ورق الحائط

انا هتكلم من واقع خبرتي البسيطة واللي هي جزء منها ان بيت العائلة كان ورق حائط وجزء منها دراستي المعمارية وليس من واقع السوق التجارية .

اولا مميزاته ...
-الشكل جميل والرسومات دقيقة لن تحصلي عليها في الدهانات
-ويعطي مظهر راقي عن الدهانات وخاصة لو تم اختيار انواع غالية وقيمة
-سهولة التركيب واللي مكن انتي تركبية وسهولة التركيب فوقة.
-يوجد منه انواع قابلة للغسيل بالماء والصابون

ثانيا عيوبه ...
-الانواع القيمة والجيدة منه غالية الثمن
-اصبح موضة قديمة شوية وفيه تشكيلات جديدة في الدهانات اكثر تطورا زي بالضبط مبدأ الباركية والسراميك طبعا الباركية لا يعلي علية وقيم وغالي ولكن موضة قديمة وهذا لا يقلل من شأنة لكن اصبح مثلا البورسلين وانواع من السراميك وحتي HDF ممكن تديكي مميزات شكل الباركية وميزات عصرية>
-بيتأثر بالعوامل الجوية الخارجية زي الشمس لو طالته بتغير لونه وساعات لو اللصق غير جيد بيطق ويقع
-ماينفعش يلصق الا علي طبقة دهان نهائية ومستوية يعني مكان الوش التاني من الدهان اولا لانه مش بيوصل لحد السقف بيكون فيه وزره بيضا فوق او بيفضل مساحة بيضاء بتكون واخده دهاناتك عادي جدا يعني بياخذ تحتة بطانه وضهارة ومعجون ووش اول .... مش عل المحار والا مش هيلصق.
-عشان يتشال نهائي بيحتاج عملية تبويش بالمياة وكجت بالسكين بتأخذ وقت وعايزة عمالة محترفة شويه.


ثالثا الاسعار ...
الموضوع دا نسبي 100% بيرجع لمدي جودة الورق اللي هتختاريه يعني اسمع ان الرول اللي هو 10متر ارتفع سعرة من 25 جنية حتي يصل 400 جنية والغرفة الواحدة تحتاج منك 8 - 10 رول تقريبا وطبعا بالمثل في الدهانات في انواع درجة اولي جاهزة الجردل بيدخل في 250 300 جنية وبتحتاجي جردل ونص اةو جردلين لو غرفة كبيرة .

يعني العملية الحسابية في ممارسة السعر بترجع ليكي بالدرجة الاولي

رابعا نصيحة شخصية ...
خليكي مع الدهانات ممكن تعملي منها ديكورات حلوة قوي وافكار رائعة الورق مش هيساعدك وتقدري كل سنة تغيري الالوان لو حابة لكن الورق لا طبعا وغالبا في اضيق التكاليف هيكون الدهان ارخص من الورق.