ما هو هدفك ؟

انا ها ابتدى بأول اجابة وفى صراحة تامة
هو بدايتى مكنش هدف كان حاجة كل الناس شايفها فيا انى اكون ظابط شرطة كتير قوى من جيرانا واصحاب والدى وشوية من اهلى كانوا بيشفونى ظابط شرطة فى تعاملى وفى شخصيتى وكمان اكون امتداد لوالدى فا اصبحت اى حد يسألى نفسك تطلع اية كنت بقول ظابط , ودى كانت اول معرفتى بالنصيب انى مخشش الشرطة اقتنعت وعرفت و أمنت بالنصيب ولما روحت مكتب التنسيق قالولى نقدملك فى اية مبقتس عارف بجد الوقت ضيق جدا وانا عمرى مفكرت فى حاجة غير الشرطة , قعدو يقولو كليات كتير لحد لما قولتلهم تجارة , وكان عندى هدف انى اسافر برة لما اتخرج او اشتغل فى بنك كبير قوى فى مصر مش اى بنك يعنى وركزت فى انى اسافر ولانى كنت صايع شوية زيادة وبخرج كل يوم خلصت اجراءات الجيش لقيت والدى بيسفرنى علطول ودى كانت اكتر حاجة مفيدة هو عملهالى , انا لو كنت اتخرجت واشتغلت فى مصر وبقبض 5000 جنية كنت هصرفهم كلهم فى الوقت دة علشان مكنتش شايل اى مسؤلية , ودلوقتى عندى هدفين , اولا اشترى شقة وثانيا اطور نفسى فى عملى عايز اكبر مش بحب انى افضل فى نفس المكان وابقى زى مانا ورغم ان مركزى كبير اصلا على سنى بس الاجمالى مش عاجبنى برضة وعايز احسن وانا عندى حكمة بتقول انك لو رضيت عن نفسك انتهيت ودى مالهاش علاقة بالدين والرضا بتاع ربنا انا كل اللى اقصدة لو انا رضيت عن عربيتى الكحاية يبقى عمرى ما ها اجيب واحدة جديدة ولو رضيت على مركزى فى الشغل يبقى من جوايا هكون مقتنع وعمرى ما ها اكبر وكل اللى انا فيه دة من فضل ونعمة ربنا عليا