اشتقت لارى صورة لشهداء الثورة:

+1 لولا شهداء الثورة ماكنا نشاهد هذة الانتخابات ...ربنا يرحم الشهداء ويشفى المصابين ويخفف عنهم الالم يارب

ربنا يكلل هذة التضحيات بالتوفيق لمصر انشاء الله

اللهم ارحم شهدائنــا الأبرار

اللهم امين

اللهم إرحم كل من دفع روحه فداء لمصرنا الغاليه وحريتها وحرية المصريين+1

نحن المصريين :
منا من دفع حياته لنرى هذا اليوم
و منا من ضحى بنور عينه لنرى نحن هذا اليوم
و منا من ضحى بأولاده من اجل ان نرى و نشهد هذا اليوم
و للاسف منا من يعطى صوته لمن اراد حرماننا من هذا اليوم

للاسف يالولو ناس كتير مش فاهمة الكلام دا

و للاسف كتييير اللى مش فاهمين بس احنا بقى دا دورنا لازم ندعى الناس و نتكلم معاهم و نفهمهم ان دا غلط

وللاسف كمان انا قلبي وجعنى ووصلت لدرجة انى كنت هخسر اعز صديقة ليا من ايام الطفولة بسبب انخابها لشفيق عشان اقنعها انه فاسد وحرامى وقتل شباب بلدى وهيرجعنا لايام مبارك واوحش بكتييييييييييييير وبرضو مفيش فايدة وفي الاخر كمان كان كلامها ليا انى انا اللى غبية وجاهلة وان شفيق ده هو اللى هيعدى بينا لبر الامان وانا بقي بقولها انى هفضل شايفة لحد اخر نفس فيا ان دم اخواتى اللى ماتوا في ايد شفيق واللى بينا وبينه دم مش ماية عشان بعد ما ضحوا بأرواحهم عشان احنا نعيش في حرية واحنا ولا همنا دمهم وروحنا جرى للعبودية تانى يا خسااااااااااااااااارة دمكم يا اطهر ارواح

ابنيلى من عضم الشهيد وطن جديد .. أصل وطنى طلع مليان عبيد

ارجع واقول اتكلموا وانصحوا ووووو بس في الأخر كل واحد حر مش هنخسر بعض لأننا في الأخر كل واحد فينا طيب وغرضه في النهايه الأفضل لمصر بس فيه اللي الرؤيا واضحه قدامه وفي اللي لسه.

يازيزى تقولى ايه لما الاخوات مش الاصدقاء بس دا ممكن يخسروا بعضهم لان كل واحد فيهم له ورؤيتة للمرشح ...احنا كلنا قلبنا وجعنا من اللى حاصل فى البلد وعلى راى لوليتا كل واحد فينا طيب وغرضه في النهايه الأفضل لمصر

الاختلاف فى الرأى و النقاش اسلوب حضارى نختلف فى الرأى و لكن دا مايوصلناش نخسر بعض و انتى ماتسيبيهاش خليكى وراها اقنعيها بالمنطق و براحه علشان ماتتخنقوش و تخسروا بعض
بس احنا مش عبيد احنا ممكن نكون شعب عنيد
بيعاند اى حاجه و كل حاجه دا احنا حتى كتير اوى بنعاند نفسنا

فعلا انا بحس انها واخداها عند مش اكتر يا لولو وكل لما افهمها بتعند اكتر ومش فاهمة خالص ان ده ضد بلدها وهيا والله طيبة اوى اوى زى ما ماما صفاء ولوليتا بيقولوا كدة لكن ليها وجهة نظرها اللى هيا زى وجهة نظر توفيق عكاشة بالظبط واكتر الناس اللى بترشح شفيق تلاقيهم بيتفرجوا على عكاشة لانه عنده قدرة على الاقناع رهيبة وطبعا مش لاى حد لناس معينة اللى هما طيبين اوى وبيصدقوا اى حد ومش عندهم وعى عشان يميزوا اذا كان الكلام ده صح ولا غلط حسبي الله ونعم الوكيل فيه زنب كل الناس الطيبين دول في رقبته

بلاش تجيبى لى سيرة توفيق عكاشة لان بيجيلى فوران فى دماغى منه
... حسبى الله ونعم الوكيل فيه

العيب مش عليه لوحده العيب ع اللى موافقين واحد زى دا يطلع يعمل برنامج يومى و مدينله التصريح فين وزير الاعلام فين المسؤلين طبعا مش موجودين
طب صحبتك لسه على رأيها بعد لما شافت المحاكمه ؟؟

فعلا عندك حق

فعلا يا ماما انا نفسي اروح افجر نفسي فيه عكاشة ده هو وشفيق
معاكى حق يا لولو انا حاسة ان البلد دى مفيهاش حد من اللى مسكينها عنده ضمير ابدا وصحبتى انا مبقتش افتح معاها موضوع شفيق ده نهائى لانى بصراحة بسبب خوفي وقلقي على بلدى خايفة اخسرها وهيا عشرة عمرى كله

ليه كدة يازيزى ...احنا مافيش فى ايدينا حاجة الا قولنا حسبنا الله ونعم الوكيل على كل حاكم ظالم وربنا بيمهل ولا يهمل

حسبي الله ونعم الوكيل في كل ظالم

خليكى متفائله و متيأسيش ابدا علشان لما نقف قدام ربنا و يسألنا عملتوا ايه لما شوفته الظلم نرد نقول وقفنا قدامه و حاولنا نغلبه اوعى تيأسى و اتكلمى مع صحبتك تانى و تالت و ماتحاوليش ان الموضوع يوصل بينكوا لدرجه انكوا تخسروا بعض بس برضو اوعى تياسى و حاولى معاها مرة و اتنين و عشرة و اعرفى بدام انتى على حق ربنا هيفضل معاكى

ربنا ينصف الحق ويرحمنا من اللى بنشوفه في الزمن ده يااااااااااااااارب