في التحرير

6
0
بما اننا فى عصر الحرية واعتقد اننا كلنا زهقنا من اللى بيحصل

يالا كل واحد فيكم يقول رأيه ايه فى اللى حصل فى التحرير دلوقتي (اتفاق حمدين وخالد على وابو الفتوح)
اشمعنى احنا يعني مانقولش راينا

واحساسك ايه؟؟؟ مبسوط متفائل حزين بس المهم قول رايك

ناوى تروح بكرة ولا نفسك تروح ولا مش عايز اصلا

 

إضافة منذ 12 عام
غير محدد
تعديل منذ 12 عام

التعليقات

zeze منذ 12 عام
+1
Mazen منذ 12 عام
التحرير اخر فرصة لحرية مصر و ديمقراطيتها اتفق مع حمدين صباحى و خالد على و عبد المنعم ابو الفتوح و كنت اتمنى انضمام محمد البرادعى و عمرو موسى
زغباوية منذ 12 عام
يارب يضموا البرادعي وكمان الاخوان يارب يتحدوا معاهم ومايكونوش الشوكة اللى فى زور الثورة
وفى انتظار يوم الجمعة بفارغ الصبر وربنا يستر
ranya منذ 12 عام
+1

الإجابات

4
عجبنى اوى انهم اجتمعوا هو متأخر اه لكن معلش كل شئ بأوان ربنا معاهم يارب لحد ما نحقق مطالب ثورتنا واحساسي متفائلة وعندى امل بأذن الله وطبعا انتى عارفة انى هموت وانزل لكن غصب عنى ومفيش بأيدى غير الدعاء ليهم وانى بدعمهم على الفيس
إضافة منذ 12 عام
zeze
4034

التعليقات

زغباوية منذ 12 عام
10/10 وانا معاكي 100×100
zeze منذ 12 عام
ربنا ينصرنا بأذن الله
زغباوية منذ 12 عام
ياااااااااااااااااااااارب
3
نفس الكلام كويس إنهم إجتمعوا وإن كان متأخر قوي ،انا مش متفائله خاااااااااااااااالص انا شايفه إن المجلس العسكري سايبهم يهاتوابراحتهم خالص ولا وقف أي حاجه واللي حصل حصل والأنتخابات في معادها وكأنه مش شايفهم خالص ،وماخفي كان أعظم وحقيقي انا مش هأنزل للتحرير وبدعي لمصر بالصالح أياً كان هو إيه وربنا يستر.
إضافة منذ 12 عام
loleta1
14181

التعليقات

زغباوية منذ 12 عام
مع انى اخيرا استريحت وحسيت ان الحمد لله الامل رجع تاني بس مش مطمنة المجلس مش هايسبها سهلة كدا وخصوصا زى ماقلتي انه سايبهم يهاتوا ولا كأن فيه حاجة بس معنى الاجتماعات اليومية دى ان ان شاء الله هاتحصل حاجة جامدة اليومين الجايين علشان يريحوا الناس او ينيموهم شوية وربنا يستر
4
انا متفائله اوى و اللى نزل المظاهرات فى بلده او نزل التحرير هيعرف ليه الناس خلاص بقت كلها موحده مطالبها و كلنا نزلين علشان حاجه واحده
احنا نبص على الحاجه الايجابيه فى المحاكمه المحاكمه اه كانت تمسيليه علينا بس من بعد المحاكمه اتوحدنا تااانى كتير اوى غيروا رأيهم و قالوا مش هننتخب شفيق و بدأوا يقنعوا اللى حواليهم كمان كله نزل مظاهرات و مطالبه واحده و احنا الشباب فوقنا و عرفنا ان الثورة كانت بتضيع مننا و عرفنا كمان مين اللى معانا و مين اللى بينافقنا و احلا حاجه كمان ان ابو الفتوح و حمدين و خالد على اتوحدوا و وقفوا مع مرسى ضد شفيق
دلوقتى كمان نقدر نبقى واثقين بنسبه 70% او اكتر كمان ان مرسى هينجح دا طبعا لو الانتخابات متزورتش
كل دى حاجات تخلينا نتفائل
إضافة منذ 12 عام

التعليقات

loleta1 منذ 12 عام
أتمنى ذلك
+1 يامسهل
safaa منذ 12 عام
قولوا بس الدعاء وربنا ييسر الامور
زغباوية منذ 12 عام
بيعجبني تفاؤلك يالولو
3
انا معترض على المجلس الرئاسي للاسباب الاتيه:

احنا كلنا رضينا اننا بلعبه الانتخابات ، فمش معنى انك طلعت من اللعبه تبقى تعترض و تعمل مظاهرات ، لو كنت عملت مظاهرات من الاول ما حدش هيقولك حاجه ، ما دام رضيت بقواعد اللعبه يبقى خلاص ، و الا بالطريقه هنكون ديكتاتوريين

تاني حاجه هنلاحظها ان الاخوان مش عاوزين يعملوا الدستور الا لما يشوفوا مين الرئيس الجاي و بناء عليه يعملوا الدستور ، و ده من وجهه نظري هبل و لا يوجد فيه ديموقراطيه

الدستور لو اتعمل صح و بطريقه محترمه ، ساعتها مش هيفرق بالنسبه لي من هيحكم البلد حتى لو مبارك نفسه حكم تاني ، لاني هكون واثق انه الرئيس ده هيعمل بالدستور اللي احنا عملناه و انه مجرد وسله لتطبيق الدستور

