احلى كلام سمعتوا اليومين دول

تمثيل × تمثيل ايه رأيك بقي ؟؟؟

والبنت اللي تنزل في وسط الشغب والبلطجية وتعمل فيها وطنية هي اللي تستاهل كل اللي يحصلها لان دا مش مكانها ولا دي رسالتها البنت او الست مالهاش غير انها تصون نفسها وتحترم انوثتها واذا حبيت تنزل ودا مش عيب طبعا يبقي في حدود الوقفات والمسيرات السلمية لكن ما حبكتش ساعة القلق والشغب تعمل فيها شهيدة تسيب الكلام دا للشباب والرجال وتتقي الله وتوقف الفتنة وترد كيد الاعداء اللي عايزين جنازة ويشبعوا فيها لطم و انا متأكدة انها مدسوسة وحققت الهدف اللي مطلوب منها بجدارة ... وعايزة تفهميني انها شجاعة طيب لبسه لبس بيتلكك علي القلع ليه ولا مش فارقه معاها ماهي هي شجاعة بقي؟؟؟


كان ممكن دي تبقي وقعة ومصيبة سودا لو انها واحدة ماشية في حالها وحصلها كدا لكن ايه اللي وصلها انها تبقي في موقع زي دا مدسوسة ؟؟؟

لا تنسي قول الله تعالى:
وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ لِلرِّجَالِ نَصِيبٌ مِمَّا اكْتَسَبُوا وَلِلنِّسَاءِ نَصِيبٌ مِمَّا اكْتَسَبْنَ وَاسْأَلُوا اللَّهَ مِنْ فَضْلِهِ إِنَّ اللَّهَ كَانَ بِكُلِّ شَيْءٍ عَلِيمًا. (النساء -32)

وتفسير هذة الاية:
"وَلَا تَتَمَنَّوْا مَا فَضَّلَ اللَّه بِهِ بَعْضكُمْ عَلَى بَعْض" مِنْ جِهَة الدُّنْيَا أَوْ الدِّين لِئَلَّا يُؤَدِّي إلَى التَّحَاسُد وَالتَّبَاغُض "لِلرِّجَالِ نَصِيب" ثَوَاب "مِمَّا اكْتَسَبُوا" بِسَبَبِ مَا عَمِلُوا مِنْ الْجِهَاد وَغَيْره "وَلِلنِّسَاءِ نَصِيب مِمَّا اكْتَسَبْنَ" مِنْ طَاعَة أَزْوَاجهنَّ وَحِفْظ فُرُوجهنَّ نَزَلَتْ لَمَّا قَالَتْ أُمّ سَلَمَة : لَيْتَنَا كُنَّا رِجَالًا فَجَاهَدْنَا وَكَانَ لَنَا مِثْل أَجْر الرِّجَال "وَسَأَلُوا" بِهَمْزَةٍ وَدُونهَا "اللَّه مِنْ فَضْله" مَا احْتَجْتُمْ إلَيْهِ يُعْطِكُمْ "إنَّ اللَّه كَانَ بِكُلِّ شَيْء عَلِيمًا" وَمِنْهُ مَحَلّ الْفَضْل وَسُؤَالكُمْ

كان فيه خيم وناس فيها واتحرقت طيب يروحوا فين ماهم في قلب الاحداث... فيه كمان سيدات كبيرات كان كل دورهم انهم يوصلوا ماية واكل للمعتصمين... يتضربوا ويتبهدلوا ليه؟؟؟؟؟ ده لو حتى فيه ناس بلطجية او مشاغبين يضربوا الكل ليه؟؟؟؟مايمسكوا اللى بيعمل كدا ولا مش قادرين؟؟؟؟؟؟؟

ربنا ادنا العقل عشان نمييز بيه ... ايه اللي يخلي الناس العاقلة تنزل في وسط الشغب ... الاول كانت مسيرات محترمة ووقفات احتجاجية او اعتصامات ومفيش فيها اي تخبيط ... فيه ناس كل غرضها ان البلد تفضل في حالة قلق وتوتر طول الوقت ومايكونش فيه استقرار عشان ماتقومش قومه لينا تاني ودا في صالحهم الناس اللي افقها ضيق ومخها شغال ربعه بس دخله في حالة عند او تحدي وعايز تثبت لنفسها انها بتعمل حاجة للبلد اللي عايز يعمل حاجة يعمل من موقعة في عمله اما النزول في الشوارع دا ولا له اي لزمة بيدي فرصة للمخططين والمخربين انهم يحشروا شوية بلطجية في النص وتبيقي هيصة وخلاص مفروض اول الموضوع مادخل في تطورات ساخنة كدا يحصل انسحاب من الناس اللي هدفها نبيل عشان مايفضلش غير البلطجية هما اللي يبقوا في وش المدفع ويتمسكوا لكن المشكلة ان العاطل بيدخل علي الباطل وبيبقي ساعتها صعب التمييز بالظبط التفاحة المعطوبة بتفسد السلة كلها

لو اشترتي تورتة حلوة قوي وسبتيها مفتوحة برة التلاجة ولما جيتي وبصيتي لقيتي علي وشها صرصور او حشرات بتعملي ايه ؟؟
اكيد بترميها كلها ولا بتقعدي تنقي الحشرات من فوق الوش ويعني في احسن الاحتمالات ممكن تكشطي الوش كله علي اعتبار ان تحت ماحصلوش ضرر وفي الحالة دي مابقيتش تورتة طبعا ...يعني في كل الاحوال لازم يكون فيه خسائر عشان انتي سمحتي للحشرات انها تدخل لكن لو انتي مركزة ومع اول حشرة لحظتي انها متوجهة قفلت العلبة وشلتيها في التلاجة اكيد كنتي حفظتيها وتبقي تطلعيها في وقتها تاني براحتك.

معلش مثال مقرف شويه بس هو دا الحال في البلد ديلوقتييقرف