طبعا الأولاد في الأيام دي بيكرهة النصايح من الأب و الأم أو الكبار عموماوأسلوب النصايح المباشرة ما بيجبش نتيجة لكن في طريقه أسهل ممكن الأب أو الأم يوصلوا
القيم والأخلاقيات الصحيحة عن طريق قصة ممكن هما يألفوها ويحتوي مضمونها علي النصيحة اللي عايزين يوصلوها.
ممكن الأب والأم يستخدموا نفس الطريقه لو الطفل عمل حاجه غلط لكن مش بعد الموقف مباشرة لأن الطفل ذكي وهيفهم ان دي نصيحه غير مباشرة وفي الحالة دي مش هتأثر ممكن بعد الموقف الغير صحيح ده بس مش بفترة طويلة وممكن المدرسين يستخدموها مع الأطفال في الفصل .
بالنسبة للمراهقين اللي طبعا ما ينعش نحكيلهم حدوتة لكن ممكن نختلق موقف يوصل النصيحة اللي عوزينها كانه حصل لأي حد من المعارف مثلا أو كأنه كان منشور في جرنال مثلا ويوضح عاقبة الخطأ اللي حصل ولازم يكون بعد فترة من الموقف الخطأ اللي حصل عشان ما يربطش بين الخطأ اللي ارتكبه وبين الكلام ويشك ان الكلام دة من الخيال عشان يوصلولوا نصيحة معينه ويعند لأن طبعا العند عند الأطفال والكبار بقى سمة العصر.