بعض الناس بيقولوا اللى نعرفه احسن من اللى مانعرفهوش وده ليس سبب فى اختيار رئيس مصر ده ممكن يكون فى اكلة او اختيار محل ملابس
وبعض الناس يقولوا لازم خبرة يعني نجيب رئيس سابق علشان يبقى عنده خبرة!!!!!
وناس بتقول لازم خلفية دينية اصلا محدش يقدر يمس الدين وماينفعش نضع الدين كوسيلة نوصل بيها لهدفنا لكرسي الرئاسة
الرئيس الجديد بعد الثورة لازم يكون مختلف (لانى مش مقتنعى باى حد من المرشحين لاسباب كتيرة منها:
- نظرية الشك اللى بقت موجودة وبشدة منذ اندلاع الثورة
- ولان كل واحد فيهم لازم يبرز احسن ماعنده
- ولان لما الاقى حد فيهم بيتكلم بقلب القناة(زى ماكان بيحصل مع مبارك)من كتر الرغي اللى بيرغوه ومفيش جديد
- كل واحد فيهم بيهاجم الأخرين وبيشكك فيهم
- اللى بيحصل فى البلد خلى الناس تقول فين ايام مبارك واحنا مش عايزنها ترجع تاني
بس لازم اقرر وكنت محتارة بين ابو الفتوح وحمدين صباحي وخالد على لتواجدهم الثورى يعني ماينفعش اختار حد من النظام القديم ولا الاخوان بعد ماشفنا كلنا مواقفهم بس بعد المناظرة صرفت النظر عن ابو الفتوح
لكنى فوجئت بمرشح شدنى كلامه وحبيت اسمعه عكس مايحدث من باقى المرشحين
خالد على هو مرشحي المفضل:
فكر جديد ومختلف وباسلوب عصري ومش قديم وبالورقة والقلم والحسابات وصريح وواضح وحسيت انه مش بيرغي وخلاص زى باقى المرشحين هو انسان طموح عنده حلم لمصر يارب يتحقق وحاجة مهمة جدا الشعب مش شايفها انه اصغر المرشحين سناً ومش هايموت على المنصب زى باقى المرشحين وعلشان مصر تتغير فعلا لازم نغير فكرنا
نبذة عن خالد على: محام مصري من مواليد محافظة الدقهليه ،حصل على الليسانس في القانون من جامعة الزقازيق، أحد مؤسسي مركز هشام مبارك للقانون ومؤسس اللجنة التنسيقية للدفاع عن الحقوق والحريات النقابية، ومؤسس جبهة الدفاع عن متظاهري مصر ورئيس فريق الدفاع عن أموال التأمينات والمعاشات و وقائد فريق الدفاع الذي نجح في وقف خصخصة الهيئة العامة للتأمين الصحي.
-
نجح خالد في إنتزاع كثير من الأحكام مثل: حكم الحد الأدنى للأجور وبطلان انتخابات النقابات المهنية وعدم دستورية القانون الخاص بها ورفع الحراسة القضائية عن نقابة المهندسين بعد15 عاما وأحكام بإعادة ملكية عدد من شركات القطاع العام "التي بيعت بثمن بخس والتي شاب الفساد عمليات بيعها", ومؤخرا نجح خالد علي في الحصول علي حكم قضائي يلزم الحكومة بتخصيص معاش استثنائي لمصابي الثورة 2003 ..
للتعرف على برنامجه هذا موقعه الالكتروني:
http://khaledali.net/ علشان تغير فكرك انظر هذه الفيديوهات
ده جزء من مصر تنتخب الرئيس اسئلة المرشحين
وده جزء من حلقة اخر النهار مع محمود سعد والحلقتين كانوا من اشد الحلقات:
زغباوية