محمد مصطفى : أنا فين ...
علاء عبد الهادى : متخافش يا مصطفى احنا فى مكان حلو أوى
محمد : مش أنت علاء شهيد طب عين شمس
علاء: أيوة أنا
محمد : طب واحنا ايه اللى جمعنا مع بعض؟
... علاء : مبروك يا محمد أنت بقيت شهيد هندسة عين شمس
محمد : أنااااااا ؟
علاء : أيوة يا بطل
محمد : افتكرت انا كنت نايم وهجموا علينا وضربونى بالنار ... بس ليه يا علاء ليه ؟أنا كنت بهتف الجيش والشعب ايد واحدة .. أنا كنت بتصور جنب الدبابة .. أنا كان نفسى أخدم فى الجيش.. أنا ليا قرايبى ضباط ليه؟
علاء : سألت نفسى كتير وملقتش اجابة أنا كنت نازل بس أشوف المصابين وأساعدهم كان نفسى أحقق حلم أمى وتشوفنى دكتور... بس أنا هنا فى مكان أحلى بكتير
محمد : أمى؟
علاء : متخافش ربنا هيصبرها
محمد : طب تفتكر دمنا حيرح هدر ولا حينسونا؟
علاء : هما نسيونى؟
محمد : لا..الجامعة كلها طلعت علشانك
علاء : متخافش أنا واثق ان أخواتنا مش حينسونا وربنا حيجيبلنا حقنا
محمد : هو ايه النور الجامد اللى هناك؟
علاء : تعالى معايا أعرفك على الشيخ عماد ............
منقول من
انا مصــــرى - ضد الارهاب