نكت لم تضحكنى .. ممكن تضحك اتنين تلاتة منكم

3
0


اضحك مع المتزوج
مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ‏؟
قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة ‏بالشبشب قالها وده ماله
قالتله : اصل ده الى اتجوزها‏

واحد ماشى مع خطيبته واخر انسجام
فقالها : عارفة اية هو الحب واية الجواز؟
قالته : لا
‏قالها : الحب زى النجوم الجميلة اللى فى السماء
قالتله : طب والجواز؟
قالها : دى الحفرة اللى بنقع فيها ‏واحنا بنبص على النجوم


واحد قاعد في أمان الله بيقرا الجرنان
وفجأة جت مراته وضربته بغطا الحلة فوق دماغه .. ‏طرررررخ
الزوج : 'فيه ايه يا بنت الحلال؟ ليه كدا؟؟؟
الزوجه : ايه الورقه اللي في جيب بدلتك ومكتوب عليها 'سوسو'؟
الزوج : يا بنت الحلال، ده ‏أسم الحصان اللى بنشجعه في السباق!
الزوجه صدقته وراحت لحالها
بعد اسبوع
الزوج قاعد في ‏أمان الله يقرا الجرنان
وفجأة جت مراته طرررررخ وضربته بغطا الحلة على راسه
الزوج : خير يابنت ‏الحلال في ايه تاني؟
الزوجه : حصانك على التليفون



واحد متجوز وقاعد في البيت وبيبص كتير في عقد الزواج
مراته قالت له : بتبص في عقد الزواج ‏ليه يا حبيبي؟
قالها : مش عارف يا حياتي المأذون كتب تاريخ انتهاء العقد فين



واحد بيقول لمراته ... انا النهاردة عايز رومانسية فى البيت
راحت الزوجة سألت امها : يعنى ايه رومانسية ؟
الام : مش عارفة بس احتياطى إنقعى الرز


مره واحده بتقول لجوزها
تصدق إن أنا كل يوم بحلم بيوم جوازنا
قالها
هى لسه الكوابيس دى ‏بتجيلك؟


‏ مرة واحد قال لصاحبه
عاوز أعمل لمراتي مفاجأة فى عيد جوازنا
صاحبه قاله : هتعمل إيه؟
قاله : هوديها الصين
قاله : يا راجل فى عيد جوازكوا العاشر توديها الصين
أومال فى عيد ‏جوازكوا الخمسة وعشرين هتعمل ايه؟
فقالوا : هروح اخدها

 

التعليقات

زغباوية منذ 13 عام
هههههههههههههههههه انا من الثلاتة اللى هايضحكوا:D
الباشمهندسة منذ 13 عام
😃 😃 😃
الباشمهندسة منذ 13 عام
الموضوع دا بيتوقف علي الحالة المزاجية ساعات بيبقي الواحد مستعد ان يضحك فيسخس من الضحك وتركبه حالة هيستيريا علي شئ تافة مايضحكش اصلا بس هو دماغة في الوقت دا متهيئ وفي اوقات نكد نكد نكد لو ايه تبقي بالكتير ابتسامة وخلاص.
عبد المنعم منذ 13 عام
كلام زين والله
زغباوية منذ 13 عام
ايوة فعلا ياباشمهندسة فاكرة خالتي فرنسا:(
الباشمهندسة منذ 13 عام
فاكرها .... يا خسارة الفلوس بس الصحبة الحلوة ماتتعوضش 😃
زغباوية منذ 13 عام
هههههه كان يوم جميل اوى ياريت نكرره
مها شاهين منذ 13 عام
ههههههههههههههههههههههههههههانا من الثلاثة ال هايضحكوا
zedony.com - A mmonem.com production. Privacy Policy