كيكه الاناناس

8
4
المقادير
5 بيضات
2 كوب دقيق
كوب سكر بودرة
ملعقة صغيرة بيكنج باورد

الوجه:
علبة اناناس شرائح
حبات كريز مجفف
مقدار من الكراميل [ كوب سكر - 3 ملاعق ماء]

الطريقة
1- يحضر الكراميل بوضع السكر والماء في صينية عمل الكيكه ويقلب على النار حتى يصبح لون الكراميل ذهبي داكن
2- ثم ترص شرائح الاناناس بانتظام فوق الكراميل ونضع حبه كريز فى داخل كل واحده وتترك جانبا
3- يشعل الفرن لحراره متوسطه قبل بداية عمل الكيكة
4- يخفق البيض مع السكر والفانيليا في الخلاط حتى يصير كالكريمة ثم يضاف الدقيق والبيكنج باودر بالتدريج في الخلاط ويستمر في الخفق حتى يتجانس القوام .
5- تصب في الصينية المرصوص بها الاناناس وتوضع بفرن متوسط الحرارة حتى تنضج ويحمر الوجه
6- تسقى بشراب الاناناس البارد وهي ساخنة اللى هو مايه كمبوت الاناناس ثم تقلب بعد ربع ساعةفي طبق التقديم وتترك بالثلاجة لتقدم بارد
يستحسن في صينية بتتفتح لسهولة القلب وبالهنا والشفا

 

إضافة منذ 10 عام
الكاتب الأصلي
تعديل منذ 6 عام

التعليقات

الباشمهندسة منذ 10 عام
انا بتوقع انها حلوة ولذيذة +1
زغباوية منذ 10 عام
وانا كمان شكلها كدا حلوة اوى وكمان سهلة فى عمايلها
واللى عجبنى اكتر انها خفيفة يعنى مفيش سمنة وولا زبدة ولا حاى دهون
تسلمى هاجربها واقولكم عليها
safaa منذ 10 عام
حلوة ياام العيال+1
MaDa منذ 10 عام
ايه الحلاوة دي .. يا سلام بقى لو حطينا تفاح وموز على الواجهة هتبقى ألذ 😞
زغباوية منذ 10 عام
استاذ
الاستاذة منذ 10 عام
+1
هو ممكن تفاح لكن صعب موز يدخل الفرن
وممكن يا ام العيال بدل الكراميل يوضع سكر سنترفيش انا تذوقتها لان ماما ربنا يديها الصحة كانت دايما تعملهالنا واحنا صغيرين بس دلوقتي فاللاسف نووووووووووووووووو 🙂
MaDa منذ 10 عام
😞 من بعض ما عندكم 😞
MaDa منذ 10 عام
بسيطة ممكن نخلي الموز بعد ما تطلع من الفرن 😞
الاستاذة منذ 10 عام
فكرة بردن
mora منذ 10 عام
الموز ممكن يتحط بس واحدة دوقتهولى معجبنيش الاناناس احلى بكتير
mora منذ 10 عام
طب جربتى تورتة البلح انا جربتها
وعجبتنى وكمان مغذية
mora منذ 10 عام
+1
MaDa منذ 10 عام
فكرة البلح دي جامدة أوي يا مورا .. أنا جربتها مرة بس بالبلح الرطب كانت جامدة أوي 😞
mora منذ 10 عام
ماهى تورتة البلح بتتعمل بالبلح الرطب اللى لونه اسود اصلا وبصراحة جميلة جدا جوعينا بقى هههههههههههه
MaDa منذ 10 عام
على فكرة انا ولد 🙂
mora منذ 10 عام
اسفة معرفش جوعنا بقى ولا تزعل يا عم
MaDa منذ 10 عام
ولا يهمك .. مفيش ولا زعل ولا حاجة .. وبالنسبة للتورتة فانا لما عملتها وحطيت البلح ساعتها كنت بجرب وقتها وطلعت حلوة أوي .. وانا كنت فاكرك تقصدي بلح تاني 😃
أم العيال منذ 10 عام
وحياة أبوكو قولولنا بتتعمل إزاي عشان نجربها
أم العيال منذ 10 عام
ويا آنسةمورا بلييييييييييييييييييزقوليلي طريقة التارت التحفة اللي انتي مشهورة بيه
mora منذ 10 عام
انتى عرفتى منين يا ام العيال
mora منذ 10 عام
حاضر هكتبلك الطريقة من عنيا
أم العيال منذ 10 عام
عرفت منين؟؟؟؟؟؟؟!!!!!!!!!!!!
ده أنا ياما كلتها من ايديكي في أعياد ميلاد الحاجة إيسو
mora منذ 10 عام
انا كتبتلك الطريقة جربيها وقوليلى ايه رايك ما شى يا ام العيال
الباشمهندسة منذ 10 عام
هي فين الطريقة يا مورا ياريت تحطي الرابط بتاعها عشان نشجعها
mora منذ 10 عام
انا كتبتها بلامس اسمها طريقة عمل الترت هتلقيها ان شاء الله
الباشمهندسة منذ 10 عام
لقيتها اخيرا .... برافو عليكي
طريقة عمل الترت
زغباوية منذ 10 عام
ايه ده بقى انا عايزة ادوق الاول
mora منذ 10 عام
تعالى وانا اذوقك من عنيا انتى تؤمرى يا رونة
زغباوية منذ 10 عام
شكرا يامورا فى اقرب فرصة
زغباوية منذ 8 عام
zedony.com - A mmonem.com production. Privacy Policy