احتلال الصراصيـــــــــــر

4
0
ده مش عنوان لقصة مرعبة ولا حاجة دى حقيقة عايشة فيها منذ يومان

سافرت اسبوع وكنت رشيت البيت قبل ماأسافر لما رجعنا لاقينا كام صرصار كبير ميت قلت الحمد لله الرش جاب نتيجة

لكن فوجئت امبارح بهجوم شديد من صراصير عملاقة جداوشكلها متوحش بضربها وارشها ومش مأثر بتقوم تمشي عادي جدا سديت كل البلاعات ورشيتها وبرضوا بيطلعوا منين مش عارفة

عايزة اعرف دورة حياة الصراصير لحسن خايفة يكونوا باضوا او تكاثروا فى المدة دى وايه الحل لو لا قدر الله حصل كدا؟؟؟؟

ولو حد عنه حل سريع جدا علشان لو فيه تاني يخرجوا او يموتوا


رجاءاً محدش يحط اى صورة كفاية اللى شوفته :)

 

إضافة منذ 12 عام
غير محدد
تعديل منذ 12 عام

التعليقات

محمد عبد المنعم منذ 12 عام
يا ولداه!
safaa منذ 12 عام
الله يكون فى عونك ...تلاقيكى نسيتى تسدى البلاعة قبل ماتسافرى 😞
Lady Rasha Reda منذ 12 عام
و الله دا فى منهم بيجوا طايرين
زغباوية منذ 12 عام
لا مش من البلاعة تقريبا من ماسورة صرف الحوض وخصوصا ان الشقق اللى تحتى كلها فاضية مش ساكنة
كانت ليلة صعبة جدا والشوية اللى نمتهم بقيت بحلم بيهم:)
safaa منذ 12 عام
ياعينى 🙂

الإجابات

4
هاتى سم قوى و حطى مع زبده الفول السودانى ، و أى شاء الله هايكون ما فيش حاجه وحشه حصلت من اللى فى بالك
إضافة منذ 12 عام

التعليقات

Lady Rasha Reda منذ 12 عام
ده حل سريع لحين البحث ببقى عن دوره حياتهم
safaa منذ 12 عام
+1
safaa منذ 12 عام
ممكن الاضاءة تكون مستمرة ليل نهار فى المطبخ والحمام ولا يمكن اى صرصار يقرب من بيتك وعن تجربة
زغباوية منذ 12 عام
شكرا ليدي رشا ويارب فعلا مايكونش ده حصل لانى ممكن اعزل من البيت
صافى ده جيل من الصراصير مش بيهمه حاجة ولا اضاءة ولا رش ولا اى حاجة
Lady Rasha Reda منذ 12 عام
جربى بس الخلطه دى
زغباوية منذ 12 عام
طب اجيب السم منين واسمه ايه؟؟؟؟ انا اخرى الفليت او الريد
Lady Rasha Reda منذ 12 عام
معرفش هتلاقيها فين فى مصر الخلطه دى بيعملوها هنا ، عرفتها هنا فى السعوديه
زغباوية منذ 12 عام
ماشي هاشتغل زى مانا ماشية واراقب الموقف لو استمر الموضوع هانزل لبتوع المنظفات وهما يقولولي
يارب مالالقيش تاني
3
الصرصار الشرقي:
يفضل الظلام ، والأماكن الرطبة والمجاري وتحت الثلاجات ، والمصارف ، والغسالات ، والأرضيات. انها تفضل درجات حرارة تحت 84 ° .
والصرصار الشرقي يمكن أن يعيش مع بيئات باردة ووجدعلى قيد الحياة حتى في الهواء الطلق البرد القارس.
والصرصار الشرقي يتغذى على جميع أنواع النفايات والمواد العضوية الأخرى. وتعتبر واحدة من أقذر الصراصير جميعا
والصرصار الشرقي الكبار حجمه من 1 إلى 1-1/4 بوصة طويلة وبني داكن ، أسود تقريبا.
والذكر كامل الأجنحه.
الأنثى اصغر وبدائية الأجنحه.
الحورية مشابه في المظهر إلى أنثى إلا أنها أصغر حجما ومجنحه.
وتضع الانثى في المتوسط ​​من الحالات 8 بيضات كل بيضه تنتج نحو 16 من الشباب. يستغرق 300 حتي 800 يوما ليصبح كامل النمو، تبعا للظروف .

