اترشح واتنازل......يعني ايه؟؟؟؟؟

طيب على نفس المثال ممكن لو حازم خد 100 صوت والشاطر 50 ال100 اللى انتخبوا حازم ممكن ماينتخبوش الشاطر ويدوا لحد تانى

وبعدين هو احنا مش هاننتخب نائب ولا كل واحد هايختار النائب بتاعه على كيفه؟؟؟؟

كلامك صح و ممكن ، بس الاتنين يعتبروا من الاسلاميين و ليهم نفس الافكار تقريبا ، يعني ممكن نقول الشاطر هيكون له نفس البرنامج بتاع حازم تقريبا، الموضوع فيه شويه كوسه

يعني مثلا اغلب الناس اختارت الشيخ حازم لانه هيطبق الدين

الشاطر ممكن يقول في مؤتمر مثلا : انا اتفقت مع حازم اننا هنسق مع بعض عشان نطبق الدين في مصر

الفكره الاساسيه من التنازل هو عدم تفتيت الاصوات

مثلا لو افترضنا فيه 3 مرشحين

حازم ، الشاطر ، شفيق

الناس اللي بتحب الفلول كلهم هيختاروا شفيق نقول مثلا 2000 صوت

و اللي بيحبوا الاسلاميين هيختاروا ما بين حازم هياخد مثلا 1000صوت و الشاطر هياخد 1500 صوت

يبقى اللي كسب هنا هو شفيق ، لو مثلا لو كان حد من الاسلاميين تنازل للتاني ، كانت النتيجه هي 2500 مقابل 2000

يعني الخلاصه ان كل رئيس هيمثل جهه معينه ، يعني هيكون فيه رئيس يمثل الاسلاميين ، و رئيس هيمثل الليبراليين ، و رئيس هيمثل الفلول

الشعب هنا بيختار على اساس الجهه اللي مقتنع بيها ، مش الشخص نفسه ، يعني لو واحد عاوز مصر دوله دينيه ، هيختار اي حد من الاسلاميين ، و هكذا ...

عموما الرئيس مش بياخد قرار لوحده ، بيكون معاه مستشارين و خبراء

معلشي الاجابه كانت طويله شويه ، لان الموضوع يعتبر معقد شويه

بالعكس الاجابة كانت مبسطة واسلوبها واضح
بس ليه مرشح معين يقول انى هاتنازل من اجل مرشح اخر بعينه يعني مثلا حازم يقول انا هاتنازل لصالح الشاطر مش ابو الفتوح مثلا مع ان كلهم اسلاميين بمعني: ليه بيقول اسم المرشح اللى هو مختاره
يعني ليه بيحدد مش بيقول انا هااتنازل وخلاص ولا علشان مؤيديه يؤيدوا المرشح اللى اختاره
معلش المرة دى انا اللى طولت:(

وليه مابيجمعوش البرامج الانتخابية المتشابهة ويختاروا حد منهم حتى لو كان بالانتخاب الداخلي للمجموعات المتشابهة ويخلصونا ولا هما فاكرينها تورتة بجد او حتى يجمعوا الرامج الانتخابية فى مجلس رئاسي يتكون من عدة اشخاص وليس فرد واحد؟؟؟