طريقة عمل الترت

4
0
طريقة عمل الترت

المقادير

2كوب دقيق نصف كوب سكر نصف كوب سمن 2 بيضة نصف باكو بيكنج بودر

الطريقة *
1- يضرب البيض بالمضرب ويوضع عليه الفانيليا ثم يوضع عليه السكر ويضرب جيدا الى ان يصير هشا ثم نضع السمنة ونضربها قليلا
2- نضع هذا الخليط على الدقيق الممزوج بالبيكنج بودر ونلفه بايدينا الى ان يندمج مع بعضه
وناتى بصنيه ونفرد فيها هذا المقدار مع مراعاة تجنب جزء من العجينة لعمل اشكال بها على الوجة ملحوظة قطعة صغيرة ولو مش عايزة مش مهم

3- نضع هذه العجينة فى صنية بدون دهنها بالسمن ويكون سمكها متوسط
4- نضع على وش العجينة المربى (مربة مشمش لارنج فراولة تين )اى مربة تفضلين
5- ثم توضع فى الفرن الى ان تستوى بس نراعى ان سواها ميزدش ازيد من الازم عشان متنشفش

وبالهنا والشفا




 

إضافة منذ 10 عام
mora
6041
غير محدد
تعديل منذ 10 عام

التعليقات

loleta1 منذ 10 عام
+1 حلوةزيك يامورا
mora منذ 10 عام
انتى احلى يا لوليتا
الباشمهندسة منذ 10 عام
اخيرا .... فين الصور بقي دا انا قاعدة مستنية المقال ده عشان اشوف الصور .... عموما تسلم ايديك +1
الباشمهندسة منذ 10 عام
انا حبيت اعرفك طريقة تلوين المقال واضافة الصور ولو مش حابة ممكن تلغي كل التعديلات
أم العيال منذ 10 عام
جدعة يا مورا هو ده اللي انا عايزاه
الباشمهندسة منذ 10 عام
بس علي فكرة انا كنت اعرف معلومتين هاقولك عليهم ولو تفيدينا بخبرتك طالما ان ام العيال بتمدح فيكي كده:

اولا بيتم تغريز العجين بالشوك عشان موضوع النفش او الارتفاع ده
ثانيا بيتم تسوية العجين الاول نصف سوي وفي الحالة دي بيوضع بقول علي التارت عشان تمنعة من الارتفاع او ايس حاجة ست البيت عايزة تحمصها وبعدين يستكمل عملة ويوضع في الفرن تاني.

الكلام ده صحيح مفيد ولا وجع دماغ علي الفاضي ومالهوش لازمة وبتطلع الدنيا حلوة من غير كل الكلكعة دي
mora منذ 10 عام
بص يا جميل الكلام دا انا مبعملهوش والحمد لله بتطلع جميلة جدا المهم توازنى حجم الصنية ويا حبذا ان نوع السمنة يكون بلدى او مخلوط بلدى ع نباتين عشان طعم السمنة بيبان فى طعم العجينة يعنى ما الاخر متتعبيش نفسك بحاجات انتى فى غنا عنها وان شاء الله تطلع جميلة
mora منذ 10 عام
والله حاولت الون بس فشلت جدا اما اضافة الصور معرفش اصلا اعملها ع العموم انتى خلتيها احلى تسلم ايدك
mora منذ 10 عام
يا ريت توضحيلى التلوين والاهم اضافة صورة
الباشمهندسة منذ 10 عام
العملية بسيطة خالص الالوان اثنين
برتقالي .... اي كلام تحطية بين علامتين * ... وهي فوق رقم 8
اخضر ..... اي كلام تحطية بين علامتين ^ ... وهي فوق رقم 6

اما موضوع الصور والفيديو فيطول شرحة اعملهولك مقال منفصل احسن
زغباوية منذ 8 عام
انا كنت باكلها عند طنط ضحى وبحبها جداً بس ماجربتش اعملها قبل كدا هاجربها واقول لكم
زغباوية منذ 8 عام
طرق تانية وبالصور لعمل التارت:
التارت
تارت الشكولاتة بالبسكويت
zedony.com - A mmonem.com production. Privacy Policy