دى فكرة خطرت فى بالي من ساعة حكاية ماساة قطار اسيوط
الفكرة بسيطة اوى ومش عارفة ليه ماتعملتش اول ما الرئيس مرسي مسك الحكم
بتهيألى كانت هاتفرق كتييييير
الفكرة: - عمل لجان اومجموعات من
الشبـــــــــاب(1) لتطوير جميع المجالات فى مصر وفى كل الوزارات والهدف عمل بحوث سريعة
وتطبيقها بصورة اسرع(2) لرفع وزيادة كفاءة جميع الخدمات وسبل المعيشة علشان المواطن العادي يحس بفرق سريع ويعيش حياة كريمة
(1)بقول الشباب: 1- علشان القادة والمسئولين الحاليين اتربوا وعاشوا على النظام القديم ومش هاينفع نتطور بيهم فلازم نبعد عنهم..
2- علشان الشباب عندهم حماسة ونشاط لازم نستفيد منهم
3- بالنسبة للماديات هايكونوا ارخص من الدكاترة الكبار اللى هايطالبوا بمبالغ عالية نظرا لمجهودهم وخبراتهم ومش معنى كدا ان احنا نهضم حق الشباب لا بالعكس المفروض نوفر لهم كل سبل الراحة والعيشة الكريمة علشان يكون همهم الأكبر التطوير
4- زي ماحنا شايفين مفيش اى تطوير حصل من وجود مستشاري الرئيس
(2)بتكلم عن التطبيق السريع: لان فيه ملايييييييين الابحاث الموجودة ومحدش مهتم بيها واكيد الفئران كلتها من كتر ماهى مهملة ومااكثر الكلام في هذا العصر فنريد تطبيق فعلي وسريع
عموما وانا بتصفح النت اتكعبلت فى الفيديو ده وقولت كويس انى مش بقول حاجة غريبة ولا محالة ...المصريين اهما:
ياريت تعليقاتكم فى هذه الاحلام البسيطة اللى مش مستحيلة