ياللى متلخبط اسئل مين اللى خرج كل الصحفيين والكاميرات من الميدان قبل ما المدبحة تبدأ!!!!! مين اللى جاب عربيات محملة رخام و سيراميك!!! اسئل مين اللى امر ان كل الانوار تطفي و يبقى الميدان قطعه من السواد معزول عن كل الدنيا ... و حاجه واحده بس اللى كانت بتنور لو مش عارف اقولك كانت ايه , كانت قنابل المولوتوف و النار اللى بتترمي من الكوبري و البنايات العالية على راس المعتصمين
فى اليوم ده كل اللى كانوا فى الميدان كانوا واقفين ضد الحجارة و المولوتوف و رصاص القناصة فى يوم و ليلة سودا مرت و كأنها سنين مش حتنتهي ابداً , لوحدهم ، ممعهمش غير ربنا ، فالوقت اللى كان فيه باقى المصريين متأثرين بكلام حسنى مبارك
ياللى كنت فى البيت و دلوقتى متلخبط ، و ليك كل الاحترام ، وقت ما دموعك بتنزل عشان مبارك او حزين عليه ، كان دم الشباب بينزف و محدش سائل فيه! بس زى ما ربنا قال....... ويمكرون ويمكر الله والله خير الماكرين