كيف يمكن تكبير الـ Internal Space او المساحة التخزين الداخلية في التليفون ؟

3
كيف يمكن تكبير الـ Internal Space او المساحة التخزين الداخلية في التليفون ؟
حيث عندما تكثر البرامج لا يجوز زحزحة البيانات للشريحة SD Card حيث المساحة الغير محدودة وايضا الدخول لمسح البيانات الغير مهمة من وقت للاخر موضوع مرهق ويستغرق وقت وصبر والواحد خولقو ضاق !

 

التعليقات

Hatem 2012-11-19
يعني انا لازم احط برنامج القران علشان اقرا من وقت للتاني وسكايب وفيس بوك وفايبر وواتس ابب لا غني عنهم والجيمييل اساسي واحتمال احط ال ياهوو ماسنجير كمان والذاكرة الداخلية ماتستحملش كل دة ؟ طيب وبعدين ؟
tafatifi 2012-11-19
في برنامج اذكار الصباح والمساء حلو اوي ومش كبير
وبعدين مش لازم تنزل القرآن كله . ممكن تشوف الورد أو السور اللي بتحبها ومتعود تقراها كل يوم وكفايه لأن القرآن كله بياخد مساحه كبيره أوي
محمد عبد المنعم 2012-11-19
معظم برامج القرآن بتنزل الملفات بتاعتها على ال SD وبكده مفيش مشكلة

الإجابات

3
اقوللك
خد مني بقي
settings
SD & phone storage
make more space
all application
move to SD card
وبعدين finish

طبعا الأجابه دي علي قد فهمي
اصل انت كاتب بالعربي وانت عارف ان انا ماليش في العربي
إضافة 2012-11-19
tafatifi
5264

التعليقات

محمد عبد المنعم 2012-11-19
حلوة الإجابة دي قوي ... بس ممكن متشتغلش على كل الأندرويد حيث إنه توجد بعض الفروقات طبقا للمنتج
يا رب تكوني قدرتي تفهمي العربي بتاعي
tafatifi 2012-11-19
والله بحاول انت عارف بقي فهم العربي بالنسبه لي وايض صعب
Hatem 2012-11-19
فعلا مافيش اي حاجة من اللي بتقوليها اقدر اعملها في الاصدار بتاعي لانه مجرد عامل سرد للمساحات من غير امكانية النقل او تحويل من والي .... الهم الا مجرد توقيف عمل الشريحة لإخراجها
زغباوية 2012-11-19
:(
3
للأسف مش بينفع مع كل الأجهزة

حظك إني عندي نفس الموبايل اللي عندك وعارف كل تفاصيله

بص يا سيدي ... مبدئيا لازم تعرف إن هناك 3 أنواع من الذاكرة في كل جهاز تليفون

1- الذاكرة RAM ودي مفيهاش مشكلة

2- الذاكرة الداخلية ودي اللي عندنا في الموبايل بتاعنا حوالي 115 ميجا فقط

3- الذاكرة SD ودي حسب الكارت

البرامج بتنزل بطبيعة الحال على الذاكرة الداخلية لكن ممكن بعض البرامج تتنقل بشكل جزئي أو كلي للذاكرة SD والبعض الآخر مينفعش

عشان تقدر توسع الذاكرة الداخلية بشكل افتراضي لازك تنزل برنامج يستقطع جزء من ال SD ويبينه كأنه امتداد طبيعي للذاكرة الداخلية

للأسف البرنامج ده وكل البرامج اللي بتغير في تفاصيل تفاصيل تشغيل الموبايل مش بينفع تشتغل على الموبايل غير لما يتعمل له عملية اسمها Rooting

لا ينصح بعمل Rooting إلا من خلال متخصصين

يعني استنى لما نتقابل على الكمبيوتر وممكن نعملها سوا
إضافة 2012-11-19

التعليقات

tafatifi 2012-11-19
هو يعني ايه data raoming
tafatifi 2012-11-19
خلاص بعدين بقي هشوف الرد علشان الجرس ضرب وخلاص ماشيين
محمد عبد المنعم 2012-11-19
يعني تخشي على الإنترنت من خلال شبكة أخرى غير الشبكة الأساسية اللي انتي مشتركة فيها ... ده جايز جدا يكون له سعر تاني غير السعر الأصلي
tafatifi 2012-11-19
ا
ه ماشي
Hatem 2012-11-19
تمام
زغباوية 2012-11-19
:(
zedony.com - A mmonem.com production. عن زيدوني - Privacy Policy