رسالة إلى الرئيس

أرجو من جميع شباب مصر وجميع المهتمين بالوضع السياسى الجديد فى مصر الهدوء ونترك لمرسى أول 100 يوم حتى لا يتلكك بينا مثلما فعلها قبله المجلس العسكرى

والأكتفاء بمتابعة برنامج الـ100 يوم لمرسى عن طريق الموقع الرسمى المخصص لذلك http://morsimeter.com

وأعتقد أن هناك 3 أيام مرت ولم نشهد أى قرار ولكن لا نتعجل فهناك 97 يوم يمكن أن نرى فيهم الـ64 مشكله الذى وعد مرسى بحلهم فى حالة فوزه فى سباق الرئاسه

يا م/أحمد الفساد فى مصر مش شخص هرفده أو مبنى ههده ولا أكونت ع الفيس بووك هحجبه
دا منظومه و السبب الرئيسى فيه هو تدنى حجم المرتبات والأجور فى جميع أجهزة الدوله مع أرتفاع الأسعار والخدمات ومهما فعل مرسى مستحيل هيقضى ع الفساد قبل 15 عام ع الأقل ودا مش كلامى دا على لسان خبراء مجلة الأهرام الأقتصادى لأنى من قرائها

كامل الاحترام لوجهة نظر حضرتك استاذ حسام

اولا: اعتقد ان موضوع التلكك ده هيبقى مرفوض جدا بعد كدة.. وكمان اعتقد المجلس العسكري له فكر فى الادارة يختلف مع فكر الادارة المدنية

ثانيا: الموضع مجرد رسالة تذكير،لان تطهير الفساد ده من مطالب الثورة.. وذكر فإن الذكرى تنفع المؤمنين

ثالثا: أتفق معاك ان الفساد مستشري فى كل المؤسسات بس الموظف لما يشوف مديره نظيف هيلتزم.. واحسن دليل يوضح ده ايام سيدنا عمر بن الخطاب، لما جندي من الجنود جاءه بمال وجده.. قال الفاروق:"الحمد لله الذي جعل من بين جنودي من يردون الأمانة"، فرد عليه الجندي وقال:"لا ياأميرالمؤمنين,إنما نحن بك,رأيناك عففت فعففنا".. وبكدة ان شاء الله الـ 15 سنة دول ممكن يقلوا للنص

مرسي عليه عبء جااااااامد وربنا يعينه ويصلحه ويصلح البلد بيه منتظرين منه يعمل حاجات كتيرة وعلشان يشيل الفساد لااازم يختار الحكومة صح علشان يختاروا اللى تحتهم صح وهكذا .....ربنا يوفقه