واحنا لسه مش لاقيين طريق!!!

نبدأ أول خطوة الآن.

ههههههههههه حلوة اوى الكراسي دى ...يانهار ابيض على الروقان فى التفكير....بصراحة تحفة

نبدأ اول خطوة ازاى ؟؟ لسه كتير !!!

القاعدة العلمية حولنا المهم تحويل بعض ما نعلم إلى تطبيق. سيبهرنا عدد مراكز البحوث التي أنشأتها ثورة 52 وعدد بحوثها الغير مستفاد منها وحجم التصميم والوطنية التي يتمتع به منتسبوها وضراوة محاولات نظام ما بعد كامب ديفيد لقتلها. بالمناسبة أنا أفخر بأني أحد خريجوا عين شمس وكم استفدت من علم اكتسبته بين أروقتها.

مراكز البحوث دلوقتى مالهاش اى لزمة مجرد ابحاث واغلبها منقول او متفبرك علشان الدكتور يترقى وياخد مكانة اجتماعية اعلى فقط لكن بحوث فعلية تفيد البلد قليلة جدا جدا
وحتى لو فيه بحث مهم ومفيد ماحدش بيشوفه ولا يهتم بيه ....

هذا تماما ما عنيت بالقاعدة العلمية الموجودة، لعلي أستعيد قول أحمد زويل "لوﻻ عهد عبد الناصر لما استطاع مثلي من اﻻبتعاث ومن ثم تحقيق ما حققت حيث -بغير عهد عبد الناصر- ﻻ يعتمد اﻻختيار للمبتعث على التفوق العلمي بل على ......"

ندعي ربنا يصلح الحال لان بدون العلم مفيش تقدم

@زغباوية: معلش انا بأعترض علي هذا المقطع مراكز البحوث دلوقتى مالهاش اى لزمة مجرد ابحاث واغلبها منقول او متفبرك علشان الدكتور يترقى وياخد مكانة اجتماعية اعلى فقط لكن بحوث فعلية تفيد البلد قليلة جدا جدا

الكلام دا انتي عرفتيه منين!!... للاسف دا توقعك الشخصي من واقع الفساد اللي موجود في البلد لكن الحقيقة ان المراكز دي شغاله وفيها عقليات علمية فعالة وبتنتج ابحاث كتير في مجالات متعدده ممكن تتطبق وتفيد البلد ولكن هي محتاجة دعم مادي كبير والمراكز دي فقيرة ومش مخصص لها ميزانية محترمة.

واللي ممكن يحزّن بقي هو انك تعرفي ان فيه ابحاث وتطبيقات بيتم اخذها من المراكز دي وتطبيقها في الخارج دا طبعا اذا كان الشخص اللي عملها ما هجش اصلا من البلد.

وعشان كدا ناس زي فاروق الباز واحمد زويل وغيرهم غلبوا في انهم يشيروا الي اهمية الاهتمام بتنمية المهارات البحثية لدي طلاب من سن مبكر لمعرفتهم بأن العقليات المنتجة في مصر كثيرة ولكنها تحتاج الي توجيه.

واللي يحزّن اكتر هو ان فيه ناس بتتقدم باختراعات وابحاث بمجهودها الشخصي ولايس لها اي صلة بمراكز البحوث ولكنها تواجه عقبات الروتين.

وربنا يصلح الحال.

كلامي نابع من مصادر موثوقة من احد مراكز البحوث.... واذاكان على الفلوس فيها فلوس بس بتتوجه غلط يا في تغيير ديكورات ومباني المركز وعلى الفاضي يا بتروح في اى عبث تاني المهم ماترجعش لميزانية الدولة تاني اما بالنسبة للبحوث الفعلية فدى بقى بتكون علشان منظر المركز مايكونش وحش او ماعملش بحوث

وطبعا القاعدة ليست عامة فى كل معاهد او مراكز البحوث اكيد فيه بعض الناس لسة قلبها على البلد وفيه عقليات عبقرية كتيييير بس ياإما بتحبط وبتزهق من الفساد اللى حاصل يا بتمشي وتسيب البلد