ذكريات العيد

بما إنَي كنت عايشه طفولتي كلها في ليبيا فالحقيقه العيد كان مختلف تماماً طبعاَ قبل العيد بكام يوم فريق الكوره كله (انا وإخواتي) وكمان اصحابنا المصريين واللي ساكنيين جنبنا كنا بنتجمع ونعمل كحك العيد والقراقيش ومن كبيرنا لصغيرنا كله بيشارك وبينقش واخر هيصه وضحك وخصوصاً لما تحصل حادثه وحاجه تتحرق.
وبعد كده صلاة العيد واللعب بالكوره والتمشية على الكورنيش لأن ليبيا كلها بحر في بحر وعلى العصر بنتجمع مع صحابنا وولادهم ونعمل حفلة شوي كده ياعلى البحر يافي الغابات ونبدأ اللعب والمقالب والمسابقات ونفضل على كده لحد بالليل نبدأ لعب الأفلام والصراحه والأستيمشن وهزار وضحك وجو تاني خاااااااااااااالص كله فرح إفتقدت كل الكلام ده من ساعة ماجيت مصر للأسف هنا العيد عباره عن الكحك الجاهز والزيارات الأسريه واللعب في زراير ريموت إل TV يمكن تلاقي حاجه عدله تشوفها.
ولو حصل وخرجت في العيد لمكان كويس ومفيهوش زحمه تبقى معجزه تصلي لربنا عليهاللعيد اللي بعده ههههههههههه بس هنا في مصر صلاة العيد ولمة العيله اجمل مافي العيد.
أماَ بالنسبه للطرائف فأنا أفتكر مره في العيدوانا صغيره كنت واخده عديه كبيره وحاطتَها في شنطتي وكناَلابسين ومستعدين للخروج وواقفه جنب سور لجيران لينا مسافرين وماشيه أتعايق بالشنطه ب قوي وعمَاله الف الشنطه لحد ماطوحتها راحت طارت وعدت سور الجيران ووقعت عندهم وفضلت هناك لحد يمكن 7سنين على بال ما رجعوا من السفر وجابوهالي اللذيذ فشعوري لماَ فتحتها ولقيت جوَاها 30 دينار كانوا حاجه كبيره قوي وانا صغيره دلوقتي مايجيبوش حلويات والطريف بقه إن كمان العمله(ورق الفلوس) كانت إتبدلت