خـــــــــــلاص كلها أيام ويبدأ رمضان ..........
نستعد إزااااااي ؟؟
كل سنة يبدأ رمضان .. وتقول
... هاختم القرآن 10 مرات , وفي النهاية تنتهي
بختمة واحدة أو ممكن متكملش ختمة حتى !!!
وتقول هصلي التراويح كاملة بجزءأو جزئين وإحتمال أكمّل
الصلاة مع نفسي في البيت , ومع ذلك تكسّل وممكن
متكملش ركعتين في التراويح
تقول لا يمكن عيني تلمح فيلم ولا مسلسل ,
ومع ذلك تضعف وتقع في المعاصي
تقول أنا هكون أحسن واحد وهصلي كل الفروض
صف أول جماعة أولى في المسجد وبعدها تفرط في المطالب دي
تقول رمضان ده هيكون بداية إلتزامي
ولكن للأسف أول ما رمضان يخلص تنسى كل ده
وتندم بعد رمضان لما تلاقي فلان وفلان وفلان
ختموا كام ختمة وصلوا التراويح بجزئين وتصدقوا
وعملوا كل الخيرات , وإنت كنت موجود معاهم بس سبقوك !
مع إن مفيش فرق كبير بينك وبينهم ..!!!
كام مرة عدى عليك رمضان وقلت :
" لئن أدركت رمضان المُقبل ليَرَيَنَّ الله ما أفعل "
ومع ذلك بيعدّي رمضان ومبتعملش أي حاجة !
ليه بيحصل كدة ؟؟؟
عشان إحنا مستعديناش صح
علشان إحنا مش متعودين على حاجات كتير من العبادات دي ,
ماينفعش نيجي مرة واحدة في رمضان
ونقول احنا عاوزين نعمل كل حاجة ,
ولما نلاقي نفسنا معملناش , غصب عننا
يجيلنا إحباط ونقول هو إحنا كدة !! ومفيش فينا أمل ومش نافعين !!!
لا إحنا نافعين إن شاءالله بس نبتدي إزاي ؟؟
أولا : لازم من دلوقت نبتدي نعمل الحاجات اللي هنستمر عليها
يعني نصلي الفروض في أوقاتها
نحاول نصوم أيام الأثنين والخميس وكمان 13 / 14/ 15 من شعبان
ونقرأ قرأن ولو جزء ولو حزب ولو ربع في اليوم بس بلاش نهجره
نحفظ ألسنتنا شوية مما يغضب الله يعني بلاش نجيب سيرة حد ( الغيبة ) بلاش نتعصب ونغلط في الناس
نبر والدينا على اد مانقدر حتى لو كنت بار بوالديك نزود شوية نقبل أيديهم نخدمهم ندلعهم (ماهما ياما دلعونا ومازالوا )
نصل أرحامنا ودي أنا عارفة أنها صعبه على ناس كتير ولكن نحاول لو صعب توصل لبيتهم خليها مكالمة تليفون ولو صعب خليها رسالة المهم منبقاش قاطعين رحم
وطبعا الصدقات ولو قليل بس نعود نفسنا على الصدقة
وأكيــــــــــــــــد ذكر الله والصلاة على النبي نحاول نخلي الذكر على اللسان دائما عشان ربنا يكتبنا من الذاكرين الله كثيرا والذاكرات
وعشان نعود نفسنا على التروايح أسهل حاجه أننا نقيم الليل ..
ياسلام لو نقوم في الثلث الأخير من الليل نتوضأ ونصلي قيام ليل
نبتدي الأول بركعتين لمدة كام يوم وبعدين لما نتعود نزود ونخليها أربعة وهكذا لحد رمضان إن شاءالله نكون أخدنا على القيام
وبإذن الله ربنا يكرمنا ويكون فعلا رمضان ده بداية إلتزام بداية حياة جديدة في رضى الله
وأخيرا المطلوب دلوقت أننا نشجع بعض على اتفقنا