احذر.. هذه الكلمات تكسر المرأة وتؤلمها كثيرا

9
0
و انا بافتح الياهو مكتوب لاقيت المقال ده :-

احذر.. هذه الكلمات تكسر المرأة وتؤلمها كثيرا
=-=-=-=-=-=-=-=-=-=-=-=-=-=-=-=-=-=-=-=-=-=-=

بعض العبارات تسبب ألما للمرأة ويكون وقعها عليها كالجرح الذي لا يندمل أبدا، ذلك أنها تشعرها بعدم الأمان والقلق الممزوجين بالحزن.

و منها
1- أنتِ تبالغين كثيرا:
2- لقد ازداد وزنكِ قليلا:
3- لماذا لسنا في سعادة ...... ( أي من أصدقائكما أو أقاربكما):
4- أحتاج للانفراد بنفسي قليلا:
5- لديكِ عقدة نفسية:
6- أهلي لا يحبونكِ:


المهم وجدت أن هناك عبارات اقوى ممكن مش بس تجرح ممكن كمان تقتل الزوجه

موضوع للنقاش
س؟؟ من رايك أيه أقتل العبارات للزوجه ؟
س؟؟؟ من رايك أيه أقتل العبارات للزوج؟؟




ياريت كل زوجين لا يخبطوا فى الحلل و هما غاضبنين!!

 

إضافة منذ 13 عام
غير محدد

التعليقات

safaa منذ 13 عام
+1 طالما فى زعل لابد من التخبيط فى الحلل... ويارب ماتجيب زعل
mora منذ 13 عام
+1
زغباوية منذ 13 عام
مش فاهمة العبارة دى أي من أصدقائكما أو أقاربكما):
زغباوية منذ 13 عام
حلو اوى تحذير التخبيط في الحلل مهم اوى فعلا 😞
mora منذ 13 عام
يعنى (اشمعنى )فلان قريب او صديق سعيد فى حياته ونحن لا .... مقارنه يعنى
زغباوية منذ 13 عام
ايوة كدا فهمت هى بس ناقصة كلمة زى او مثل تتكتب شكلي بهنج
mora منذ 13 عام
يعنى على اساس ان الجمله اللى قبلها لماذا لسنا في سعادة
توضح المعنى
MaDa منذ 13 عام
مع اني مش متزوج بس هناقش الموضوع بعد الامتحانات إن شاء الله 😞
MaDa منذ 13 عام
تصحيح لغوي:
مفيش حاجة اسمها أقتل فالفعل - قتل - لا يصاغ منه اسم التفضيل على وزن أفعل أو بصيغة تفضيل مساعدة فهو فعل غير متفاوت 😞
mora منذ 13 عام
الحمد لله انك مشغول بالامتحانات
mora منذ 13 عام
ايه يا جماعه انتو كلكوا مصدقتوا ولا ايه رشا داست ع الوتر
Lady Rasha Reda منذ 13 عام
و هو يعنى فى كلمه يا ريت
تصحيح لغوى
MaDa منذ 13 عام
دي بداية حملة التصحيح اللغوي في الموقع بإذن الله خدوا بالكم يا زيدونجية ^_^
Lady Rasha Reda منذ 13 عام
المهم خلينا فى الموضوع لو سمحت!!

الإجابات

8

مـن الرائـع أن تشعـر المرأة أن لهـا رجــل ,

رجُـل تستطيــع أن تَــلجَأ إليـهِ كُـلَمـّا ضاقـَـت بـــهَـا الدُنيا ,

رجُل(( تـثــق)) بأنـّه لـن يُـقابل شكواها بالضَجـَر أو بالتَشّفـي أو القَسـوة

وَ لـكـن الأروَع من كُـل هَذا أن يَكون هو بـ نفسِه إختــَار أن يَــكون هذا الرجُل .. !!

إختــَار بـ كل حُب أن يَــكوُن ~~~

ملاذهــــا .. حصنــها .. و أمانــها

, و عليه ياريت يخلى باله من التشفى و القسوه و الكلمات القاتله
إضافة منذ 13 عام

التعليقات

safaa منذ 13 عام
+1 رفقا بالقوارير ايها الرجال
mora منذ 13 عام
+1 برافو عليكى يا رشا
زغباوية منذ 13 عام
ممكن اكمل السطر التالت او السخرية والتريقةوالاستهزاء
7
اسكتي ... ايش فهمك انتي :'( :'( :'(

قاتله اوي التحسيس بالجهل بشئ وتأكيد الزوج علي الاحساس دا والله بقي لو الكلام دا قدام جماعة من الناس ... اكنه خنجر واترشق
إضافة منذ 13 عام

التعليقات

safaa منذ 13 عام
بتعملى الوش دا ازاى من فضلك؟
الباشمهندسة منذ 13 عام
: ثم ' حرف الـ ط بالانجليزي ثم ( :'(
HoSSaM منذ 13 عام
:'(
mora منذ 13 عام
+1 ولسه هو فى كلام تانى
safaa منذ 13 عام
:"(
safaa منذ 13 عام
:'(
Lady Rasha Reda منذ 13 عام
و كمان لما تكونى عارفه فى الموضوع و مش حابه تحرجيه هو ،

من رأىى أن الرجل لازم يكون حسيس و يشيل مراته فوق رموشه ، خاصه فى و جود جمع
3
أكتر جملتين بيحرقوا دم أي ست لمّا تسأل زوجها ليه مش هنروح المكان ده أو ليه رافض دي أو ده أورافض تفتح الجهاز ده يقولها مزاجي أو كيفي أو بمزاجي وكمان جملة (إنتي إيش فهمك) مع إني في المجال ده أذكى وأكثر فهما وسكوتي ليس معناه غبائي بس منعا لأحراجه.
إضافة منذ 13 عام
loleta1
14181

التعليقات

safaa منذ 13 عام
+1
Lady Rasha Reda منذ 13 عام
فعلا اكتر جواب يحرق الدم ، مزاجى ، هو كده

و لكن ، من خبرتى فى علم الازواج ،
يكون سبب هذه الاجابه غالباهو أن الرجل ليس فى مزاج جيد للنقاش، و يخشى إما الخساره أو التعصب ، و ربما مش قادر يتكلم اكتر
Lady Rasha Reda منذ 13 عام
رايي فى هذا الموقف ،

الاتفاق مع الزوج فى الاوقات المسموح فيها النقاش ،
لو الموضوع متعلق بلاولاد ، يبقى تسبلى الامر،
لو متعلق بشى اخر ، أى منا يمكنه غلق الموضوع مع الاحتفاظ بحق الرد للطرف الاخر فى وقت لاحق!!
loleta1 منذ 13 عام
ياحبيبة قلبي الزوج عمره مابيقول كده إلاّ لأنأسبابه ضعيفة وهتغلبيه في النقاش أوسبب لوصرح بيه هيحس بضعف نزعته الشرقيه زي مثلاّ إنه يقولك بلاش تلبسي اللون ده عشان بيخليكي حلوة وانا بأغير عليكي إنه يقولك إنه بيغير دي كبيرة قوي عليه فالأسهل يقولك ماتلبسيش كده تقولي ليه يقولك هو كده أومزاجي أو حجج فارغة كتيير مع إنّه لو قالك السبب الحقيقي هيعلا في نظرك أكتر وهتبطلي تستعجبي خصوصا لو إنك شخصية لاتقتنع إلاّ بالمنطق زيي انا كلمة مزاجي أو هوه كده دي مابتاكلش معايا خالص ولازم أسمع سبب منطقي ومقنع عشان أتراجع عن فعلي
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy