اذا تولي السلفيون ...

انت بتهزر طيب خد عندك دي:

بما اني عضوة في نادي الشمس اللي كانت الانتخابات بتاعته من شهر فات احب اقولك ان الاخوان كسبوا نص المقاعد في مجلس النادي + مقعد نائب الرئيس.

تحب تعرف بعض القرارات اللي اتخذوها ايه؟

تم الغاء الباليه المائي وجمباز الفتيات وذلك لاستخدام ملابس السباحة العاريه فيهم.

ماحدش بيقول ان العري شئ جميل بس دي رياضة والنادي كان بيدخل فيها مسابقات وبيكسب وبالذات في البالية المائي كان معروف جدا وكان ممكن ايجاد مليون حل ومليون طريقة لتلافي المشكلة زي مثلا:

1-عمل حمامات سباحة مغطاة للفتيات ولا يجوز دخول الرجال او الشباب اليها
2-ممكن الزام الفتيات بلبس زي السباحة الشرعي او استرتشات طويلة للحول دون ظهور الجسم.


ويمكن تكون فيه حلول تانية كتير مش في ذهني دلوقتي بس اكيد مش انه يلغيها تماما كدا بعد تاريخ 30 سنة تقريبا.

قيس بقي دا علي اي جانب من جوانب الحياة لو مسكوا مقاليد الحكم يعني لو هما مثلا هيقفلوا الملاهي الليلة والمقاهي ويحرموا المنكرات ويمنعوا الربا في البنوك ... ماشي بس هما اكيد هيجوا في الهايفة ويتصدروا وطبعا الله اعلم هيكون نظام القضاء ايه معاهم.

كل دا اخوان اللي هما معتدلين شوية فما بالك بالسلفيين المعقديين

المشكله مش في تطبيق الشريعه المشكله في تسييس الدين وللاسف معظم الشعب مش فاهم حاجه ربنا يستر علي البلد ويولي الاصلح سواء اخوان ولا سلف ولا اي حاجه