ماذا تحب أن تقول للرئيس محمد مرسى ؟

أقول له: صباح الخير يا ريس ... الحال من بعضه ... إزيك يا أبو زمل ... إنت عندك بلد وأنا برضه ولا مؤاخذه عندي موقع

أحب أقول له كلمة سيدنا عمر بن الخطاب لأحد الولاه:

إياك و الرِشا ، و الحُكمُ بالهوى ، ولا ترتع فيرتع عمالك
فيكون مثلُكَ كمثلِ البهيمة ، رأت خضرة فرتعت فيها تبتغى السِمَن
و حتفُها فى سِمَنِها

احب اقوله :ربنا يعينك على المهمه الصعبه دى وتكون عند حسن ظننا كلنا وتعدى بينا بقى من كل الارف والخوف اللى احنا شوفناه الفتره اللى فاتت دى كلها لان بجد نفسنا البلد دى تكون حاجه كبيره اوووووووووى

مع انه ليس مرشحي اللي كنت عاوزه ، بس لازم نرضى و نحترم رغبه الشعب ، و احب اقولك ان تكون تعدل بين الناس و تحقق اهداف الثوره ، و ان شاء الله كلنا هنكون وراك عشان تعرف تحقق الاهداف ... و ربنا معاك ان شاء الله و بالتوفيق

إذا كنت قدرنا فليوفقك الله وإذا كنا قدرك فليعنك الله على أن تتحملنا

احب اقوله عايزين شفافية وقرارات حاسمة وسريعة (وليست متسرعةوطبعا تكون مدروسة) وياريت كدا خطاب شهري تقولنا فيه اخر التطورات وما حدث وخطة الشهر الجديد ايه علشان الكل يشترك معاك في اللى يقدر عليه