ و بتعمل أيه؟
لأ . .كل واحد ليه رأئيه . .و وارد جدا إن أي موضوع من الموضوعات الي بشارك بيها مايعجبش حد . .بس كل واحد ليه رأي ولازم أحترم رأئيه ده حتي لو مختلفة معاه ف الرأي .

7)بتزعل لو حد خرج من الموضوع من غير 1+؟
لأ عادي . .لأن ممكن يكون حد نسي أو حد شايف إن الموضوع مايستهلش .

8) بتقرأمقالات الغير ، ولا بس بتقرا اللى يجى فى الأخطارات؟
بقرأ الأخطارات الأول وبعدين الموضوعات اللى عنوانها بيشدنى .

9) بتزود حد من غير ما تقرا الموضوع علشان ما يزعلش؟
ممكن لما بيبقى الموضوع طويل .

10)أيه أكتر حاجه بتحبها هنا فى الموقع؟
إن أي حاجه عاوزاها بلاقيها . .لأنها حتي لو مش موجودة بسأل عنها وبلاقي ناس كتييير بتجاوب .

1) عرفت الموقع منيين؟
من حبيبة قلبي طنط صفصف.

2) بتدخل على الموقع ليه؟
عشان بحبه .بأقضي راحتي وأكافئ نفسي بالدخول ليه.

3) أستفدت من الموقع؟
معلومات كتيره وصداقات برضه كثيرة.

4) قلت لحد عن الموقع؟
كل اللّي أعرفهم تقريبا.

5) بتزعل لو حد عدل فى الموضوع اللى انت نشرته؟
مدام للأفضل لأ بس يشاورني وانا أحب الحوار للوصول للأفضل.

6) بتزعل لو حد عمل 1- ؟ و بتعمل أيه؟
مابزعلش بس بحب أعرف السبب ولو إقتنعت بيه ممكن ألغي المشاركة كلها.

7) بتزعل لو حد خرج من الموضوع من غير 1+؟
لأ ده حقه بس اللي بيكتب +1من غير مايزود بحب أفكره عشان انا شخصيا بأعملها كتير والزهايمر منتشر اليومين دول وده حقي.

بتقرأمقالات الغير ، ولا بس بتقرا اللى يجى فى الأخطارات؟
بقرأ الأتنين على قد ماأقدر.

9) بتزود حد من غير ما تقرا الموضوع علشان ما يزعلش؟
لأ.

10)أيه أكتر حاجه بتحبها هنا فى الموقع؟
أعضاؤه المتفاعلين واللّي همّا أساس الموقع وأساس كل جميل فيه.

1) عرفت الموقع منيين؟
من مدام رشا رضا + الفيس بوك

2) بتدخل على الموقع ليه؟
للقراءه و كنوع من انواع الثقافه بشكل عام

3) أستفدت من الموقع؟
ايوة ، حاجات كتير و فيه مواضيع مميزه جدا

4) قلت لحد عن الموقع؟
قولت ل 3 او 4 تقريبا ، بس ما حدش اهتم بالموضوع للاسف

5) بتزعل لو حد عدل فى الموضوع اللى انت نشرته؟
لا عادي ، اهم حاجه المعلومه تكون صحيحه

6) بتزعل لو حد عمل 1- ؟ و بتعمل أيه؟
عادي لان كل واحد حر في رايه ، بس لو الموضوع مش عاجبه يبين لي ايه اللي مش عاجبه في الموضوع و اذا لم يبين رايه بشكل منطقي ، اعتبر رايه كانه لم يكن

7) بتزعل لو حد خرج من الموضوع من غير 1+؟
اطلاقا ، اهم حاجه عندي عدد الناس اللي اتطلعت على الموضوع

بتقرأ مقالات الغير ، ولا بس بتقرا اللى يجى فى الأخطارات؟
بقراء اغلب الحاجات كنوع من الثقافه ، حتى لو كانت حاجه مش بهتم بيها كالطبخ مثلا

9) بتزود حد من غير ما تقرا الموضوع علشان ما يزعلش؟
ما حصلتش قبل كده ، الموضوع اللي هيعجبني هحط تعليق اني عجبني بالاضافه الى +1

10)أيه أكتر حاجه بتحبها هنا فى الموقع؟
تفاعل الاعضاء و المواضيع المميزه

1) عرفت الموقع منيين؟
من ماما صفاء وحببتنى فيه جدا


2) بتدخل على الموقع ليه؟
بحب اضيف اى شئ مفيد عشان بفرح اوى لما حد يقرأ موضوعي ويستفيد بجد وأنا كمان بستفيد منه جدا جدا


3) أستفدت من الموقع؟
طبعا استفدت مع انى لسة جديدة ومع ذلك استفدت كتير


4) قلت لحد عن الموقع؟
اه ولسة هقول لكل الناس اللى اعرفها بأذن الله لان الموقع بجد جميل ومفيد جدا وكمان كل اعضاؤه محترمين وروحهم حلوة جدا


5) بتزعل لو حد عدل فى الموضوع اللى انت نشرته؟
لا لآنى عارفة ان لو حد عدل في موضوعى هيكون أكيد موضوعى في أى حاجة غلط وأتبسط انه اهتم وصلحهالى


6) بتزعل لو حد عمل 1- ؟ و بتعمل أيه؟
اكيد لا دى حرية شخصية ومش كل الناس هتعجبها مواضيعى اكيد الموضوع هيبقي بالنسبة لناس مفيد اوى وفى ناس هيبقي موضوعي بالنسبة ليهم عادي وفي ناس هيبقي الموضوع مش عاجبها اصلا وده وارد وبعمل ايه ولا حاجة عادى


7) بتزعل لو حد خرج من الموضوع من غير 1+؟
لا خالص


بتقرأمقالات الغير ، ولا بس بتقرا اللى يجى فى الأخطارات؟
بقرأ اى مقال يكون من اهتماماتى ولو عندى وقت كنت قرأت كل المقالات لانى لو قرأتها كلها اكيد هستفيد اكتر واكتر


9) بتزود حد من غير ما تقرا الموضوع علشان ما يزعلش؟
لا طبعا اكيد مش هزود حد غير لما اقرأ الموضوع ويعجبنى واستفيد منه


10)أيه أكتر حاجه بتحبها هنا فى الموقع؟
المواضيع اللى اى أخ او أخت ليا هنا بيضفوها
واضافتى لآى موضوع ولما أحس انه فى ناس فعلا بتستفيد منه
وأعضاؤه المحترمين

1.من أحمد حمدي صديقي (زمل)
2.تواصل إجتماعي، زيادة المعلومات العامة
3.أكون كداب لو قلت لا، طبعا استفدت كتير
4.قلت لاكتر من واحد صاحبي
5.لا خالص بالعكس ده شئ كويس
6.لا، بحترم وجهة نظرة
7.لا عادي، بس بكون اكيد مبسوط لما مشاركتى تأخد نقط كتير
8.انا بقرأ كل المقالات
9.لا، مش بحب المجاملات
10.النقاش

1 شيماء اختى هى اللى عرفتنى على الموقع
2 لانه موقع هادف وفيه معلومات هتفدينى فى حياتى
3 استفدت جدا
4 بصراحه مقلتش لحد
5 لا مش بزعل لان كدا انا هستفيد من تعديله للموضوع بتاعى
6 لا مش هزعل لأن الأراء مختلفه واختلاف الرأى لايفسد للود قضيه
7 لا مش هزعل
8 بقرأ كل المقالات حتى القديمه اللى قبل ما أشترك
9 لا بقرأ الموضوع الأول
10 الموقع كله وليس شئ محدد