من قصائد على سلامة

3
0
طيبين قوى!!

لدرجة إن كل همومنا
مع أول ضحكة بتتنسى
ولما العصفورة
... بتعملها على هدومنا
بنصدق إننا هانتكسى
ولما نهرش ف إيدينا
ولما بترف عنينا
ولما إيه؟
يتنصب علينا
نقول نصيب
ننضرب
نقول ده ضرب الحبيب
نتسرق
نقول ف بيتها
وآدى آخرتها
شوفتوا بقى
إحنا طيبين أد إيه
بنسامح اللى بيجرحنا
قاصد
وعن عمد
ونقوم الصبح
نبص ف مرايه
ونقول اللهم لك الحمد
يارب ديمها نعمة
واحفظها من الزوال
ولما يدق الفرح بابنا
نقول ده رزق العيال
وآدينا عايشين
شوفتوا بقى
إحنا أد إيه طيبين

علي سلامة {{uf:1010}}

 

إضافة منذ 14 عام
غير محدد

التعليقات

safaa منذ 14 عام
+1
محمد عبد المنعم منذ 14 عام
جميل وباين عليه إنسان جميل قوي الراجل ده ... بصراحة أنا مكنتش أعرفه
الباشمهندسة منذ 13 عام
+1... شعر بسيط ومعبر
علي سلامة انا بسمع عنه كتير بس ماعرفش اي حاجة مميزة ليه
zedony.com - A mmonem.com production. Privacy Policy