افلام الزمن الجميل .....

عدم وجود الألوان والتكنولوجيا زمان ده شيئ مكنش مقصر مع حد لأنهم ما كانوش يعرفو الألوان أصلا ... زي من سنة ولا اتنين محدش كان يسمع عن ال 3D لكن بعد كدة هيبقى ده العادي والناس تقول فين أيام أبو من غير 3D

لان افلام زمان كانت افلا م واقعية وتهدف الى توصيل الموعضة للناس فى المقام الاول وكنت بتتوظف فى اطار كوميدى او تراجيدى للناس بقصد ترسيخ الفكرة اما الان فان الافلام كلها متشابهة وتعتمد على الالوان والتنطيط والعرى مع استخدام المؤثرات الفنية الحديثة بانوعها المختلفة بقصد الابهار كما ان الممثلين اصبحوا متشابهين فى الحركات والاداء بما لا يشعر المشاهد الاصيل باى فرق بين فيلم واخر اما زمان كان الفنان يبذل كل طاقاته الفنية علشان يبقى له رصيد فنى ويشتهر زى ما بيقولوا كانوا بينحتوا فى الصخر اما الان فقد تغيرت كل هذه المعايير ...والله يرحم افلام زمان ..!!!!!!!!!!!

الفكرة مش في ان الافلام دي هادفة او غير هادفة لإن كل سيناريو لاي فيلم حتي اوحش فيلم في الدنيا بيكون وراة فكرة بس الفكرة في ان ((( الريتم ))) كان هادي لإن الحياة كلها كانت هادية. بمعني ان تسارع وتيرة الحياة في كل شيء انعكس علي الفنون بشكل عام والافلام بشكل خاص بإعتبارها اسرع دراما.
والجزء الاهم دلوقتي واللي منرفزني بشكل كبير ان الفن اصبح باكدج بمعني ان فتات الإعلان بتعمل اعلانات وبعدين تغني وبعدين تعمل فيديو كليب وفيلم ومسرح حتي اعلانات اتصل علي لإن اللي بيحركهم المديرين الفنيين اللي كل تفكرهم مادي بحت.
ودلوقتي التوك شوو بقا فنانين شغالين علي بعض زو بيشغلو بعض بمعني سمير غانم يجيب ميمي جمال واشرف عبد الباقي يحيب محمد هنيدي

واسهل شيء دلوقتي تجسيد مشاكل المجتمع ودي الموضة الجديدة من غير ماتتعب نفسك يابرنس في سيناريو محبوك وفن وتمثيل تقيل
يعني (أوقات فراغ) (حين ميسرة ) ويقولك اصل الفن مرأة المجتمع فلازم نشيع الفحشاء والمنكر اللي في فئة معينة علشان نكون عندنا مصداقية في المهلبية ومبقاش في ( حبكة ) والا اتقان ولا صرف في الإنتاج يعني محدش يفكر يعمل معالجات جديدة لقصص تقيلة تاني خلاص لإنها هاتطول والفلوس هاتتأخر

وكل عيش يامعلم