هدفك ايه؟

6
0
هل وانت بتربى ولادك حاطط هدف ولا بتربى وخلاص؟
هل وانت رايح شغلك حاطط هدف ولا بتشتغل وخلاص؟
هل وانت بتذاكر حاطط هدف ولا أهى شهادة وخلاص؟
هل وانتى بتعملى شغل بيتك من طبخ وتنظيف و....حاطة هدف ولا بتشتغلى وخلاص؟
هل كل يوم الصبح بتحط هدف لليوم بتاعك ولا أهو يوم عدى وخلاص ؟
ممكن كل واحد لو يحب يكتب لنا فى حياته او شغله ايه هو هدفه جايز حد فينا مش واخد باله من حاجة يحطها فى حساباته ويلحق نفسه

الموضوع اختيارى بس الإجبارى انك تسأل نفسك الأسئلة دى وتجاوب بكل موضوعية وصدق

والسؤال الإجبارى هنا:
لو ماحططش هدف فى يومك او حياتك بتحس بإيه؟



دعوة لجعل حياتنا منظمة وهادفة ومفيدة لنا ولمن حولنا


عايزة تفاعل

 

إضافة منذ 13 عام
الكاتب الأصلي
تعديل منذ 11 عام

التعليقات

محمد عبد المنعم منذ 13 عام
ازاي مخدش قيم السؤال ده ... هو مفيش غيري في الموقع ده ولا ايه؟
زغباوية منذ 13 عام
شوفت بقى مظلومة ازاى؟ معلش كل العباقرة محدش بياخد باله منهم غير لما بيرحلوا الحمد لله فيه امل انه يجى يوم وتحسوا بقيمة اللى بكتبوا
shady منذ 13 عام
جميل الكلام دة
safaa منذ 11 عام
سؤال جميل بس هجاوب عليه فى وقت لاحق

الإجابات

1
طيب بما ان مفيش حد عاوز يجاوب من 3 ايام احاول اجاوب انا الأول على السؤال الإجبارى وهو

لو ماحططش هدف فى يومك او حياتك بتحس بإيه؟
بحس
1-ان اليوم ذهب هباءا وان اشتغلت طول النهار
2-طول النهار بلف حول نفسى مش عارفة ابدأ بإيه
3- يصيبنى الإكتئاب والإحباط والعصبية
4- قد يؤدى الى نسيان اشياء مهمة

على عكس اذا وضعت اهداف ليومى وان كانت بسيطة وروتينية فوضع اهداف(وياريت لو كانت مكتوبة) يساعد على تنظيم الوقت وعدم اهدار الكثير من الوقت ووضع اولويات لتنفيذها حسب أهمها ويساعد ايضا على النشاط والحيوية وعدم الكسل طيلة النهار ويحسسك بالرضا عن النفس والشعور بالإنجاز
إضافة منذ 13 عام

التعليقات

محمد عبد المنعم منذ 13 عام
موافقك يا زغباوية
100 100
5
أنا لأنى سمعت الكلام ده فى برنامج دينى قبل كده بحاول على قد ما اقدر انى أحط هدف لكل نشاط باقوم بيه يعنى مثلا :
أنا بالعب رياضة .. طيب انا بالعب رياضة ليه .. علشان أجدد نشاطى و أكون جسمى خفيف وعلشان تبقى صحتى كويسة واقدر أقوم بكل المطلوب منى على مدار اليوم .
طيب انا ايه هدفى وانا واقفة باعمل الأكل .. أكيد ربنا هيكون راضى عنى وأنا باقوم بواجباتى كأم وزوجة .
طيب أنا ايه هدفى وانا فاتحة موقع زيدونى .. ان هاعرف معلومة من هنا ومعلومة من هنا هاستفيد وهاقدر أفيد غيرى .


إضافة منذ 13 عام
tafatifi
5264

التعليقات

محمد عبد المنعم منذ 13 عام
يا سلام عليكي يا tafatifi ... بتتكلمي وكأنك بتعزفي موسيقى ... كلام جميل قوي ... وخاصة آحخر كوبليه
tafatifi منذ 13 عام
شكرا يا Boss
زغباوية منذ 13 عام
اخيرا حد رد عليا
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy