الم يسأل أحد نفسه هذا السؤال من قبل ؟

3
0

مين بالضبط اللى بيرفع الأسعار ؟ ومين اللى بياخد فروق الأسعار ؟ .



مثلا : الذهب كان بستة وسبعين قرش سنة 1969 ، ايه اللى خللاه النهاردة 250 ..



: الأسمنت كان بعشرين جنيه للطن ، مين اللى وصله فوق ال 600



: اللحمة كانت بسبعين قرش ، مين اللى وصلها لفوق ال 70 ؟



التلات بيضات البلدى كانوا بقرشين صاغ ، بقوا ب 2 !!



مين اللى وصلنا لكده؟ الانتاج بيقل ؟؟ التجار جشعين ؟ المستوردين اكثر جشعا ؟



الفلوس دى بتتلم من الناس غصبا عنها لأنهم لازم يشتروا علشان يعيشوا هم واولادهم. يعنى الفلوس بتتسحب فعلا بكل افتراء من ايدين عامة الشعب وتدخل فى جيوب التجار والمستوردين ..



لو هوامش الربح محسوبة بضمير وبمنطق ، هل كنا نسمع عن تزايد عدد اصحاب الملايين والمليارات ، فى الوقت اللى بيزيد فيه عدد الفقراء ؟



واخدين بالكم ان الأموال عمالة تقل من تحت وعمالة تتراكم فوق ؟ وياريت بيقفوا عند حد معين ، او بيثبتوا الأسعار مثلا لمدة خمس سنين او حتى ثلاثة ، ابدا دا كل شهر شهرين حاجة تانية بتزيد..



انانية رهيبة .. لا لها علاقة بالضمير البشرى عموما ولا لها علاقة بالدين ولا الايمان .ولا الشعور الوطنى ولا التكافل الاجتماعى ..



ونتيجة لكده زاد الحقد الاجتماعى والعائلى والغل النفسى المكتوم وربنا يستر على الناس اللى لسه نفوسها نظيفة..

 

إضافة منذ 11 عام
الكاتب الأصلي
تعديل منذ 7 عام

التعليقات

لا يوجد
zedony.com - A mmonem.com production. Privacy Policy