جيبت ساعة حائط صيني بحوالي 20 جنية من محل من محلات التوحـ---- ( تييييت )
وجبتلها بطارية أكيد صيني :) أشتغلت أسبوع تقريبا وفايصت.
قولت ممكن تكون البطارية خلصت, رحت جبتلها بطارية جديدة فيصت بعدها ب دقيقتين. ومن ساعتها ( بمناسبة اننا بنتكلم عن الساعات ) كل يوم بتأكد أن اللي بيشتري الصيني بيرمي فلوسو في الأرض بيده.
جيبت مضرب بيض صيني ,شغلتو مرة والتانية سمعت دربكة من المضرب , فتحتو لقيت هيكل الموتور مفروم.
طيب بحسبة بسيطة هانقول ان الواحد لو جاب مضرب بيض صيني ب 70 جنية مثلا يشتغل معاه سنة ونصف لو ربنا كرموا , طيب ماتستحمل شوية وتحوش تمن واحد ألماني ب300 مثلا ويعيش معاك بالميت 10 سنبن !!! أحنا كان عندنا مضرب بيض متربيين علية في بيتنا قبل ماالصين تركز مع المستهلك المصري ويادوب جاب اخرة بعد سنيييين طويلة !
وعلي كدة أحسبها في كل حاجة.
مش خسارة أني انا ومراتي بنظرة اقتصادية نروح هايبر ماركت مشهور في مصر وتعجبها بلوزتين تشتريهم وتغسلهم أول غسلة تلاقي خروم قطرها لا يقل عن 3 مللي ظهرت فتضطر تدوبهم في المطبخ بدل ماتدوبهم في عرق العافية :)
وعلى رأي المثل : ( جيبت الصيني طلع بايظ ... هوا اللي هانعيدو هانزيدو ؟ )