اخيرا لو رجعنا لايام الدوله العباسيه هنلاقي ان اغلب الخلفاء كانوا اما ديكتاتوريين او ناس عاديه ما لهاش انجازات مهمه ... و لكن مع ذلك لو بصينا على الدوله العباسه ككل هنلاقيها كانت من اقوى الدول في العالم ساعتها ، لانهم حطوا دستور صح و محترم ، الحاكم اللي كان بيجي كان بيعمل بالدستور ده

و عموما سواء كان مرسي او شفيق كسب ، المفروض نرضى بالنتيجه طالما ما فيش تزوير

خلاصه الكلام : الدستور هو الحل ... يعني بدل ما نعمل مجلس رئاسي ، المفروض نعمل دستور ، لان المجلس الرئاسي غير دائم ، بينما الدستور هيكون دائم
إضافة منذ 12 عام
Shady Taha
3653

التعليقات

loleta1 منذ 12 عام
+1 منطقي جداً ياشادي وانا معاك بس انا فرحانه بتوحد الثلاثي ده عشان دايماً التضاد مفيد عشان أياً من كان هيكسب مرسي أو شفيق ياخد باله إن دايماً فيه صوت شعبي ضده لو عمل غلط لكن كل ده مش هيغير من ان رئيس مصر القادم يامرسي ياشفيق.
زغباوية منذ 12 عام
هى وجهة نظر بس ليه مانقولش ان الانتخابات دى كلنا اتحطينا فيها بغير ارادتنا واغلبنا كان مضطر يروح علشان صوته مايضعشي واغلبنا برضوا كان مقتنع بحد وانتخب حد تاني خالص علشان اللى مقتنع بيه مش قوي

وممكن نقول انهم فاقوا واتوحدوا اخيرا متأخرة حبتين بس كله بإرادة الله وعلى فكرة ممكن مايكونش المجلس الرئاسي متمثل فيهم فقط ويتعمل بعد كدا الدستور بدون تدخل من النظام القديم باى عناصر منه وبعد كدا تيجي انتخابات بجد
Shady Taha منذ 12 عام
هما اتوحدوا عشان المصلحه واحده و ايضا من منطلق : عدو عدوي هو صديقي
ابو الفتوح و حمدين مش متحدين مع بعض بدليل ان ما فيش حد قبل يتنازل للتاني ... يلا مش مشكله ، لعله خير

المجلس العسكري لما عمل استفتاء 9 مارس كان تقربيا عباره عن مين يكون الاول ، الرئيس ام الدستور ، و اغلب الناس اختارت الرئيس اولا ، و الدستور كان ممكن يتعمل من زمان من ساعه اللجنه التاسيسيه بس شكل الاخوان مش عاوزين يعملوا الدستور لغايه ما يشوفوا الرئيس القادم و بناء عليه يحطوا الدستور

الصراحه القرار صعب جدا ، ما حدش بقه عارف الصح من الغلط

فشايف الحل من وجهه نظري ان لازم يتعمل دستور يكون محترم عشان على الاقل نعرف نحكم به الرئيس الجاي بغض النظر عن مين اللي جاي
زغباوية منذ 12 عام
لعلـــــــــــــه خير
لولو الزغبى منذ 12 عام
اولا الاخوان مش هيتحكموا فى الدستور لان اللجنه التأسيسيه هتبقى من كل اطياف الشعب و مافيهاش بنود بتقول ان فصيل معين ياخد الاغلبيه حتى لو كان هو اغلبيه البرلمان
ثانيا بقى دستور دلوقتى يعنى امتداد للفتره الانتقاليه تانى و دا كلنا مش عاوزينه مش عاوزين المجلس العسكرى يمتد فى السلطه اكتر من كده
زغباوية منذ 12 عام
اليومين الجايين اعتقد لو استمر الضغط من الثوار هايكون فيه احداث نختلفة ...ربنا يستر ويكمل الثورة على خير ونوصل لبر الامان
Shady Taha منذ 12 عام
عارف ان الدستور لازم يكون من اطياف الشعب ... بس حضرتك تفسري بأيه ان الاخوان عاوزين ياخدوا تقريبا 50% من اللجنه ؟؟؟
لولو الزغبى منذ 12 عام
لالا الاخوان مش هياخدوا كل دا طبعا
لاننا عاوزينوا يبقى دستور بيمثل كل الشعب و دا كمان عاوزاه الاخوان و السلفيين و القوات السياسيه المختلفه و فى حاله ان الاخوان عاوزين يبقوا اغلبيه فدى حاجه لا نقبلها بالتاكيد
زغباوية منذ 12 عام
اعتقد كدا اتفقوا ؟؟؟؟؟يامسهل يارب
الباشمهندسة منذ 12 عام
حلو النقاش دا عجبني جدا ... وانا في رأيي الشخصي اتفق مع نظرية شادي في ان اجتماعهم جيه متأخر قوي كان مفروض من بدري وانهم فعلا ماشيبن بنظرية عدو عدوي يبقي صديقي وان الدستور لو اتحط صح فعلا الكل من رئيس ومجلس وحكومة وشعب هيمشي عليه والحال يتصلح.
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy