دول اللى بياكلونا !!!

الثورة قامت عشان الناس دى.....اوعو تنسوهم...الناس دى متعرفش يعنى ايه ايديولوجيه وميهمهاش تعرف....ميفرقش معاها ان الرئيس يبقى اخوان وللا سلفى ولا اشتراكى وللا ليبرالى....ميهمهاش الخلاف بين الرئيس والمحكمة الدستورية... ولا صراعات الاحزاب والقوى السياسية...الناس دى ميفرقش معاها المادة التانية فى الدستور لانها عارفة دينها وهويتها كويس وبتمارسهم بشكل طبيعى من غير كلام كتير .....الناس دى عاوزة تعيش بكرامة وتلاقى اكل وعلاج وتعليم وفرصة ....فرصة انهم يعيشو ويزرعو الارض اللى بيزرعوها بقالهم الاف السنين
اى مجهود سياسى فى اى اتجاه المفروض يصب فى مصلحة الناس دى....اى كلمة او راى او قرار او اعتراض المفروض يبقى عشانهم... ايا كان انتمائك الدينى او الفكرى او السياسى افتكر الناس دى دايما وخليهم المقياس واسأل نفسك.....يا ترى اللى هاعمله ده هيفيدهم؟؟؟؟