اولا دي مش مقالة منقولة ... اللي حصل ان معظم الثلاجات بيكون فيها رف اسف الفريزر وانا كنت حطة طبق البيض فيه وبسحب منة كل يومين تلاته مجموعة وحطها في المكان النخصص في التلاجة وبعدين فوجئت لما وصلت للجانب الداخلي للطبق ان البيض فيه منه مشرخ خفيف او تحس انه تقيل وناشف كدا مش هش وفاضطرت افتحة في طبق فوجدت البيض اتجمد داخل القشرة فتحيرت كثيرا هل هو كدا فسد ولا ايه ؟؟
طبعا الظاهرة دي حصلت نتيجة ان الدنيا شتا والتلاجة مش بتتفتح كتير وكمان مظبوطة علي تبريد عالي وبما انه محطوط تجت الفريز مباشرةً فدا ساعد علي التجميد .
المهم كان عليا اني اتخذ قرار اما بالقائها في الزبالة او الاحتفاظ بها في طبق ودراسة ما سيحدث وبعد مررو يوم كامل بصيت لقيتها رجعت لحالتها الاصلية صفار مكتمل وبياض سائل فبردو تحيرت هل هي كدا بعد ماتجمدت وساحت تبقي باظت وخصوصا ان مالهاش ريحة خالص قلت اجرب واستخدمت البيض لوحده ولقيت طعمة عادي جدا ومفيش مشكلة خالص .
الاستنتاج ان البيض مش بيتأثر بعملية التجميد والتسيح انا معرفش مدي اهمية الملاحظة دي او استخداماتها بس حبيت اطلعكوا عليها من الجانب العملي فقط جايز تكون في جوانب علمية تمنع دا بس حاليا بعد التجربة مفيش اي ضرر .
وعليه ممكن لو مسافرة مثلا مده طويلة وعندك شوية بيض وخايفة تاخذية معاكي لا يتكسر اذن ممكن تجمدي وتعيدي استخدامة لما ترجعي او تجمديه وتاخذية معاكي يفك هناك .... :( :(