مخلاص يا مصر بكرة راح يطلع فجر جديد
و يفرح شهيدك معانا و يلبس لبس العيد
و يرجع مصابك يشوف و بصره من حديد
و تخدي ولادك في حضنك قريب أو بعيد
سيناوي نوبي سويسي و في قلبك بورسعيد
و لا تخفيش دا في ضهرك شبابك العنيد
حالف لتعودي شابة و تتزفي من جديد
لراجل يحمي ديارك و ياخد بثأر الشهيد
خايفة يا ابني لحلمك يصبح بكرة كابوس
و يبعني ا لعسكر تاني لجل شوية فلوس
و يرجع نظام مبارك البائس الموكوس
و يفرح ولاد الحرام بأبوهم المحبوس
و يعود بينا التاريخ و بشعبنا المنحوس
و ننسى دم الشهيد و المصاب المتعوس
و يحكم الفـــلول بوشــــهم العــــبو س
و يضلموا النهار و نعيش على الفانوس