في حجات لازم علشان نعرف درجة قوتها بنكسرها.
وحجات في أيدينا علشان نعرف أننا عاوزانها بنخسرها.
كدبت في عمرك كام صاحب علشان كان نفسك تطمن وخسرت صحابك وأطمنت؟
طب كام بلون فرقعوا منك وانت بتنفخهم على الأخر وعرفت أخرهم بس ندمت؟
دلوقتي فهمت أنا عاوز أيه، أنا كنت بفرقع بلالين ليه.
أنا عاوز حاجه بدون أخرأو حتى بأخر مااوصلوش.
كام حيطه في ظهري أضرب وأهري في بدنهم بس مايتهدوش.
شيء مش مغشوش، مضمون دايماً من غير ما أحتاج اني
أتأكدأوحتى أخاف أني أتنكد ليكون في الأخر برضه فشوش.
يابشر عرفاني وعارفة انا مين، بلغواأسفي لكل البلالين.
كلنا كنا في يوم بلونة وفقعتنا تجارب بني أدمين.
بلالين عايشين نفسها تلاقي حد يصدقهاويقدرها
ويتأكدانه عاوزها من غير مايجرب يخسرها.