أنا ليا واحدة صاحبتى بتحبنى أوى أوى , و هى صاحبة جدعة و طيبة ووقت ما احتاجها الاقيها حتى لو كنت مزعلاها مع إنى ماستاهلش منها كل الحب و التقدير ده خالص !!
تقدروا تقولوا
معظم الوقت مزعلاها و مش دايما بسمع كلامها و أوقات كتير بفضل ناس تانيه عليها مع إنهم مايستاهلوش و مش جدعان معايا و عند أول مفرق هيسيبونى :)
دايماً بتحبنى و تقدرنى و مخليانى فوق الكل و لما بطلب منها حاجة بتعملها ليا مع ان أحياناً بتأخرها و أنا بزعل و بضايق جداً
لكن فى الأخر مهما طال الوقت بتراضينى و ماتسبنيش الا لما اكون فرحانه :(
دايماً تقولى يا حبيبتى لما تحتاجى حاجه تعالى ليا بس و نادى عليا و أنا عنيا ليكى , لو تعرفى بحبك أد ايه و بغير عليكى و كل همى مصلحتك و إنى أسعدك و اشوفك أحلى بنوته فى الدنيا بس اسمعى كلامى .
ولله المثل الاعلى!! :(
ربنا سبحانه و تعالى بيحبناأوى و أعلم بينا من أنفسنا وأقرب لينا من حبل الوريد و كل يوم ينادى و
يقول هل من مستفغر فأغفر له , هل من سائل فأعطيه هل من تائب فأتوب عليه و هكذا كل ليله الى ان يؤذن للفجر .
يعنى لو حد مهم انت عارفه و قالك كل يوم فى الوقت ده تعالى و اطلب الى فى نفسك و انا هاعمله ليك هتروح و لا لأ ؟؟,
طبعا هتروح و هتتحايل و لحد ما يتم طلبك ... فما بالك بملك الملوك لما يقولك انا مستنيك بس انت تعالى و انا ارضيك ؟؟
قال ابن القيم :
ليس العجب من مملوك يتذلل لله ويتعبّد لـه ، ولا يمل من خدمته مع حاجته وفقره إليه ، إنما العجب من مالك يتحبّب إلى مملوكـه بصنوف إنعامـه ويتودد إليه بأنواع إحسانه ، مع غناه عنه !
قيام الليل أكرمكم الله