السنة في سطرين

قي 25 يناير كانت ثورة جيل بأكملةعاش الظلم والمحسوبية والرشوة والاستبداد جيل ملي القهاوي والطرقات من غير هدف
هولاء الشباب ضحوا باارواحهم وهذا اليوم ذكري ميلادهم فلابد من مشاركة الجميع ولكن من غير عنف ولاهدم لقد وضعوا هم الاساس وعلينا جميعا تكملة البناء فهنيئا لكي يامصر باولادك

الله يرحم الشباب اللي راحوا ويرحمنا ويرحم الشباب من اللي جاي وألخص السنةبكلمتين(يبقى الحال على ماهو عليه)مش هنتقدم غير لمّا نغير سلوكيتناواللي الثورة ماعدلتهاش دي وضحتهاأكتر (الحوارات وعدم النظام وعدم الأمن والسرقهوالفهلوة والتحكم همّا همّالاجديد)وإن كان التواجد الأمني بدأ يبقى أحسن شوية،مكتئبة من الحال العام اللي مضايق علينا كلنا وكل البيوت حاسه بيه وعدم إستقرار بلدي إقتصاديا ،وأتمنى بكره يبقى أحسن ونتغير ونغيرفي سلوكيتنا ونعمل،وانا أحب إن الناس تحتفل بالثورة بنظام بدون إندفاع وتهور وربنا يعدي ذكراهم بخير

كلنا حسينا بالقلق فى 25 يناير اللى فات بس كان قلق فيه تفاؤل وقلب بفرحة يوم التنحي حتى من اللى كانوا متعاطفين مع مبارك .

غلطة الثوار الكبرى انهم وافقوا على ان المجلس العسكرى هو اللى يمسك السلطة من الاول وصدقوه ليه بقى لانه اساسا كان المجلس فى عهد مبارك فشئ طبيعي انه يحذوا حذوه وكمان يداري عليه ويتعاطف معاه ويعمل كل مافي وسعه علشان النظام القديم يفضل ويشوه صورة الثورة والثوار واعتقد ان دى الغلطة اللى هاتتصلح بكرة بإذن الله يوم 25
طبعا كلنا عايزين استقرار وامن ومستقبل افضل ومش عايزين فساد ولا كوسة ومش هايحصل ده غير لما كل النظام السابق يختفي واكيد مش هايختفي بسهولة معلش حبة صبر وجهد وربنا يوفق مصر والشعوب الاسلامية للخير والسلام

وان شاء الله الكل هايفرح يوم لما البلاد يكون فيها رئيس مدني وبدأنا نستقر وده مش هاييجى غير بالتعب والجهد والصبر

كلمة اخيرة بس اللى نازل يوم 25 عارف هدفه ايه لكن اللى مش ناوى ينزل مايخونش اللى نازل لانهم تعبوا وضحوا بنفسهم علشانى وعلشانك وعلشان ولادنا وياريت كمان يدعي ان اليوم ده يعدى على مصر بالسلامة والنصر والتوفيق والخير والسلام والامان

ماينفعش واحد فى مصر مش لاقي ياكل
ماينفعش واحد فى مصر يبقى واقف فى الطابور فى مستشفى سيئة مش لاقي يتعالج
ماينفعش واحد فى مصر بيخرج ولاده من التعليم علشان مش لاقي مصاريفه
ماينفعش واحد في مصر مش لاقي يشتغل
ماينفعش مصر ماتبقاش من الدول المتقدمة
ماينفعش كل اهتمامتنا ان احنا بندور على لقمة العيش وعيشة كريمة ومستورة
ماينفعش مصر ماتكونش من الدول اللى بتساعد الدول الفقيرة



متفائلة جدا مهما حصل وان شاء الله بكرة احسن

وبإذن الله هاحاول انزل بكرة