ملف شامل عن اكلات صحية

بصراحة الست المصرية هى المسئول الأول عن فساد الآسلوب المصرى فى الأكل!! اهم حاجة عندها حلل المحاشى، صوانى مش عارف ايه بالبشاميل ،انوعالمكرونات والأرز ،صوانى اللحوم بالزبدة ، صوانى الكفتة بالبهريز ثم اصناف الحلويات .. فين بقى الخضروات الطازجة ؟؟ المقدونس والكرفس والجرجير والكرات والفجل والبصل والثوم ؟ والكرنب والقنبيط؟ فين الفاكهة وميعاد اكلها ؟؟
انا اعرف ان الأكل الصحى هو ان أبدأ اولا بطبق محترم من الخضروات المشكلة من كل الأنواع المذكورة وعليها خل وليمون وشطة وزيت كتان او سمسم او زيتون ، وبعدين لو لسة جعان آخد معلقتين رز وحتة البروتين خالى الدسم .. وقبل الأكلة دى بساعة اكون واكل اي نوع من الفاكهة ..
آدى الكلام ..مش تقوليلى مش عارف ايه ... ياشيخة اوعى كده !!!

كفتة السمك دايت

المقادير :
250 جم سمك فيليه+ 2فص ثوم+3 ملاعق بقدونس مفروم+ 3ملاعق كسبره مفرومه+ 3 ملاعق شبت مفروم+3 ملاعق جزر مبشور+ ربع كيلو رز بسمتى مسلوق 70% +ملح وفلفل +كمون +كسبرهناشفه+ 100 جرام زيت زيتون

الطريقه:
تخلط كلها فى الكبه ما عدا الزيت وتكور او تصبع
اما تدهنى الشوايه زيت وتشويها
او تدهنى صينيه زيت وتضعيها فى الفرن 200درجه لمدة 25 دقيقه
وبالهنا والشفا

طرقة عمل الخضار :
بدل ماتطبخى وتسبكى قطعى الخضار والبصل وسيبيهم يستو مع بعض بدون اى مواد دهنية مع اضافة التوابل التى تحبيها ولو احتاجت ضيفى لها شوية ماء او شوربة هتلاقى طعمها حلو جدا