الوقايه :
1 هي تحب الظلام فيجب اشعال الأضواء.
2- تنظيف الأطباق والأحواض وعدم ترك بقايا اطعمه او حاويات قمامه.
3-غلق جميع البالوعات واي شقوق تتواجد يمكن خروجها منها.
المكافحه:
يتم احضار السم المناسب من وزارة الزراعة والقاء البعض منه في جميع البالوعات والمصارف الصحيه والأحواض, وأيضا رش كل مكان تتوقعي منهم الأختباء فيه.
عمل عجينه للصراصير وافخاخ لزجه ليعلقوا بها.
مقادير العجينه:
* نص علبة حامض البوريك (او اذا بيتك كبير حطي كل العلبة) يباع بالصيدلية
2 ملعقة كبيرة سكر
2 ملعقة كبيرة دقيق
2 ملعقة كبيرة حليب باودر
ماء للعجن ( مع مراعاة ان يكون الخليط متجانس كالعجين ولا يسيح واذا ساح ممكن تزيدي شوية دقيق) حطي الماء بالملعقة

اعمليه كرات صغيرة وارميه تحت الثلاجة او الفريزر وبالاخص تحت الحوض وفوق الخزاين وداخل الخزانة والحمامات على الزوايا.

ممكن تجددين العجينة كل 3 اشهر اذا احتجت

وده مبيد حشري طبيعي:


تمكن المخترع المصري محمود السيد عبدالجواد من اختراع مستخلص نباتي آمن يستخدم كمبيدطبيعي للآفات لا يحمل أية أخطار على الإنسان والبيئة،
10 كجم ثوم فصوص كامل بالقشر ومجروش، و13 كجم ورق نعناع أخضر، و10 كجم سكر مائدة، و3 لترات خل طعام بتركيز 5%، و20 لتر صابون سائل بوتاسيومي.

ويجري خلط السكر مع الخل ويتم التقليب ويوضع على نار متوسطة، ويتم التقليب المتكرر لمدة 3 ساعات حتى يصبح اللون بنيًا متوسطًا، وتتم إضافة الثوم مع التقليب واستمرار التسخين لمدة 3 ساعات يليها إضافة النعناع والتقليب واستمرار التسخين لمدة ساعتين وإضافة الصابون السائل والتقليب والتسخين لمدة ساعتين ثم تصفية المركب للحصول على مستحلب رغوي سائل.. كما يشير صاحب الاختراع إلى أنه يمكن استخدام المخلفات بإضافتها للتربة الزراعية لمكافحة آفات التربة أو للأسمدة العضوية، ويمكن تحضير المركب على مستوى القرية أو العاملين في المجال الزراعي، وتكاليف اللتر لا تزيد على 10 جنيهات مصريهو يمكن للمركب إبادة الآفات الزراعية والحشرات التي ليست لها مبيدات وهي كثيرة في العالم خاصة في القارة الأفريقية، كما يمكن كذلك استعمال المركب في إبادة الحشرات المنزلية مثل الباعوض والذباب والصراصير.
إضافة منذ 12 عام
loleta1
14181

التعليقات

محمد عبد المنعم منذ 12 عام
مطلوب ترجمة إلى اللغة العربية الفصحى أو المصرية 😛
loleta1 منذ 12 عام
تم الترجمه يرجى اعادة القراءه هههههههههههههه 🙂
safaa منذ 12 عام
+1 😞
زغباوية منذ 12 عام
شكرا يالولو أفادكم الله وماتشوفيش صراصير ابداًههههههههه:(

بس ليا استفسار صغير البيض بيفقس بعد أد ايه؟؟؟؟؟؟؟؟؟؟
safaa منذ 12 عام
انتى لسه خايفة .. قولت لكى نورى المطبخ والحمام!!
زغباوية منذ 12 عام
انا نورت كل الشقة مش بس المطبخ والحمام:)
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy