بمناسبة العيد وعمل الرقاق جبتلكم اخر اختراعتي :D
رقاق طري(هو بيتباع طري من عند الكنافنجي) ونحشيه فاهيتة او شاورمة فراخ او لحمة مفرومة: ميزته مش هايبوظ معاكي زى الرقاق العادي ولا يطلع ناشف ولا يطلع معجن الطريقة: -صدور او وراك فراخ مخلية مقطعة شرائح او مكعبات صغيرة
-
التتبيلة ودى اللى بتدى الطعم: الزبادى والملح والليمون او خل
وبودرة البصل (بتدى طعم حلو اوى للحوم والشوربات) وممكن اضافة صويا صوص وزعتر وممكن اضافة مشروم
- نتبل الفراخ ونتركهم قليلا فى التتبيلة وكل ماتسيبيها يكون افضل
- نقطة زيت فى طاسة او حلة الى ان يسخن ثم نضع الفراخ ونقلبها وبعد كدا نقلل النار ونتركها تستوي (ممكن نضع قليل من الماء) مش هاتاخد اكتر من نصف ساعة قبل مانشيلها من على النار نقطع شرائح فلفل اخضر او الوان ويمكن اضافة شرائح زيتون ونقلب
- نحضر الرقاق الطري ونحشيه بالفاهيتا ونلفه
-ندهن صينية زيت ونضع فيها رولات الرقاق ونحطها فى الفرن الى ان يحمر وجهها ممكن اضافة صلصة او جبنة موتزاريلا او جبنة رومي على الرقاق حسب الرغبة
الوصفة دى عمايل ايديا
ويمكن استبدال الفراخ باللحمة المفرومة(العصاج) او حتى الشاورما
وبالهنا والشفا
ودى الصورة بعد ما انقذت واحدة علشان اصورها قبل ماياكلوها :( {{uf:1621}}
