انـــــــــــــــا مستقــــــــــــــــــــــيل

4
1
أنا مستقيل
من حالة الظلم الشديد
عايش وحيد
وعشان كدا....
ببدأ طريقي من جديد
من أولـه
يمكن يكون مشوار طويل
لكنى ناوي أكملـه
وبرغم آخر ضوء
باقلي فيـ شمعتى
بالرغم من كل الشقوق
اللى تواجه سكتي
و برغم قسوة دمعتي
بمحي حروف الحزن
وحروف المَرار
من كل سطر فـي صفحتي
و برغم طول الليل
راح انتظر طلوع النهار
وأرسم ملامح خطوتي
ارفض أعيش العُمر
مع وحدتي
بقطع جذور المُر من أرضي
وابذرها
بسنابل فرحتي
ومن هنا
قررت أنا
أبدأ حكايتي وقصتي
وعشان كذا
أنا مستقيل





منقووول .... ابداع اونلاين

 

إضافة منذ 13 عام
غير محدد
تعديل منذ 13 عام

التعليقات

زغباوية منذ 13 عام
😞 ياريت الحياة فيها استقالة كنا استقلنا من زمااااااااااان
safaa منذ 13 عام
+1 بس ليه كدة يازغباوية
الباشمهندسة منذ 13 عام
هو هنا مايقصدش استقالة من الحياة يقصد استقالة من الظلم وحياة القهر وفيها تفاؤل بحياة افضل مع السعي والاصرار انا فهمتها كدا عشان كدا عجبتني ونقلتها
زغباوية منذ 13 عام
هى الفكرة ان الواحد ساعات بيقف كدا ونفسه يقول لا مش لاعب خلاص انا نفسي استقيل طب نعمل أندووو اى حاجة من دى.... بس طبعا فى الاحلام
zedony.com - A mmonem.com production. Privacy Policy