ابتسامات :) :)

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين


مرة واحد قاعد في لجنة الأمتحان قام طلع شلن فكة و عمال يلعب ملك و كتابة فالمهندس اللي جانبه قاله بتعمل ايه يا هندسة .....قاله بشوف الصح و الغلط لو طلع ملك يبقي صح و لو كتابة يبقي غلط.....وكمان نصف ساعة و قبل تسليم الورق بعشر دقائق طلع البشمهندس هو هو الشلن تاني و لعب ملك و كتابة برده فسأله المهندس اللي جانبه بتعمل ايه يا هندسة ...........قاله براجع اللي عملته


واحد عنده مزرعة فراخ وكانت فاشلة جدا راح لمهندس زراعي وقاله: أنا مش عارف أزرع الفراخ, زرعتها من رجليها مطرحتش زرعتها من جناحها مطرحتش زرعتها من دماغها مطرحتش. المهندس قاله: روح هاتلي عينه من الأرض.


فكهانى دخل فرح رقص عشره بلدى و عشره بسره


واحد حب يصطاد ارنب قلد له صوت الجزر


مره واحد بيصطاد سمك بالحشيش طلعتله سمكه بتقول : انا تمساااااااااح


واحد بيقول لمراته انا بحب فيتراك جدا قالتله و انا بحب محمود جدا جدا قلها بس فيتراك ديه مربه قالتله و محمود ده عسل ... عسل


واحد باشا دار عليه الزمن وافتقر حب يشتغل, إشتغل بياع فجل وجرجير طول النهار واقف فى السوق ولابس طربوش وبينادي: فجل يا حوش .. جرجير يا كلاب