كام مرة فكرتي تعملي التورتة في البيت بس تقابلك مشكلتين :
الاولي نجاح الكيك الاسفنجية اصلا
ودي ماليش دعوة بيها في المقال دا :p
الثانية هتزينيها ازاي ومحتاجة خامات ايه للعملية دي
هو دا موضوعنا بقي مجموعة افكار منزليه بسيطة لتزيين التورتة باستخدام الفاكهة زي الاناناس والفراولة والكيوي والكريز والعنب الموضوع مش صعب المهم تقطعي الفاكهة بنفس الاشكال اذا كانت انصاص او شرائح وتتبعي طريقة منظمة في الرص وهتطلع حاجة من دول
باستخدام حلويات الاطفال دي بقي اسهل بكتير بعد تخطية الكيكة بالكريم شانتية او الشيكولاته السايحة وممكن كمان تستخدمي النوتيلا للتسهيل بيتم نثر الحلويات باي صورة منظمة او عشوائية زي كدا
باستخدام الادوات الطريقة دي مابيدخلش فيها زينة خارجية الا بسيط جدا يعني اللعب كله في الطبقة الخارجية للكريم شانتية او الشيكولاتة وباستخدام ظهر الملعقة او مشط نظيف اوشوكة وعمل تحزيزات وسحبات عليها ولكن نجاح التزيين دا بيعتمد علي ان الطبقة الاخيرة تبقي كثيفة شويه يعني لازم تكتري من الكريم شانتية او الخليط اللي فوق الوش وعلي الاجناب مش مجرد دهان وسوف تصبح هكذا
باستخدام شيكولاتة سايحة في كيس حلواني هي حركة بسيطة قوي وبس عايزة دقة شوية وتركيز وبتعتمد علي عمل خطوط رفيعة منتظمة من الشيكولاتة فوق طبقة الكريمة وبعدين يتم سحب هذة الخطوط سريعا بخطوط متقاطعة معها باستخدام خلة اسنان نظيفة او اسياخ الشيش طاووك او حتي ظهر ملعقة وكل دا قبل الشيكولاتة السايحة ماتنشف وممكن تحصلي علي شكلين هما
لو عملتي خطوط مستقيمة متوازية 
او عملتي خطوط دائرية مغلقة والسحب مرة لجوة ومرة لبرة عكسي يعني
باستخدام بسكوت البوريو او الاوريو مفيش خالص ترصي البسكوت فوق الكريمة زي كدا
{{uf:822}}
